Memeyekɨ 25:8 - Kakaɨyari Niukieya

⁸ Meta tuki xepɨnetsitawewirieni, xehamatɨa nemuyeikanikɨ.

Memeyekɨ 25:8 ပူးပေါင်းရင်းမြစ်များ

2 Kurinitutari 6:16

¿Kakaɨyari tukitana kemetenake tetexi kakaɨyarixi? Pɨkayɨwetsietɨ. Tame Kakaɨyari mayeniere tukieya tekanihɨkɨtɨni, kemutayɨ Kakaɨyari: «Wahetsɨa nekaniukaimɨkɨ, watsata nekaniuyeikamɨkɨ. Wakakaɨyari nepɨhɨkɨtɨni, mɨkɨta neteɨterima mepɨhɨkɨtɨni». 'Ayumieme mɨpaɨta putayɨ:

Matsiɨkɨtɨ kemɨratɨa 21:3

Hikɨ niuki nekaniu'enieni 'uweni manuwe 'ayeneikame karima mɨpaɨ hetaineme: «Hikɨrixɨa Kakaɨyari yuteɨteri watsata kaniuyeikamɨkɨ. Wahamatɨa 'ukaitɨ kanayeimɨkɨ. Mɨkɨta teɨterimama mekanihɨkɨtɨkakuni, Kakaɨyaritɨtɨ wahamatɨa puyeikani meta pɨwakakaɨyaritɨni.

1 Te'aitamete 6:13

Ne 'ana 'ixaheritsixi wahamatɨa nepukani meta hatsuaku nepɨkawaku'eirieni neteɨrima 'ixaheritsixi».

Memeyekɨ 29:45

'Ixaheritsixi wahamatɨa nekaniuyeikamɨkɨ, wakakaɨyari nepɨhɨkɨtɨni.

Tsakariyaxi 2:10

»Xekeneutihiwani temawierikakɨ, Tsiyunitari. Ne nekaninuamɨkɨ xehamatɨa ne'ukaitɨ nekanayeimɨkɨ —Yawé mɨpaɨ kanaineni—.

Hepɨrayutsixi 3:6

Kɨritsitu pɨta yapɨtikamie kiekame nu'aya hɨkɨtɨtɨ, Kakaɨyari kiya hepaɨtsita kemɨtihɨritɨarie. Merikɨtsɨ tame kii tepɨhɨkɨ xɨka tetahayewa tekamamatɨ 'aixɨa te'utiyuatɨ tita temɨtekwewie hepaɨtsita tekakuyuitɨariwatɨ kepauka mɨtapareke.

Tsakariyaxi 8:3

»Mɨpaɨ kanaineni Yawé: »“Nepunuani tawarita Tsiyunitsie, meta Kerutsareme ne'ukaitɨ nepayani. Hikɨ Kerutsareme pɨmatiwani tita Yuri Mɨraine Kiekariyari, meta Yawé Naimekɨmɨtɨrɨkaɨye yemurieya Yemuri Mɨpatsie pɨtitewaka”.

Kitsariyaxi 12:6

Keneutakwikani meta keneutahiwani temawierikakɨ, Tsiyuni kiekatari, pumariwe yurikɨ, 'ahamatɨa 'uyeikatɨ, Mɨpatsie 'Ixaheri hetsiemieme».

'Inɨatsie 5:3

Tsepanetɨ 'ukitsi meta memɨ'ukari, xemakuteitsie pekaniwarayenɨ'amɨkɨ, para memɨkaxewiriekakɨ mana xemakuteitsie xeme neteɨterima».

Mawari 21:12

»Tukita pɨkawayeyeikani kapa kapatsiekame yukakaɨyari tukieya 'ayeitɨanikɨ, mɨkɨ mɨpatsienikɨ hatseiti mɨtiyupata 'ukawiriyarieka manayexeiyariekɨ yukakaɨyaritsie mieme. Ne Yawé nekanihɨkɨtɨni.

Mawari 4:6

Yu'itɨwamekɨ xuriyata peukameni, 'anari 'atahutamexɨa pei'ɨyaxɨani 'ixuriki meuwie hepatsie Yawé hɨxie.

Memeyekɨ 15:2

Yawé pɨnetɨrɨkariya meta pɨnekwikari, mɨkɨ pɨnetsiwikweitsitɨwame. Mɨkɨ pɨnekakaɨyari, nepinɨawani, mɨkɨ nepaapa Kakaɨyarieya pɨhɨkɨ, 'ayumieme 'aixɨa nepaineni hetsiena mieme.

