Memeyekɨ 29:26 - Kakaɨyari Niukieya

²⁶ 'Ariketa muxa tawieyatsie mieme wai pekananatituimɨkɨ, mɨ'inɨariyarikɨ 'Aruni kemɨranayexeiyarie nemawari wewiwame mayanikɨ, hikɨ mawari Yawé hɨxie pekaniyuitɨwamɨkɨ, 'ikɨ kani'ayumiemetɨni mawari muyuitɨariwa mɨhɨkɨkɨ. Mɨkɨ muyuhayewa 'ahetsiemieme payani.

Memeyekɨ 29:26 ပူးပေါင်းရင်းမြစ်များ

Mawari 8:29

Hikɨ mɨkɨ mawari yapaɨmeme wahetsie mumieme, taimɨxieya 'anukutuka Muitsexi Yawé hɨxie kaneititsera 'iyuitɨwatɨ, Yawé Muitsexi kemɨtita'aitɨakai.

Nɨawari 99:6

Muitsexi 'Aruni hamatɨa, mawari wewiwamete wahamatɨa mepaye'ukai, meta Tsamuheri, kemɨ'ane memehɨawekai wahamatɨa. Yawé meputahɨawixɨ, mɨkɨta pɨwaruta'ei,

Mawari 7:34

Mɨkɨ 'aixɨa memɨteyuxeiyanikɨ mawariyari 'ixaheritsixi memɨnetsixatɨa, ne taimɨxi meta teuri neputanaki'eri nemuxatɨarie, 'Aruni meta niwemama nemɨwayetuirienikɨ, mawari wewiwamete ne'imikieri 'aixɨa mɨ'ane mayanikɨ. 'Ikɨ kanihɨkɨtɨni 'aitsika yuheyemekɨ 'aixɨa mɨ'ane, 'Ixaheritsixi wahetsiemieme».

Mawari 7:31

Mawari wewiwame mawari taiyametsie wiya pɨtataiya, peru taimɨxieya 'Aruni meta niwemama wahetsiemieme payani.

Memeyekɨ 29:27

»Keneuti'uta tsikeru waiyarieya tawitsie mieme mawari muyuitɨariwa mayeitɨarie 'Aruni meta niwemama heitserie memɨpitɨarienikɨ, yaxeikɨata teuri mawari mayeitɨarie, mɨkɨ pɨwahetsiemieme.

Mawari 7:30

meta mawari taipa warɨkariekame xepɨyetuani. Taimɨxieya meta wiyayari yɨkɨmana piyetuirieni mawari 'imikieri taipa waɨrɨkariyari teikɨ kanetseramɨkɨ 'iyuitɨwatɨ Yawé hetsiemieme mayanikɨ.

Mawari 9:21

'Aruni Yawé tawi meta teuri tserieta miemete tita memɨtemawarietsie timieme kanixatɨani hɨxiena kaneititsera 'iyuitɨwatɨ. Mawari teikɨ hetserarietɨ 'uyuitɨariwatɨ patɨa, Muitsexi kehepaɨ mɨtiuta'aitakai.

Mawari 14:12

'Arike mawari wewiwame xeime muxa panuhana meta hatseiti yunɨkame, mawari pixatɨani mɨrayukatuani mawariyari mayanikɨ. 'Iyuitɨwatɨ Yawé hɨxie, mɨkɨ 'imikieri teikɨ heitseratɨ 'uyuitɨariwatɨ mɨhɨkɨkɨ.