Memeyekɨ 3:15 - Kakaɨyari Niukieya

¹⁵ Hikɨ Kakaɨyari Muitsexi mɨpaɨ katiniutahɨawe: —Mɨpaɨ ketiniwaretahɨawi 'ixaheritsixi: “Yawé xe'ukiyarima wakakaɨyari 'Apɨrahami, 'Itsahaki meta Kakuwu, pɨnetsiheyenɨ'a xehetsɨa. 'Ikɨ pɨhɨkɨ kenemɨtitewa yareuyuhanemekɨ, 'ikɨ pɨhɨkɨ kenemɨtitewa naitɨ nuiwarite manuyekɨne”.

Memeyekɨ 3:15 ပူးပေါင်းရင်းမြစ်များ

Hepɨrayutsixi 13:8

Ketsutsi Kɨritsitu meripaitɨ hikɨta yaxeikɨa kani'aneni, tsepanetɨ xeitsienitu wiyari manuyekɨka.

Marakiyaxi 3:6

»Ne Yawé, nepɨkanepata. 'Ayumieme xeme Kakuwu nuiwarimama, xepɨkaheuyehɨiyawawe.

'Utseyaxi 12:5

Yawé Kakaɨyari Naimekɨmɨtɨrɨkaɨye hamatɨa pɨtiutixa, Yawé mɨtitewa.

Mikeyaxi 4:5

Teɨteri yunaitɨ yukakaɨyarixi wahetsie metewiyatɨ mekaniuhuni, matsi tame Yawé hetsie tetewiyatɨ xeikɨa tekaniuhuni, takakaɨyari hetsie tetewiyatɨ, hikɨ 'ena mɨtiyehane meta yuheyemekɨ.

Memeyekɨ 3:6

Ne 'apaapa nekanikakaɨyarieyatɨni, 'Apɨrahami, 'Itsahaki meta Kakuwu. Mɨpaɨ tiu'enaka Muitsexi, kaneuyuku'eima yɨhɨxie, 'utimaka Kakaɨyari 'uxeiyaka.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Nɨawari 102:12

Yawé, 'ekɨ 'aheyemekɨ pekatini'aitani, yuheyemekɨ 'ekɨ 'apekatiniteriweni yunaime nuiwarite watsata.

Nɨawari 135:13

Yawé, 'ekɨ yuheyemekɨ 'apekaniuyeikani, 'aheyemekɨ 'aheyemekɨ 'apepuweni.

Nɨ'ariekate 7:32

“Ne 'atutsima nekaniwakakaɨyaritɨni, 'Apɨrahami, 'Itsahaki meta Kakuwu”. Mɨkɨ Muitsexi 'uyɨyɨakatɨ pɨkayuwaɨriyakai mɨnierenikɨ.

Hutarieka 'inɨari 1:11

Matsi Yawé, tapaapama wakakaɨyari, kexe'utimɨiriya hikɨ kexemɨyupaɨme xeimiriyarimexɨa tawarita, meta 'aixɨa yemekɨ kexeyurieka mɨkɨ kemutayɨ.

Memeyekɨ 4:5

—'Ikɨ kanihɨkɨtɨni yuri memɨmateheta'eririeni kename ne Yawé xepaapama wakakaɨyari 'Apɨrahami, 'Itsahaki, Kakuwu ne'unehekɨataxɨ 'ahɨxie.

Kitsariyaxi 63:12

yamɨtiuyuri yumamá mariwemekɨ Muitsexi tserieta mumienikɨ, kemɨ'ane haa manutayepi mana muyanikɨ, yuheyemekɨ matiwatɨ mayanikɨ?

Nɨawari 72:19

'Aixɨa keraniuwani hetsiena mieme yuheyemekɨ, kemɨtimariwe ke'utahekɨatsieni naitsarie. 'Aixɨa pɨ'ane, 'aixɨa pɨ'ane.

Nɨawari 72:17

Kekuxaxatsiwani yuheyemekɨ, tau hepaɨ kereutere ku'eriwatɨ. Hetsiena mieme nuiwarite 'aixɨa mekeyuyurieka, yunaitɨ mɨkɨ 'aixɨa mekete'ikɨhɨaweni.