Mawari 10:4

Muitsexi Mitsaheri meta 'Eritsapani katiniwarutanɨ'airieni memɨwitɨkieyukɨ, 'Utsiheri niwemama 'Aruni tatatsieya, mɨpaɨ katiniwarutahɨawe: «Xekenakɨni 'ena 'ahurawa meta yu'iwama tukita xekeniwaranuye'ɨi. Tematiteitsie 'ateewa paitɨ xekeniwatuayu».

Nɨ'ariekate 7:44

»Hikɨ 'ixuriki tukiyari hakewa hekɨatsika mayekatei mana kaniuwekaitɨni tatutsima wahetsɨa makumawetsie, kemɨtiu'aitaxɨ mɨkɨ mitahɨawixɨ Muitsexi kename hepaɨna 'anekame ta'aitakekai 'ixuriki tukiyari, 'inɨari muxei hepaɨ 'anekame.

Memeyekɨ 29:46

'Ana mɨpaɨ mepɨtehetimani kename ne Yawé nehɨkɨ wakakaɨyari. 'Ekipitu nemɨwarayewitɨ wahamatɨa nemuyeikanikɨ. Ne Yawé xekakaɨyari nekanihɨkɨtɨni.

Mawari 26:11

Xetsata nekii nekanitawewimɨkɨ muwa nemayekanikɨ, meta hatsuaku nepɨkaxetixani'erieni.

Hutarieka 'inɨari 12:11

Hakewa Yawé menayexei xemeyexeiyanikɨ tinaime xekatenanupikuni kenemɨtixe'uta'aitɨa: Mawari taiyariyari, mawarite, tamamatatsie mieme xeime, ketita mɨtiyetuiwa mawariyari, tita memɨteyetuaya meta Yawé minaki'erie mawari kemɨtiyuhɨritɨani hetsiemieme.

Kutsuhexi 22:31

Hikɨ Pinexi 'Eriyatsaxi nu'aya mɨpaɨ katiniwarutahɨawe mɨkɨ nuiwarite: ―Hikɨ mɨpaɨ tepɨtemate Yawé tahamatɨa puyeika, xemetsɨ Yawé xepɨka'eirikukai, 'ayumieme xepɨtatsi'utawikweitsitɨa ketemɨtekwinitɨarienikekai.

Memeyekɨ 15:17

'Ekɨ pepɨwareutawitɨni, pepɨwaka'iteɨta, 'iya hɨritsie kemɨ'ane 'ahetsɨamɨmieme, Yawé, 'ekɨ hakewa pemeyeika, hakewa 'ekɨ, Yawé, 'atuki pemeyutawewiri.

1 Kemɨtiuyɨ 22:19

'Ayumieme hikɨ Yawé yukakaɨyari xekeneutiwawa yurikɨ yemekɨ yu'iyarikɨ. Xekeneutsutɨa tuki 'uximayatsikayari Yawé kakaɨyari hetsiemieme, tɨratu kakuniyari meta naime Kakaɨyari tipiiniteya mɨtipatsietɨka muwa xemɨte'atɨanikɨ tukieya mɨtawewiyanita».

'Etsekieri 37:26

Wahamatɨa tɨratu nepɨwewieni 'aixɨa 'anemekɨ memu'uwanikɨ. Mɨkɨ tɨratu yuheyemekɨ pɨmiemetɨni. Yanepɨtiyurieni memɨtimɨirekɨ, meta wahixɨapa netuki nepɨtakeni yuheyemekɨ.

'Etsekieri 37:28

Kepauka netuki wahixɨapa muweni yuheyemekɨ, 'ana nuiwarite mɨpaɨ mepɨtehetimani kename ne Yawé, 'Ixaheri teɨteriyari mepatsiekame newarayeitɨa”».

'Etsekieri 43:7

Mɨpaɨ netikɨhɨawetɨ: «Tewi pemunu'aya, 'ena katini'aneni ne'uweni manuwe, hakewa ne nemeyuwetɨka, 'ena nepukani yuheyemekɨ 'ixaheritsixi wahamatɨa. Tawariri 'ixaheritsixi meta tewa'aitɨwamete kenemɨtitewa nekapatsiekame mepɨkanetsi'ayeitɨani, te'aitamete wateukiyapa meta hipame kakaɨyarixi mewarayexeiyatɨ.