Memeyekɨ 29:45 - Kakaɨyari Niukieya

⁴⁵ 'Ixaheritsixi wahamatɨa nekaniuyeikamɨkɨ, wakakaɨyari nepɨhɨkɨtɨni.

Memeyekɨ 29:45 ပူးပေါင်းရင်းမြစ်များ

Mawari 26:12

Xehamatɨa nekaniumiemɨkɨ. Ne xekakaɨyari nepɨhɨkɨtɨni, xeme nekiekari xepɨhɨkɨtɨni.

2 Kurinitutari 6:16

¿Kakaɨyari tukitana kemetenake tetexi kakaɨyarixi? Pɨkayɨwetsietɨ. Tame Kakaɨyari mayeniere tukieya tekanihɨkɨtɨni, kemutayɨ Kakaɨyari: «Wahetsɨa nekaniukaimɨkɨ, watsata nekaniuyeikamɨkɨ. Wakakaɨyari nepɨhɨkɨtɨni, mɨkɨta neteɨterima mepɨhɨkɨtɨni». 'Ayumieme mɨpaɨta putayɨ:

Memeyekɨ 25:8

Meta tuki xepɨnetsitawewirieni, xehamatɨa nemuyeikanikɨ.

Matsiɨkɨtɨ kemɨratɨa 21:3

Hikɨ niuki nekaniu'enieni 'uweni manuwe 'ayeneikame karima mɨpaɨ hetaineme: «Hikɨrixɨa Kakaɨyari yuteɨteri watsata kaniuyeikamɨkɨ. Wahamatɨa 'ukaitɨ kanayeimɨkɨ. Mɨkɨta teɨterimama mekanihɨkɨtɨkakuni, Kakaɨyaritɨtɨ wahamatɨa puyeikani meta pɨwakakaɨyaritɨni.

Tsakariyaxi 2:10

»Xekeneutihiwani temawierikakɨ, Tsiyunitari. Ne nekaninuamɨkɨ xehamatɨa ne'ukaitɨ nekanayeimɨkɨ —Yawé mɨpaɨ kanaineni—.

Wani 14:17

'Iyari yuri maine nekanixatani, kwiepa memɨtama mepɨkayɨwawe memitanaki'erieni memɨka'ixeiyawawekɨ memɨka'imatekɨ. Xemeri xekanimaikatɨtɨ, xehetsie kaniyuhayewani, xehetsie katiniwiyani.

Wani 14:23

Ketsutsi mɨpaɨ katinita'eiya: —Xɨka tewi netsinaki'erieka, neniukitsie yakatinikamiemɨkɨ, ne'ukiyari mɨkɨ kaninaki'eriekamɨkɨta, hetsɨana tekani'axekuni, hetsɨana tekanitakikuni.

Nɨawari 68:18

Yawé Kakaɨyari, kepauka 'ekɨ pemanutitɨa taheima, pepɨwarewitɨ memanutaxɨriya, waɨkawa 'imikieri pepɨrepi teɨteri memɨmeteyetuiri, metatsiere memayu'eririya tiwapiini, mana wahamatɨa pemeyutakiitɨanikɨ.

Memeyekɨ 15:17

'Ekɨ pepɨwareutawitɨni, pepɨwaka'iteɨta, 'iya hɨritsie kemɨ'ane 'ahetsɨamɨmieme, Yawé, 'ekɨ hakewa pemeyeika, hakewa 'ekɨ, Yawé, 'atuki pemeyutawewiri.

'Epetsutari 2:22

Xemeta hetsiena xetewiyatɨ xekaniti'uitɨarieximeni xeikiyari xemakɨnekɨ 'axeikɨa, Kakaɨyari xetaɨta mayekanikɨ yu'iyarikɨ.

Wani 14:20

'Iya tukari 'aye'ayu, mɨpaɨ xekatenimaikakuni ne ne'ukiyaritsie nemɨtiwiyakɨ, xemeta nehetsie xemɨtewiyakɨ, neta xehetsie nemɨtiwiyakɨ.

Tsutɨarika 17:8

'Ekɨ meta 'anuiwarima nepɨxeyetuirieni naime Kanani kwieyari, yuheyemekɨ mɨxekwietɨnikɨ, hakewa hikɨ xeme'uwa teewatari wahepaɨ xe'anetɨ. Neta xekakaɨyari nepɨhɨkɨtɨni».

Memeyekɨ 6:7

Ne, xeme nekiekari nepɨxe'ayeitɨani, neta xekakaɨyari. Mɨpaɨ 'ana mepɨtehetimani, kename ne Yawé nexekakaɨyari, nemɨxe'ɨxɨnaxɨ 'ekipitutari kememɨtexe'uximatɨakai.

Memeyekɨ 29:44

»Patsiekame nekanayeitɨamɨkɨ mɨkɨ tuki 'ixurikiyari meta mawari wewiwame, meta 'Aruni meta niwemama mepatsiekame nekaniwarayeitɨamɨkɨ memɨte'uximayakakɨ nehetsiemieme mawari wewiwametekɨ.

