Memeyekɨ 28:4 - Kakaɨyari Niukieya

⁴ »Kemarite pemɨtitiwewieni 'ikɨ pɨtihɨkɨ: kamixa 'etsimɨnena, kuka mekatɨni, kamixa 'emɨtewi, xeime kamixa 'atewime tixukame, hɨiyame meta xupureru. Mɨkɨ kamixate mɨtipatsietɨka 'Aruni pepɨtitiwewirieni meta niwemama nemawari wewiwamete memɨhɨkɨtɨnikɨ.

Memeyekɨ 28:4 ပူးပေါင်းရင်းမြစ်များ

Matsiɨkɨtɨ kemɨratɨa 9:17

Hikɨ heinɨtsika hepaɨ nepɨtiwaruxei, kawayutsixi meta memeutayaxiwawe: Yutawitsie tepɨa mekanenakatɨtɨkateitɨni mayetaimaɨyetɨkatei, mayekwauniyatɨkatei, mayetataxawi 'atsupɨre hepaɨ. Kawayutsixi wamu'u mayetsi wamu'u hepaɨ kani'anenekaitɨni, wateta tai kaniwayeneikakaitɨni, kwauni meta 'atsupɨre.

'Epetsutari 6:14

'Ayumieme 'axekeneti'uka 'aixɨa. Kuya kemɨrayuhɨa, xemeta tita yuri mɨraine xekenekuxatani. Kuya tepɨa kemɨranakatɨkɨ yutawie kapa 'u'axienikɨ, xemeta heitseriemekɨ yaxeketenekahuni.

1 Tetsarunikatari 5:8

Tame tukaritsie pɨta temɨmiemete tenitamaikakuni, yuri ketemɨte'erie, ketemɨtetakanaki'erie, mɨpaɨ tetenenakatɨkɨkuni kuya kamixaya hepaɨ temɨtakwerienikɨ tatawitsie, tamu'utsie kuya xupureruya hepaɨ tepenakeni ketemɨteta'ikwewakɨ temɨtawikweitsitɨarienikɨ,

Kitsariyaxi 59:17

Tita mɨtiheitserie yuhetsie nunuwame hepaɨ panutikeni, meta yumu'utsie kananuyukanani kuya xupureruya tiyuwikweitsitɨwamekɨ, mɨtiwarakapitɨanikɨ kamixayari panakatɨni, meta yu'ɨtetsarika matayarikɨ puyuta'eima.

Kitsariyaxi 11:5

Tita mɨtiheitserie hɨiyame yunaiparie manakateika pɨhɨkɨtɨni meta yuri mɨraine hɨiyame manakuteika pɨhɨkɨtɨni.

2 Tsamuheri 6:14

Rawiri xeime xeikɨa 'anakatɨtɨ mawari wewiwame kamixaya 'etsimɨnena rinu 'ixurikiyarikɨ mɨwewiya, katiniutineitɨyani Yawé hɨxie waɨkawamekɨ yutemawietɨ.

1 Tsamuheri 30:7

'Ayumieme mawari wewiwame 'Awiyataxi 'Akimereki nu'aya mɨpaɨ katiniutahɨawe: —Mawari wewiwame kamixaya 'etsimɨnena kenehurimie. 'Awiyataxi yapauka kani'atɨirieni,

1 Tsamuheri 23:6

Hikɨ kepauka 'Awiyataxi Kehira paitɨ metɨa 'Akimereki nu'aya Rawiri hetsɨa hetsiena munuakakɨ 'ana mawari wewiwame kamixaya kanehuriekaitɨni.

1 Tsamuheri 22:18

'Ayumieme ti'aitame, Ruheki mɨpaɨ katiniuta'aitɨani: —Kamɨtsɨ 'ekɨ keniwarukuya. Hikɨ Ruheki 'erumi tewiyari kaniyuwaɨriya mɨwakwinikɨ. 'Ana tukariyaritsie nauka tewiyari heimana 'auxɨwi meyupaɨmeme kaniwarukwini mawari wewiwamete.

1 Tsamuheri 2:18

Matsi Tsamuheri nunutsitɨtɨ, yuhetsiemieme mawari wewiwame rinu kamixayari 'anakatɨtɨ katini'uximayakaitɨni Yawé hɨxie.

Memeyekɨ 39:28

Kamixa meta mukuretsi rinu 'ixurikiyari pepɨyurieni, hɨiyame 'itsarietɨ pɨyuwiyani naitɨ.

Memeyekɨ 25:7

'unitse teteyari, meta hipame tetexi witsimɨ'anene mawari wewiwame kamixaya 'etsimɨnena hetsie meuyaxe meta kuka mekatɨni hetsiemieme.

Memeyekɨ 29:6

mukuretsi mu'uyatsie kenanukuwiri meta tseyu hamakama mɨpatsie.

'Utseyaxi 3:4

Yurikɨ mɨpaɨ mepɨyɨni 'ixaheritsixi mɨixa wiyari mepu'uwani tiyu'aitɨwame mekahexeiyatɨ, meta mekate'umawarɨmetɨ mawari matitaiyarɨwatsie, meta mekaheixeiyatɨ mawari wewiwame kamixaya meta memɨkayuri kakaɨyarixi.