Memeyekɨ 28:36 - Kakaɨyari Niukieya

³⁶ »Huru tepɨayari keneutawewi 'etsitsuikame 'etsiyeume, hetsiena ketina'utɨa tseyu hepaɨ re'ukame: “Mɨpatsie Yawé Hetsie Mieme”.

Memeyekɨ 28:36 ပူးပေါင်းရင်းမြစ်များ

Tsakariyaxi 14:20

»'Iya tukaritsie kawayutsixi wakapana 'etsimupepe 'ipaɨ pɨre'utɨkani: “Mɨpatsie Yawé Hetsie Mieme”. Xarite ti'etsame Yawé tukita mieme mɨkɨ pɨpatsietɨkani watsute 'amɨnene tewaxi mematikwikwiwa hɨxie mɨtitei hepaɨ.

Mawari 8:9

'Imatɨrieka 'ixuriki xupureruyari mu'uyatsie kanenutiketsirieni, hɨxiena huru tepɨayari kanenuyeketsirieni 'inɨari mɨhɨkɨtɨnikɨ kename patsie Yawé hetsiemieme, Yawé Muitsexi kemɨtiuta'aitɨa.

Memeyekɨ 39:30

Huru tepɨayari mɨpatsie 'etsiyeume tseyu hepaɨ 'anekame kaniutawewieni, mana katineu'utsieni, «Mɨpatsie Yawé hetsiemieme».

Matsiɨkɨtɨ kemɨratɨa 21:27

Hatsuaku hetsɨana pɨkaheutahani tita mɨkati'itiya, kakaɨyarixi memɨwarayexeiya meta memɨte'itawa, matsi kemɨ'ane xeikɨa Muxa xapayatsie memaka'utɨarie tukari mexeiyatsie.

1 Pekuru 2:9

Xeme pɨta xeime nuiwari xekanihɨkɨtɨni xemanayexeiyarie, Mawari wewiwamete ti'aitamete hetsɨamiemete, nuiwari xemɨpatsie, Kakaɨyari yuteɨterima mɨxe'ayeitɨa, xemɨtehekɨatanikɨ mariwemekɨ kemɨtiyuriene kemɨ'ane mɨxe'uta'ini xemɨtehayewakɨ yɨwipa xe'u'uwatɨ, mɨkɨ hekɨariyayatsie pɨta xemu'uwanikɨ mɨmariwetsie.

Hepɨrayutsixi 12:14

'Aixɨa xemɨtewaxeiyanikɨ yunaime xekeneyumexɨitɨaka, meta xemɨpatsiekakɨ Kakaɨyari hetsiemiemekɨ. Xɨka mɨpaɨ katipatsieka, hatsuaku Ti'aitame pɨka'uxeiya.

Hepɨrayutsixi 7:26

'Aixɨa kaniuyɨnita temeixeiyakɨ mawari wewiwame mɨpaɨ mɨ'ane. Patsietɨ, 'axakatiyurienetɨ, katsewiximarietɨ, 'axateyuruwamete wahamatɨa kayuxewiriyatɨ, muyuawi heima hanutiyeikatɨ.

'Etsekieri 43:12

»'Ikɨ tuki niuki 'inɨariyari kanihɨkɨtɨni: naitɨ kwie waritana maka hɨri kemanutitewi, mɨkɨ Waɨkawa Muyepatsie kanihɨkɨtɨkamɨkɨ. Mɨkɨ tuki 'inɨari niukiyari kanihɨkɨtɨni».

Nɨawari 93:5

Yawé, 'aitsikaya hetsie temɨtewiyani 'aixɨa pɨ'ane, kiiya mɨpatsiekɨ 'aixɨa pɨ'itɨarie yuheyemekɨ.

Mawari 19:2

'ixaheritsixi memuyutixexeɨriwa mɨtiwataxatɨanikɨ 'ipaɨ mɨtiwatahɨawekɨ: «Xekenepatsieka, ne Yawé xekakaɨyari nemɨpatsiekɨ.

Mawari 10:3

Muitsexi 'Aruni mɨpaɨ katiniutahɨawe: «'Ikɨ hepaɨtsita painekai Yawé kepauka mɨpaɨ mutayɨ: »“Kemɨ'ane nehetsɨa 'ahurawa memakɨka wahetsɨa, kenemɨtipatsiekɨ nematsiɨkɨme nepaneyeitɨaka, Meta yunaime teɨterima wahɨxie witsikenemɨ'anekɨ nepɨnehekɨata”». 'Ana 'Aruni kayuwatɨ pɨtiuke.

Memeyekɨ 28:11

Tetexi witsimɨ'anene mɨtixixiwa, katineu'utɨaxɨamɨkɨ tseyu kemɨtiwewiwa hepaɨ: hurutsie piwetsitɨaxɨani,

Memeyekɨ 28:9

»'Unitse teteyari keneutitɨki hutame, mɨkɨtsie keniwara'utɨa 'Ixaheri niwemama tamamata heimana huta memɨyupaɨme

Memeyekɨ 28:35

Mɨkɨ 'ixuriki 'Aruni penakatɨkɨni kepauka mɨti'uximayaka, kapana mutitiraurɨkanikɨ kepauka Yawé hɨxie Muyepatsietsie mɨyeyeikani, mɨpaɨ mɨkɨ mɨkamɨnikɨ.

Memeyekɨ 28:37

Keneuwipa mukuretsitsie 'ixuriki yɨtsikimaɨyemekɨ, mɨkɨ hɨxiena tikunanakeme.

Memeyekɨ 29:6

mukuretsi mu'uyatsie kenanukuwiri meta tseyu hamakama mɨpatsie.

Memeyekɨ 39:31

Hikɨ muxa witayarikɨ yɨtsikimaɨyemekɨ kaniuwiwitɨarieni mukuretsitsie makuwierekɨ, Yawé Muitsexi kemɨtiuta'aitɨa.

Kitsariyaxi 23:18

Peru ketipaɨmeme mɨtiyetua meta kepaɨmeme mana'i'iwani Yawé hetsɨa mieme tipatsietɨ pɨrayeikani, pɨkati'utɨni meta pɨkatixeɨriyaka xeikɨa. Tita mɨrana'iwarieka Yawé hetsiemieme memɨte'uximaya wahetsiemieme pɨrayeikani, memɨteyumikwanikɨ 'anayuhayewamekɨ meta 'ixuriki witsimɨ'anenekɨ memuyukemaritɨakakɨ.

Memeyekɨ 19:6

xeme nehetsiemieme mawari wewiwamete nehetsɨa miemete xepɨhɨkɨtɨni, meta nuiwari xemɨpatsie”. »Naime 'ikɨ 'ixaheritsixi ketiniwarutaxatɨa».

Memeyekɨ 39:27

'Aruni hetsiemieme meta niwemama wahetsiemieme, kamixa kaniutiwewiyani 'amɨtɨtɨ rinukɨ 'itsarietɨkaitɨ.

1 Kemɨtiuyɨ 23:13

'Amirani niwemama mepakɨ, 'Aruni meta Muitsexi. 'Aruni meta nuiwarimama mepanayexeiyarie mawari memɨwewiekakɨ yemekɨ mɨpatsietɨka, 'ɨkwa memukutaiyanikɨ, Yawé hetsiemieme memɨte'uximayakakɨ meta Kakaɨyari memɨwawiriekakɨ 'aixɨa muwayuriekakɨ teɨteri.