Memeyekɨ 28:2 - Kakaɨyari Niukieya

² 'A'iwa 'Aruni kamixateya ketineutiwewi mɨpatsietɨka mɨmariwenikɨ 'aixɨa mɨtixeiyariekakɨ.

Memeyekɨ 28:2 ပူးပေါင်းရင်းမြစ်များ

Mawari 8:30

Hikɨ Muitsexi hatseiti mɨtiyupata memɨwakawiriwa 'etsiwa 'anahanɨka meta xuriya mawari taiyametsie mieme, 'Aruni meta niwemama kaniwaru'ɨyaxɨani meta wakemarite. Muitsexi mɨpaɨ metepatsiekame 'Aruni meta niwemama pɨwarayeitɨa metatsiere wakemarite.

Memeyekɨ 31:10

kemarite mɨ'itsarietɨka, meta 'Aruni kamixateya mɨtipatsietɨka metatsiere niwemama wakemarite,

Matsiɨkɨtɨ kemɨratɨa 19:8

rinu 'ixurikiyari 'aixɨa mɨ'ane kaniyetuiriyarieni menakatɨkɨnikɨ, mɨ'itiya meta mutimerɨka». (Rinu 'ixurikiyari kani'inɨariyaritɨni, heitseriemekɨ me'u'uwatɨ memɨte'uximaya mepatsietɨ).

Hepɨrayutsixi 7:26

'Aixɨa kaniuyɨnita temeixeiyakɨ mawari wewiwame mɨpaɨ mɨ'ane. Patsietɨ, 'axakatiyurienetɨ, katsewiximarietɨ, 'axateyuruwamete wahamatɨa kayuxewiriyatɨ, muyuawi heima hanutiyeikatɨ.

Kuwi 40:10

Xɨka'aku peyɨweni, keneuyukunama witsi'anemekɨ xawatɨmekɨ, kenematsiɨkɨni 'aixɨa petiuka'iyaritɨ meta pemariwetɨ.

Memeyekɨ 28:40

'Aruni niwewema kamixa 'amɨtɨtɨ pekaniwatiwewiriemɨkɨ, kuxira meta mukuretsi, mɨkɨ naitɨ witsipɨti'aneneni 'aixɨa memɨtexeiyariekakɨ.

Matsiɨkɨtɨ kemɨratɨa 5:10

Takakaɨyari teɨterimama pepɨtatsi'ayeitɨa te'aitamete, mawari wewiwamete pepɨtatsi'ayeitɨa, kwiepa tepɨte'aitani».

1 Wani 3:2

Nenaki'erima, hikɨtɨtɨri Kakaɨyari tekaniniwemamatɨni, peru 'akuxi pɨkamatsiɨkɨ ketemɨ'aneneni. Mɨpaɨ tepɨtemate, kepauka matsiɨkɨtɨ mayani Kɨritsitu, mɨkɨ kemɨ'ane, hepaɨna tepɨ'aneneni, tekaneixeiyakuni mɨkɨ kemɨ'ane.

2 Pekuru 1:17

Kepauka Kakaɨyari mɨta'ukiyari mariweme mɨxatakai, witsi'aneme mayeitɨa, kepauka xewitɨ mutaniu witsi'anemetsie mariwemetsie 'ayewetɨ mɨpaɨ 'utaitɨ hetsiena mieme: «'Ikɨ neniwe kanihɨkɨtɨni neminaki'erie, mɨkɨkɨ waɨkawa nekaniyutemawieka».

Hepɨrayutsixi 2:9

Ketsutsi xeikɨa ketemɨte'ixeiya, mɨkɨ yapaɨmexɨa kaniukayerieni niuki tuayamete wahepaɨ mɨkatɨrɨkaɨyenikɨ, mɨkɨ mɨtiukwinixɨkɨ kepauka mumɨ, kananutikurunatɨarieni witsi'anetɨ mayanikɨ meta 'aixɨa mɨtixeiyariekakɨ. Kakaɨyari 'aixɨa mɨtiuka'iyarikɨ mɨpaɨ katiniuyɨni, mumɨnikɨ tanaime tahetsiemieme.

Karatsiyatari 3:27

Keyupaɨmetɨ xemuka'ɨyarie Kɨritsitu hetsie xetewiyatɨ, xeme xekaniyupata, Kɨritsitu hepaɨ xe'anenetɨ xemakɨnekɨ.