2 Kemɨtiuyɨ 28:9

Tewi 'Ureri titewatɨ mana kaniukateitɨni, Yawé niukameya kanihɨkɨtɨkaitɨni. Kepauka kuyaxi 'ixaheritsixi Tsamariyatsie memuti'axekai, mɨkɨ Kakaɨyari niukameya kanayeyani waranukunakeke mɨpaɨ katiniwarutahɨawe: —Yawé, xe'ukiyarima wakakaɨyari, Kuratsie kiekatari xehetsɨa kaniwayetuani, mɨkɨ mɨha'akaikɨ wahepaɨtsita. Peru xeme xekananutikɨne, xekawanenimayatɨ xekaniwarukwini, Kakaɨyari kaniuniere muyuawitsie paitɨ.

Mateu 22:32

“Ne 'Apɨrahami, 'Itsahaki meta Kakuwu wakakaɨyari nekanihɨkɨtɨni”? Mɨkɨ mɨkite pɨkawaxata, kename wakakaɨyari maine. Memayeneniere pɨta wakakaɨyari kaniyuxatani, tsepa memukwi.

Hutarieka 'inɨari 4:1

»'Ixaheritsixi, 'ikɨ xekeneu'eni 'aitsika 'inɨari niukiyari kenemɨtixe'u'ɨkitɨa, kemaine yaxemɨtekahunikɨ. 'Ana mɨpaɨ xeteyurietɨ xekaneutahaxɨakuni 'iya kwieyaritsie Yawé tatutsima wakakaɨyari mɨxeyetuirietsie xekwie mayanikɨ.

Hutarieka 'inɨari 1:35

“Nixewitɨ tewi 'ikɨ nuiwari 'axamemɨte'u'iyaritsie mieme mɨkɨ kwie 'aixɨa mɨ'ane pɨkaxeiya watutsima nemɨwayetuirienikekai nemainekai.

Nɨ'ariekate 3:13

'Apɨrahami, 'Itsahaki meta Kakuwu tatutsima wakakaɨyari, mariweme yuniwe Ketsutsi mayeitɨa. Xeme xepiyetua meta xepitixani'eri Piratu hɨxie kepauka mɨkɨ mixɨnakekai.

Hepɨrayutsixi 11:16

Matsi mepihiwe'eriekai kwie 'aixɨa mɨ'ane taheima mieme. Kakaɨyari 'ayumieme pɨkayutewiya mɨkɨ wakakaɨyari mɨramamatiwanikɨ, kiekari puwarukuha'aritsitɨiri.

Tsutɨarika 24:12

Hikɨ ti'uximayatame mɨpaɨ katiniuyutanenewieni: «Yawé, 'Apɨrahami neti'aitɨwame Kakaɨyarieya, waɨkawa nepɨmatsiwawirie hikɨ 'aixɨa nemɨtiyurienikɨ, 'Apɨrahami nekutsiyari kepemɨtinaki'erie yaketineuyuri.

Memeyekɨ 3:13

Muitsexi matsi mɨpaɨ kaniutayɨni: —Xɨka neheyani 'ixaheritsixi xɨka mɨpaɨ netiwaretahɨawe: “Xe'ukiyarima wakakaɨyari pɨnetsiheyenɨ'a xehetsɨa”. ¿Kenetiwaretahɨawe xɨka mɨpaɨ meneteheta'iwawiya: “¿Keri titewa?”

Memeyekɨ 4:1

Muitsexi tawarita kaniuta'iwauni: —¿Keneheyɨanenita xɨka yuri mekaneteheta'eririeni xɨka mekanetsihe'enieni? ¿Keneheyɨaneni xɨka mɨpaɨ menetehahɨaweni: “Yawé 'ahɨxie pɨkaheyuhekɨataxɨ”?

Memeyekɨ 6:2

Hutarieka, Kakaɨyari Muitsexi hamatɨa katiniutaxata mɨpaɨ katinitahɨawe: «Ne Yawé nepɨhɨkɨ.

