Memeyekɨ 28:41 - Kakaɨyari Niukieya

⁴¹ Xɨkari pe'itikemaritɨani 'a'iwa 'Aruni meta niwemama, pepɨwakawirieni hatseiti pemɨwahɨritɨani heitserie memexeiyanikɨ mepatsietɨ mete'aitatɨ nemawari wewiwamete memɨhɨkɨtɨnikɨ.

Memeyekɨ 28:41 ပူးပေါင်းရင်းမြစ်များ

Memeyekɨ 29:7

Hatseiti mɨtiyupata keneukawiri mu'uyatsie.

Mawari 10:7

Xemeri 'ixuriki tukiyarita xepɨkawayekɨkani kapa xe'ukwinikɨ, xemanayexeiyarie Yawé hatseiti mɨtiyupata mɨxe'ukawiri xehetsie mɨtiunakixɨkɨ peuyewetse xemeye'atɨanikɨ kexemɨte'u'aitɨarie». Muitsexi kemɨtiwarutahɨawixɨ mɨpaɨ mekateniuyurieni.

Memeyekɨ 40:15

mɨkɨta keniwarukawiri hatseiti mɨtiyupatakɨ wapaapa hepaɨ, mɨkɨ memɨteta'uximayatakɨ nemawari wewiwametekɨ. Kememɨte'ukawiriyarie mɨkɨ pɨ'inɨaritɨni yuheyemekɨ wanuiwari 'umemahu nemawari wewiwamete mepɨhɨkɨtɨni».

Memeyekɨ 29:9

meta mukuretsi hetsiemieme, hikɨta 'Aruni meta niwemama wahɨiyamekɨ pepɨwaranahɨaxɨani. Mɨpaɨ pepɨtiwahɨritɨani, meta mawari wewiwamete mɨkɨ nuiwari wahetsiemieme 'aitsika pɨhɨkɨtɨni yuheyemekɨ.

Hepɨrayutsixi 7:28

'Inɨari niukiyarikɨ mekaniukayatsarieni mawari wewiwamete tewa'aitɨwamete peru memɨwerarani. Mɨkɨ niuki kɨmana muyuhɨritɨa, 'inɨari niukiyari tsepa mutaxatsie meri, mɨkɨkɨ pɨta kaniukayerieni nu'ayatɨtɨ maye'atɨariewe yuheyemekɨ 'amuwe.

1 Wani 2:27

Xemeri heitserie mɨkɨ kemɨtixe'upitɨa, mɨkɨ heitserie xemexeiya xehetsie tiwiyatɨ kaniyuhayewa, xeimeri xepɨkaheuyehɨwa mɨtixeti'ɨkitɨanikɨ. Mɨkɨ heitserie xemupitɨarie mɨkɨ hetsɨa mieme mɨtixe'ɨkitɨa hepaɨ naime hepaɨtsita, yuri maine, mɨkati'itawa, mɨtixe'uti'ɨkitɨa, mɨpaɨ hetsiena xetewiyatɨ xekeneyuhayewa.

1 Wani 2:20

Mɨkɨ mɨpatsie heitserie kanixe'upitɨani xeyunaime, yunaitɨ xepɨtemate.

Hepɨrayutsixi 5:4

Mɨkɨ meta, tewi yɨkɨmana pɨka'uyukaye 'ipaɨ mɨtihɨritɨariekakɨ, matsi Kakaɨyari yarenayexeiyaku xeikɨa pukayerie 'Aruni hepaɨ.

Wani 3:34

Kemɨ'ane Kakaɨyari meiyenɨ'a, mɨkɨ Kakaɨyari niukieyakɨ katinikuxatani, Kakaɨyari kanipitɨani yu'iyari, kemɨreupaɨme kati'inɨatatɨ.

'Etsekieri 43:26

'Atahuta tukari mawari wewiwamete mawari taiyame mepɨ'itieka, mɨpaɨ 'aixɨa mepiyurieka, mɨpaɨ tiyɨyu patsietɨ kanayeimɨkɨ.