Xumatari 13:14

Matsi xekenanakatɨkɨni kemɨ'ane Ti'aitame Ketsutsi Kɨritsitu mɨhɨkɨ. Xepɨkayuha'aritɨaka yaxemɨteyuriekakɨ kememɨte'ukahiwe'erie teɨteri wahepaɨ xete'u'iyaritɨ.

Xumatari 3:22

Kakaɨyari heitserie kemɨtiyupitɨwa yuri ti'eriekaku Ketsutsi Kɨritsitu hetsie, mɨkɨ kanimatsiɨkɨni, heitserie kemɨtiwapitɨa yunaime yuri memɨte'erie, yɨkɨ pɨkatiwaxeiya.

Wani 1:14

Mɨkɨ niukitɨtɨ tewi kanayani, tatsata 'ukaitɨ ratɨa. Tame tekanixeiya witsikemɨ'anekai, 'ukiyarieya witsikemɨtipitɨa yuniwe muyuxewi, kanaye'ani 'aixɨa tiuka'iyaritɨ yuri tikuxatatɨ.

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.

Kitsariyaxi 61:10

Yawé hetsiemieme nepɨnetemawie yemekɨ waɨkawa, nekakaɨyari hetsie temawierika nepexeiya. Mɨkɨ wikweitsitɨarika kamixayari mɨnetsi'anakatɨtɨakɨ meta tita mɨtiheitserie matayari pɨnetsiwakuketɨa. Neneɨkeme hepaɨ nekani'aneni witsimɨrekemari, yatɨni wikiwame hepaɨ nekatinekukani.

Kitsariyaxi 61:3

Tsiyunitari memɨte'uka'eniwa nemɨwatɨrɨkariyanikɨ. Pɨnetsiheyenɨ'a kuruna nemɨxe'anutiketsirienikɨ naxiri pɨkahɨkɨtɨni, temawierika hatseitiyari nemɨxekawirienikɨ nutuixiyari pɨkahɨkɨtɨni, kamixa 'ixɨararipa mieme nemɨxe'anakatɨtɨanikɨ 'iyari mɨkayuwaɨriyari pɨkahɨkɨtɨni. Tuaxa tita mɨtiheitserie mɨrexeiya xepɨteterɨwarieni, Yawé 'iteɨrieya, kɨmana witsitixeiyarietɨ mayuyeitɨanikɨ.

Kitsariyaxi 4:2

'Iya tukaritsie, Yawé 'iteɨrieya meukuyɨra witsipɨ'aneni meta witsipɨtiyuxexeiyani, kwiepa timieme 'ikwaxi puwatemawieritɨani keyupaɨmetɨ 'ixaheritsixi memɨtawikweni.

Nɨawari 149:4

Yawé muyutemawiekɨ yuteɨterima wahetsiemieme, tixaɨtɨ memɨkatehayuyeitɨa memɨtehayu'iwanikɨ puwapitɨa.

Nɨawari 132:16

Mawari wewiwamete wikweitsitɨarikakɨ nekaniwatikemaritɨamɨkɨ, meta hetsiena memɨtewiya mekanitanɨawakuni meyutemamawietɨ.

Nɨawari 132:9

Mawari wewiwamete 'aixɨa meke'uyukuyurieni kemɨreuyewetse. 'Ahetsie memɨtewiya mekemetsinɨawani meyutemamawietɨ.

Nɨawari 96:6

Xawatɨriyaya meta kemɨtimariwe niukametemama mekanihɨkɨtɨni, witsipɨtiuye'ane meta tɨrɨkariya kanixuaweni tukieya mɨpatsieta.

Memeyekɨ 40:13

meta 'Aruni kamixate mɨpatsietɨkakɨ keneutikemaritɨa. Hatseiti keneukawiri mɨtiyupata, mɨtita'uximayatakɨ nemawari wewiwame mayanikɨ.

Kitsariyaxi 52:1

Kenanutanieri, Tsiyuni, kenanutanieri. Tɨrɨkariya kenanakatɨki. Kerutsareme, kiekariyari pemɨpatsie, 'akamixa witsimɨ'ane kenanakatɨki, kemɨ'ane xitekiya 'inɨariyari memɨkahexeiya meta kemɨ'ane memɨka'itiyatɨka, 'ahetsie tawari mepɨkaheutahaxɨani.

Memeyekɨ 29:28

'Ipaɨ tipaɨmetɨ xehetsiemieme pɨrayeikani kepauka 'ixaheritsixi 'aixɨa memɨteyuxeiya mawariyari memɨwewie Yawé hetsiemieme, mɨkɨ mepɨteyetuiriyarɨwani 'Aruni meta niwemama.