Memeyekɨ 29:40 - Kakaɨyari Niukieya

⁴⁰ Ximeri pemitimawa matɨa, huta kiruyari tɨriku mɨtɨxiyari pepɨtimawa meta huriwa hatseitiyari nɨkame, meta winu xeirituruyari.

Memeyekɨ 29:40 ပူးပေါင်းရင်းမြစ်များ

Piriputari 2:17

Tsepanetɨ netukari mawari mayeitɨarie, hetsiena mieme xekateni'uximayaka, xɨka ne'umierieni mɨpaɨ yuri xemɨte'eriekakɨ, nexuriyakɨ xɨka xemawari 'uxurimarieni, mɨkɨkɨ nekaninaki'akamɨkɨ, xeme yunaitɨ kexemɨteyutemamawie, neta xehepaɨ nekaninetemawieka.

Kuheri 2:14

Heiwatɨ Kakaɨyari 'aixɨa mɨtinixe'uxei kemɨtiku'eriwakai mɨnipataxɨ, 'aixɨa mɨti'ane mɨtatiniuhayewi. 'Imikieri hatsite mɨkɨ meta kaxie winuyari mɨtiyeuriwa Yawé xekakaɨyari hetsɨa katinimiemetɨni.

'Etsekieri 46:14

Meta yaxeikɨa pepitimawani ximeri hatsi mawariyari 'atahuta kiruyari, meta hatseiti xeirituruyari, hatseiti harinatsie panutituare. Mɨkɨ mawari Yawé hetsiemieme pɨhɨkɨtɨni, yamɨtiutiwewiwani, 'aitsika yemekɨ kanihɨkɨtɨni.

'Etsekieri 45:17

'Ixɨarari matineikatsie, metsa manatiwautsetsie meta xawatikɨ, naime 'Ixaheri kiekariyari kepaɨmeme mexeiya 'ixɨarari, 'iya ti'aitame naime katiniyetuamɨkɨ mawari taiyariyari mɨrayani, hatsite 'imikieriyarite, kaxie winuyari mɨtiyeuriwa mawariyari. Metatsiere katiniyetuamɨkɨ 'itiya mawariyari hetsiemieme, hatsite 'imikieriyari, mawari taiyariyari meta 'aixɨa memɨteyuxeiyanikɨ mawariyari, meta 'ixaheritsixi memɨteheuyehɨwiyarienikɨ.

Kitsariyaxi 57:6

Tetexi ha'ute 'aki'utɨa mieme pemɨtiukuhayewiyarie pɨrayani, yurikɨ, mɨkɨ 'ahetsiemieme pɨrayani. Mɨkɨ wahetsie hatseiti peputiyeuri, hatsi mawariyari pepɨyetua. Mɨkɨ naime mɨyapemɨtiuyurikɨ, ¿'atsinekatitayɨni?

Mawari 23:13

Meta xepiyetuirieni nauka kiruyari tɨriku mɨtɨxiyari 'aixɨa mɨ'ane hatseiti wiriyariekame, tɨriku mawariyari mayanikɨ, 'imikieri taipa warɨkariekame witsimu'ɨa Yawé minake, meta xeirituruyari kaxie winuyari yetuame kanitiyeurimɨkɨ.

Kuheri 1:13

Xeme mawari wewiwamete, heiwerika kamixayari xekenanakatɨkɨni xe'utitsuatɨ. Xekeneyuheiwerieka, mawari taiyame te'uximayatamete. 'Ena xekenakɨni, xeme Kakaɨyari hetsɨa te'uximayatamete, tɨkarikɨ hiwerika kamixayari xekenanakatɨkɨni, hatsite mawariyari meta kaxie winuyari mɨka'atɨariwanikɨ Kakaɨyari kiitana mɨtiuta'imaritɨxɨkɨ.

Kuheri 1:9

Hatsite mawariyari meta kaxie winuyari mɨtiyeuriwakai, mɨkɨri Yawé tukieyata pɨkareyetuiwa. Mawari wewiwamete mepuyuheiwerie, Yawé hetsiemieme te'uximayatamete.

'Etsekieri 46:11

'Ixɨarari matineikatsie kemɨre'inɨari, tsikeru hetsiemieme xeitewiyari kiruyari hatsi pɨyɨni, meta muxa 'uki hetsiemieme yaxeikɨa. Muxatsi 'etsimemɨpepe wahetsiemieme tsepa kepaɨmeme hatsi muyuri, peru hatsi xeitewiyari kiruyaritsie haika rituruyari heimana 'imeriyu hatseiti pɨyɨni.

'Etsekieri 46:7

Tsikeru hetsiemieme xeitewiyari kiruyari hatsi pɨtimawa, meta muxa 'uki hetsiemieme. Muxatsi 'etsimemɨpepe wahetsiemieme tsepa kepaɨmeme hatsi muyuri, peru hatsi xeitewiyari kiruyaritsie haika rituruyari heimana 'imeriyu hatseiti pɨyɨni.

'Etsekieri 46:5

Hatsi mawariyari pɨhɨkɨtɨni xeitewiyari kiruyari, xeime muxa 'uki hetsiemieme, peru muxatsi 'etsimemɨpepe wahetsiemieme tsepa kepaɨmeme. Hatsi xeitewiyari kiruyaritsie hatseiti haika rituruyari heimana 'imeriyu mepanutinɨitɨani.

'Etsekieri 45:24

Meta hatsite 'imikieriyari pɨwewieni xeitewiyari kiruyari raheteme, meta hatseiti haika rituruyari heimana 'imeriyu xeime tsikeru hetsiemieme, meta muxa 'uki hetsiemieme heuyutinɨkame.