Kitsariyaxi 61:1

Yawé naimekɨmɨyɨwe 'iyarieya nehetsie kaniyekani, mɨpaɨ mɨneranayexeikɨ niuki 'aixɨa manɨyɨne nemuwakuxaxatɨwanikɨ tixaɨtɨ memɨkateheuxeiya. Pɨnetsiheyenɨ'a yu'iyaritsie memɨte'ukakukuine 'aixɨa meteheu'eriekame nemɨwarayeitɨanikɨ, 'ateewa memehapanie nemɨwakuxaxatɨwanikɨ, meta kemɨ'ane memanutaxɨriya nemɨwaranayexɨnakɨ,

Kitsariyaxi 10:27

'Iya tukaritsie mɨkɨ 'ika 'anaiparitsie pemetɨkɨ pekaninawairiemɨkɨ meta waɨkawa pemɨtawaiyatakɨ yuku 'akwipitɨa pemateka kananumurimɨkɨ.

'Inɨatsie 3:3

Mɨkɨ 'Aruni tɨɨriyamama memanayexeiyarie memɨpatsie mekanihɨkɨtɨni, mawari wewiwamete te'uximayatamete memakɨnekɨ.

Memeyekɨ 29:35

»Yaketineuyuri kenematiu'aitɨa 'Aruni hetsiemieme meta niwemama wahetsiemieme. 'Atahuta tukari pepuyurieni mɨkɨ hɨritɨarika pemɨwapitɨanikɨ.

Memeyekɨ 29:24

naime 'Aruni meta niwemama ketiniwayetuiri teikɨ memeitserakɨ mawari Yawé hetsiemieme mɨhɨkɨkɨ.

Memeyekɨ 28:4

»Kemarite pemɨtitiwewieni 'ikɨ pɨtihɨkɨ: kamixa 'etsimɨnena, kuka mekatɨni, kamixa 'emɨtewi, xeime kamixa 'atewime tixukame, hɨiyame meta xupureru. Mɨkɨ kamixate mɨtipatsietɨka 'Aruni pepɨtitiwewirieni meta niwemama nemawari wewiwamete memɨhɨkɨtɨnikɨ.

Memeyekɨ 28:1

»Merikɨte 'a'iwa 'Aruni keneuta'ini meta niwemama Narawi, 'Awihu, 'Eriyatsaxi meta 'Itamaxi. 'Ixaheritsixi watsata mɨkɨ mawari wewiwamete mepɨhɨkɨtɨni.

Memeyekɨ 40:13

meta 'Aruni kamixate mɨpatsietɨkakɨ keneutikemaritɨa. Hatseiti keneukawiri mɨtiyupata, mɨtita'uximayatakɨ nemawari wewiwame mayanikɨ.

Mawari 16:24

Mɨkɨ muwa muyepatsietsie hakɨ kaniti'ɨwamɨkɨ meta tawari puyutikemaritɨani. 'Anaketa wayeyame pixatɨani mawari taiyariyari yuhetsiemieme meta teɨteri wahetsiemieme. Mɨxɨnarieni mawariyari mɨpaɨ katiniwewiemɨkɨ yuhetsiemieme meta teɨteri wahetsiemieme.

Memeyekɨ 30:35

mɨkɨ naime ketineunɨitɨa 'ɨkwa witsimuku'ɨare mayanikɨ, 'ɨkwa witsimu'ɨa wewiwamete wahepaɨ. 'Una kenanutiwiwi, 'ɨkwa hɨkɨa mɨpatsie mɨhɨkɨtɨnikɨ.

'Inɨatsie 16:5

mɨpaɨta Kure katiniutahɨawe meta yunaime: —'Uxa'a Yawé yapɨtayɨni kemɨ'ane hetsienamieme mɨpatsie. Mɨkɨ menayexei kanihɨkɨtɨni, mɨkɨ kanita'inimɨkɨ.