Mawari 26:11

Xetsata nekii nekanitawewimɨkɨ muwa nemayekanikɨ, meta hatsuaku nepɨkaxetixani'erieni.

'Inɨatsie 5:3

Tsepanetɨ 'ukitsi meta memɨ'ukari, xemakuteitsie pekaniwarayenɨ'amɨkɨ, para memɨkaxewiriekakɨ mana xemakuteitsie xeme neteɨterima».

Hutarieka 'inɨari 7:21

Xepɨkawamakaxeni mɨkɨ, matsi Yawé xekakaɨyari, mɨmariwe mumakaxiwa xehamatɨa kaniuyeikamɨkɨ.

Hutarieka 'inɨari 12:11

Hakewa Yawé menayexei xemeyexeiyanikɨ tinaime xekatenanupikuni kenemɨtixe'uta'aitɨa: Mawari taiyariyari, mawarite, tamamatatsie mieme xeime, ketita mɨtiyetuiwa mawariyari, tita memɨteyetuaya meta Yawé minaki'erie mawari kemɨtiyuhɨritɨani hetsiemieme.

1 Te'aitamete 6:13

Ne 'ana 'ixaheritsixi wahamatɨa nepukani meta hatsuaku nepɨkawaku'eirieni neteɨrima 'ixaheritsixi».

Nɨawari 114:2

Kura Kakaɨyari tukieya kanayani, 'Ixaheri kwieyari mɨra'aita patɨa.

Keremiyaxi 14:9

¿Titayari petihɨxiya, kuya mɨkayɨwe mɨtiyutawikweitsitɨani hepaɨ? Yawé, 'ekɨ tahamatɨa pepuyeika, kepemɨtitewa mɨpaɨ tepɨtematiwa, pepɨkatatsi'uku'e'eiriwani.

Tanieri 2:11

'Ekɨ ti'aitame kepemɨtatiwawirie pɨkayɨwe, nixewitɨ pɨkayɨwekaxɨani mɨmatsitahekɨatɨani, hɨrixɨa kakaɨyarixi. Peru mɨkɨ tahamatɨa mepɨka'u'uwa.

'Akehuxi 2:5

Xetsata ne'iyari kaniuyeikamɨkɨ yuheyemekɨ, tɨratu kenemɨtiuwewi hepaɨ xehamatɨa kepauka 'Ekipitu xemayekɨ”. »Xepɨkamamaka,

'Inɨatsie 16:3

Mekaniuyukuxeɨrieni Muitsexi meta 'Aruni wahepaɨtsita memeuniunikɨ, mɨpaɨ mekateniwarutahɨawe: —Xemeri yemekɨ mamariwawemete xepayuyeitɨa. Xɨka 'ikɨ kiekari patsieka meta kiekatari, ¿titayari xeme Yawé kiekarieya kutsiyarima xetehayuyeitɨwa?

'Inɨatsie 35:34

»Kwie ka'itiyakame pepɨka'ayeitɨaka hakewa pemeyeikatsie, neta mana nekaniuyeikani, karikɨ ne Yawé nekanihɨkɨtɨni 'ixaheritsixi watsata nemuyeika».

2 Kemɨtiuyɨ 6:18

»Peru ¿tiyɨwekuta 'ekɨ, nekakaɨyari, 'ena kwiepa pemukani teɨteri wahamatɨa? Matsi muyuawitɨtɨ, tsepa kemeutitewa, mana pepɨkatinake, matsi 'ikɨ tuki nemutawewi 'etsipupe.

'Etsekieri 34:24

Ne, Yawé, xekakaɨyari nepɨhɨkɨtɨni, Rawiri neti'uximayatsiriwame tixe'aitɨwame pɨhɨkɨtɨni. Ne, Yawé mɨpaɨ nekanaineni.

'Etsekieri 43:7

Mɨpaɨ netikɨhɨawetɨ: «Tewi pemunu'aya, 'ena katini'aneni ne'uweni manuwe, hakewa ne nemeyuwetɨka, 'ena nepukani yuheyemekɨ 'ixaheritsixi wahamatɨa. Tawariri 'ixaheritsixi meta tewa'aitɨwamete kenemɨtitewa nekapatsiekame mepɨkanetsi'ayeitɨani, te'aitamete wateukiyapa meta hipame kakaɨyarixi mewarayexeiyatɨ.

'Etsekieri 43:9

Hikɨ mekete'uku'eirieni 'axakememɨteyurie, meta te'aitamete wateukiya, hikɨ ne wahamatɨa nekaniuyeikamɨkɨ yuheyemekɨ.

Tsakariyaxi 8:3

»Mɨpaɨ kanaineni Yawé: »“Nepunuani tawarita Tsiyunitsie, meta Kerutsareme ne'ukaitɨ nepayani. Hikɨ Kerutsareme pɨmatiwani tita Yuri Mɨraine Kiekariyari, meta Yawé Naimekɨmɨtɨrɨkaɨye yemurieya Yemuri Mɨpatsie pɨtitewaka”.