Memeyekɨ 3:11 - Kakaɨyari Niukieya

¹¹ Peru Muitsexi Kakaɨyari mɨpaɨ katiniutahɨawe: —¿Ne tita netihɨkɨ Parahuni hɨxie nemɨtaniunikɨ meta 'ixaheritsixi nemɨwarayewitɨnikɨ?

Memeyekɨ 3:11 ပူးပေါင်းရင်းမြစ်များ

1 Tsamuheri 18:18

Hikɨ mɨpaɨ katinita'eiya Rawiri: —¿Ne tita netihɨkɨ? ¿'Ixaheritsie ne'iwama kemɨ'ane mepɨhɨme, yatɨni nepaapa 'iwamama, para ti'aitame munieya ne nemayeikanikɨ?

2 Kurinitutari 3:5

Mɨpaɨ tepɨkateku'eriwa kename takɨmana teyɨwawe tixaɨtɨ temɨtetsutɨani. Matsi Kakaɨyari yatatipitɨakaku tepɨyɨwawe.

Memeyekɨ 6:12

Peru Muitsexi Yawé mɨpaɨ katiniutahɨawe: —'Ixaheritsixi matsi mepɨkanetsiheu'enieri Parahuni kenetiu'enieni meta 'aixɨa nepɨkatiuxaxata.

Keremiyaxi 1:6

Ne mɨpaɨ nepɨtita'ei: «Yawé nekakaɨyari. Xɨa'ui 'akuxi 'aixɨa nepɨkareutaxatawe meta temaikɨ nepɨhɨkɨ yakɨnepɨnemate».

2 Kurinitutari 2:16

Memɨkwixime wahekɨ tepumɨki'ɨa temɨwaraye'eritɨwakɨ kememɨtekwini, peru mɨkɨ memɨtawikweitsitɨariexime wahekɨ teputukari'ɨa temɨwaraye'eritɨwakɨ kememɨte'ayeneniereni. ¿Merikɨte, kepaikɨ pikema 'ikɨ naime?

1 Te'aitamete 3:9

Ne nepɨmatsiwawirie mati'uximayatsiriwame nehɨkɨtɨtɨ nemɨtimaiwenikɨ nemɨyɨwenikɨ nemɨtiwata'aitɨanikɨ 'ateɨterima, para nemɨtimaikakɨ ketita 'aixɨa mɨti'ane meta tita 'axamɨti'ane. Mexɨka katixaɨtɨni pekanetsi'uparewieni, xewitɨ pɨkayɨwe mɨtiwaruta'aitɨani 'ikɨ teɨteri memɨyumɨire».

1 Te'aitamete 3:7

»Yawé nekakaɨyari, hikɨ 'ekɨ ti'aitame pepɨnetsi'ayeitɨa nepaapa Rawiri hetsiemieme. Peru ne matsi 'akuxi nepɨtemaikɨ, 'atsinepɨkatimate kenemɨtiyurieneni.

2 Tsamuheri 7:18

Hikɨ Rawiri ti'aitame kaneyani Yawé tɨratuya kakuniyari hɨxie 'utayerɨka mɨpaɨ katinitahɨawe: «Yawé meta Kakaɨyari, ¿kepaikɨ ne nepɨhɨkɨ meta netɨɨriyama, titayari mariweme penerayeitɨwani?

'Itsɨkate 6:15

Kerehuni mɨpaɨta kaniutayɨni: ―Perutsɨ neti'aitɨwame, ¿'ixaheritsixi kenetiwawikweitsitɨani? Taxiɨyari mɨkatɨrɨkaɨye pɨhɨkɨ Manatsexi hetsiemieme, meta 'iwamarixi ketemɨtapaɨme ne nemɨkaxeiyarie nepɨhɨkɨ.

1 Kemɨtiuyɨ 29:14

»Peru, ne tixaɨtɨ nepɨkatihɨkɨ meta neteɨterima tixaɨtɨ mepɨkatehɨkɨ, tita meta 'imikieri temateyetuiri tixaɨtɨ pɨkatihɨkɨ. Yurikɨtsɨ 'ekɨ, tinaitɨ 'apiini katinihɨkɨtɨni, tame ketita temateyetuiri, mɨkɨ katinihɨkɨtɨni 'ekɨ pemɨtatiyetuiri.