'Etsekieri 20:28

Kepauka nemɨwa'atɨa kwietsie meripaitɨ yurikɨ nehaitɨ, mɨpaɨ nemainekai kename newayetuirienikekai, mɨkɨ kwieyaritsie tsepa kemɨ'ane hɨri memuxei yatɨni kɨye waɨkawa yɨrakame, mɨkɨ hetɨa mawari meputiwewiwakai, mepɨnetsixatɨakai matsi yemekɨ mɨkanetsinake. Mana 'ɨkwa witsimu'ɨa meputitaiyakai, meta kaxie winuyari mɨtiyeuriwa.

'Etsekieri 4:11

Meta mɨkɨ hurayaritsie xeikɨa huta watsuyari pepanuhareweni.

Hutarieka 'inɨari 32:38

¿Hakewatamɨri xekakaɨyarixi mawari yaxemɨtewawewiriekai waiyariyari xemutikwai wawinu meta wahatseiti xemanu'i? Mɨkɨ xehetsie meke'utanuani. Mekexe'uparewieni.

'Inɨatsie 29:16

Metatsiere xeime tsipu mɨ'itiyanikɨ mawariyari heuyutinɨkame, meta taiyarika mawariyari yamɨtiutiwewiwa hatsi meutinɨ'ɨ meta kaxie winuyari mɨtiyeuriyani.

'Inɨatsie 28:24

Meta yapekatinimawanemɨkɨ 'atahuta tukari, 'ikɨ 'ikwai kanihɨkɨtɨni witsimu'ɨa tai hetsie mɨwewiya, Yawé minake witsikemu'ɨa. 'Ikɨ mɨpaɨ pekatiniyurienemɨkɨ mawari taiyariyari yamɨtiutimawarɨwa pekahayewatɨ meta manutituarike.

'Inɨatsie 28:10

'Ikɨ mawari taiyariyari kanihɨkɨtɨni xawatikɨ mieme, hutariekamieme 'ikɨ taiyarika kanihɨkɨtɨni kaxie winuyari mɨtiyeuriwa heutinɨkame.

'Inɨatsie 28:5

meta wahamatɨa huta kiruyari tɨriku mɨtɨxiyari 'aixɨa mɨ'ane hatseitikɨ pɨnariekame pekanitimawamɨkɨ.

'Inɨatsie 15:24

Xɨka 'axamete'uyurieni yunaitɨ kiekatari mɨpaɨ mekateha'eriwatɨ, hikɨ mɨkɨ xeime tsikeru xeiwiyari hɨkame mekanitataiyakuni witsi'u'ɨakame Yawé minake, kaxie winuyari mɨtayeuriwa heutinɨkame, hatsite mawariyari, xeime tsipu 'uki 'itiya mawariyari mayanikɨ, kemɨre'uxa.

'Inɨatsie 15:7

Mɨta'ɨyarienikɨ winu xeirituruyari heimana 'imeriyu. Mɨpaɨ 'anetɨ 'aixɨa 'u'ɨatɨ kanayeimɨkɨ Yawé hetsiemieme.

Memeyekɨ 30:24

'ataxewime kiruyari katsiya kararayari witsimu'ɨa, nauka rituruyari huriwa hatseitiyari, kemɨti'inɨarikai tukita 'ana.

Memeyekɨ 16:36

Huta kakuniyari 'inɨariyari «kumeri» mepɨte'iterɨwakai, meta «hepari» tamamata 'inɨariyari mepɨte'iterɨwakai.

Tsutɨarika 35:14

Kakuwu mana tete kaniutakeni hakewa Kakaɨyari hamatɨa mɨretixa. Mɨkɨ tete kaxie winuyarikɨ kanika'ɨya meta huriwa hatseitiyari kanikawirieni,

Memeyekɨ 29:39

Ximeri kahekɨareyu xeime pekanitimawamɨkɨ, xeimeta taikai.

Memeyekɨ 29:41

Xeime taikai pemɨtimawa muxa, mɨkɨ mawari taiyariyari payani, witsimu'ɨa Yawé minake meta tinɨkame ximeri timieme hepaɨ.

2 Te'aitamete 3:20

'Uxa'arieka ximeri kepauka maye'a mawari matiwewiwatsie, naitsarie haa kaniutahɨne, 'Erumi kwieyaritsie hakaneikakaku.

'Utseyaxi 9:4

Tawariri Yawé winu xepɨkayetuirieni, mɨkɨri pɨka'inakeni xemawarika. Mɨkɨ paa pɨkaxetanaki'eririeni, 'ayumieme xepɨtitsuani, kemɨ'ane memitikwani mɨkɨ meka'itiyatɨ mepakɨne. Haaka nunuitɨwame xeikɨa pɨhɨkɨ, peru Yawé yutukita pɨka'inaki'erie.

Mawari 6:13

Tai mawari taiyametsie mieme hatsuaku tɨma pɨkahanukatɨtɨtseni, yuheyemekɨ yapɨtitaka.

'Inɨatsie 4:16

»Hikɨ, 'Eriyatsaxi 'Aruni nu'aya, kanihɨritɨariekamɨkɨ hatseiti kɨxeme hetsiemieme 'ɨkwa witsimu'ɨa meta tɨriku mawariyari hetsiemieme meta hatseiti mɨtiyupata. Metatsiere 'ixuriki tukita ti'ɨwiyame kanihɨkɨtɨkamɨkɨ meta naitɨ muwa mɨtiyepine».