Memeyekɨ 3:22 - Kakaɨyari Niukieya

²² Yunaitɨ 'ukarawetsixi 'ixaheritsixi mepɨtetawauxɨani wa'aurie memeutitei wahetsɨa ya tsepa ke'ane hetsɨa, 'urukɨ mɨtiwewiyatɨka meta pɨratakɨ, 'ixurikite yuniwema xemɨwaretiketɨanikɨ 'ukitsi 'ukari. Mɨpaɨ 'ekipitutari xekateniwanawairiekuni.

Memeyekɨ 3:22 ပူးပေါင်းရင်းမြစ်များ

'Etsekieri 39:10

'Ana mepɨkakukɨ'etɨweni 'ateewa paitɨ 'ɨtsita, meta kɨyexi 'amɨtipapa mepɨkatehawitekeni, kɨye memɨnaika xetupi pɨtihɨkɨtɨni. Meta mepɨtewanawairieni kemɨ'ane memɨtewarunawatsiriekai. Yawé mɨpaɨ kanaineni.

Nɨawari 105:37

'Ixaheritsixi kaniwarayewitɨni huru me'utɨkɨme meta pɨrata, yunaitɨ mɨkɨ xiɨyari xewitɨ tɨma pɨkahekawe.

Memeyekɨ 11:2

Mɨpaɨ ketiniwaretahɨawi 'ateɨterima yunaime, mɨkɨ 'ukitsi meta 'ukari meketewaretawawirieni, xe'aurie memekutetɨka huru meta pɨrata».

Kitsariyaxi 33:1

Xɨa'ui 'ekɨ, pemɨtiyuka'uname, 'akuxi pemɨkaka'unariewe. Xɨa'ui 'ekɨ, pemɨtiyukananaima, 'akuxi pemɨkananaimariewe. Kepauka 'ari pemɨtiyuka'una, 'ekɨta pepɨka'unarieni, kepauka pemɨtiyunanaimani, 'ekɨta pepɨnanaimarieni.

Temaiwawemete 13:22

Tewi 'aixɨa mɨtiuka'iyari yuteukarima piinitɨarika pɨtiwaku'e'eiririwa, 'axatiyuruwame piinitɨarikaya mɨkɨ heitseriemekɨ yamemɨtekahu wahetsiemieme pɨta katinayeimɨkɨ.

Tsutɨarika 15:14

Peru neta yaxeikɨa nepɨwa'uximatɨani mɨkɨ teɨteri memɨtewata'uximayatsitɨani, 'ana mepayekɨne 'anuiwarima metixɨnarieme, waɨkawa mɨraye'atɨka mete'upitɨ.

Tsutɨarika 24:53

Hikɨ katinewatipini hurukɨ mɨtiwewiyatɨka meta pɨratakɨ metatsiere 'ixurikite mɨraye'atɨka Xeweka katiniupitɨani. Yaxeikɨa matsikaya meta maamaya katiniwayetuirieni 'imikierite.