Memeyekɨ 15:2

Yawé pɨnetɨrɨkariya meta pɨnekwikari, mɨkɨ pɨnetsiwikweitsitɨwame. Mɨkɨ pɨnekakaɨyari, nepinɨawani, mɨkɨ nepaapa Kakaɨyarieya pɨhɨkɨ, 'ayumieme 'aixɨa nepaineni hetsiena mieme.

Memeyekɨ 15:3

Yawé kuya meuyutamiewe kanihɨkɨtɨni, Yawé katinitewaka.

Mawari 24:11

Matsi 'ukaratsi 'ixaheri tewiyari nu'aya, 'axatayɨnike, Yawé 'utaterɨwatɨ hepaɨtsitana 'axakaniutayɨni, hikɨ Muitsexi hetsɨa mekaneihana. (Maamaya Tserumiti katinitewakaitɨni Riwɨri niweya, Rani nuiwarieyatɨtɨ).

Nɨawari 30:4

Yawé xekenenɨawani, xeme 'aixɨa xemɨte'u'uwa hetsiena mieme, kemɨtipatsie xekenenɨawani.

Temaiwawemete 18:10

Yawé kawi 'amutewi hepaɨ kani'aneni, hetsɨana mekaniutinanautsani heitseriemekɨ yamemɨtekahu memɨtawikweitsitɨarienikɨ.

Kitsariyaxi 26:8

Yawé, huu, 'ahetsie tepɨta'ikwewa, petati'ɨkitɨakaku yatepɨtehetimamateke mɨpaɨ temɨte'u'uwanikɨ, kepemɨtitewa meta pemɨkahatɨtɨmaiyarɨwa mɨkɨ pɨhɨkɨ temeiyehɨwa tatukaritsie.

Kitsariyaxi 42:8

»Ne Yawé nekanihɨkɨtɨni, mɨpaɨ nekatinitewaka. Hipame kenemɨtimariwe nepɨkawapitɨa, meta nenɨawari kakaɨyarixi nepɨkawapitɨa.

Keremiyaxi 33:2

«Mɨpaɨ kanaineni Yawé mɨtitewa, kwie mutawewi 'aixɨa mɨtiuyuri mikama:

Tanieri 2:23

'Ekɨ, ne'ukiyarima wakakaɨyari, nepɨmatsinɨawa meta pamɨpariyutsi nepɨmatsipitɨa. Nemɨtimaiwenikɨ pepɨnetsi'upitɨa meta tɨrɨkariya, pepɨnetsi'utahekɨatɨa tita temɨmate'utawawiri, pepɨnetsi'utahekɨatɨa ti'aitame heinɨtsikaya».

1 Kemɨtiuyɨ 16:16

'Apɨrahami matɨa tɨratu kemɨtiuwewi, meta 'Itsahaki matɨa kemɨtiuyuhɨritɨa,

1 Kemɨtiuyɨ 29:18

Yawé, ta'ukiyarima wakakaɨyari 'Apɨrahami, 'Itsahaki meta 'Ixaheri, hikɨ hepaɨ meteyɨkɨhɨaweme keniwapitɨaka wa'iyaritsie yuheyemekɨ, mɨkɨ yu'iyaritsie memɨmatsiha'eriwanikɨ keniwapitɨaka.

Nɨawari 30:5

Haxɨaya 'etsiwa xeikɨa katineutetereni, peru yuhemekɨ pɨtiuyukanaki'erie. Xɨka tɨkarikɨ tsuari xuaweni, ximerita temawierika puxuaweni.

Nɨawari 68:5

Nutuite wa'ukiyari, wiuraxi wahetsie nunuwame Kakaɨyari kanihɨkɨtɨni yutuki mupatsieta 'ayekaitɨ.

Nɨawari 102:13

Pekananukukemɨkɨ meta Tsiyuni pekanitinenimayatamɨkɨ, 'ari mɨkɨ tukari kanaye'aniri pemitinenimayatatsie. Mɨkɨ tukari kemɨtiu'inɨaritsie kanaye'ani.

'Utseyaxi 12:6

Peru 'ekɨ kenenua 'akakaɨyari hetsɨa, peti'akanaki'erietɨ kemɨtiheitserie ketineyurieneni, hetsiena yuri peti'erietɨ.