Memeyekɨ 24:12 - Kakaɨyari Niukieya

¹² Yawé Muitsexi mɨpaɨ katiniutahɨawe: «Kenatiye'a hɨritsie nehetsɨa, mana keneuyuhayewa. Nepɨmatsiyetuirieni 'inɨari niukiyari, tete wewerimetsie mɨye'uxa meta ne'aitsika nemaka'utɨa para mɨpaɨ xemɨte'u'uwanikɨ».

Memeyekɨ 24:12 ပူးပေါင်းရင်းမြစ်များ

Hutarieka 'inɨari 5:22

»'Ikɨ Yawé kaniniukieyatɨni karima tai hetsie mitaxa, meta haiwitɨritsie metatsiere kwi 'uyɨwikaku, kepauka xeme hɨritɨa xemɨti'ukaitsie. Mɨpaɨ xeikɨa kaniutayɨni. Hikɨ kaneka'utɨani tetexi hutame wewerimetsie, 'ana kaneniyetuirieni.

Memeyekɨ 31:18

Kepauka mɨtiutahayewaxɨ tikuxatatɨ Tsinahi hɨriyaritsie Muitsexi matɨa, hutame tetexi pi'ɨitɨa 'inɨari niukiyari maye'uxa pɨhɨkɨtɨkai Kakaɨyari mɨraka'utɨa mana yumamakɨ.

Hepɨrayutsixi 9:4

Muwa putiwekai 'ɨkwa witsimu'ɨa mexayari hurukɨ wewiyatɨ, kakuni meta tɨratu mɨ'inɨariyaritɨkai hurukɨ heuwetsitɨarietɨ herie. Kakunitsieta mana pɨyekatei huru xariyari manana payari muyemanekai, 'Aruni 'itsɨya mutaxutui kakunitsie pɨyekateita, tete 'etsimɨtsuye mana pɨyekatei tɨratukɨ mɨraye'uxakai.

2 Kurinitutari 3:3

Xekanimatsiɨkɨni xeme Kɨritsitu xapaya xehɨkɨtɨtɨ yatetehɨritɨariekaku tame. Mɨkɨ xapa tauxikɨ pɨka'utɨarie, Kakaɨyari mayeniere 'iyarieyakɨ pɨta kani'utɨarieka. Tetetsie pɨkara'uxa, tewi mayeniere 'iyarieyatsie katina'uka.

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

2 Kurinitutari 3:7

Mɨkɨ tɨratu kɨmana mumɨni witsi'anetɨ kaninuani tetetsie mɨra'uxakai Muitsexi kemɨtiuhɨritɨarie. 'Ixaheritsixi teɨteriyari mepɨkayɨwawekai Muitsexi nierikaya memɨxeiyakɨ, witsimɨrayexawatɨkaikɨ tsepa mayeyeitɨrirɨmekai.

Hutarieka 'inɨari 4:14

Meta 'ana Yawé pɨnetsiheta'aitɨa nemɨxeti'ɨkitɨanikɨ 'inɨari niukiyari meta 'aitsika xeme mɨpaɨ xemɨtekakɨnekɨ 'iya kwieyaritsie xekwie mayanitsie kepauka Kurutani hatuxameyaritsie xemanukɨne.

Memeyekɨ 24:18

Muitsexi kaneutahani haitsata kananutiyani hɨritsie, mana pekatei huta tewiyari tukari meta huta tewiyari tɨkari.

Memeyekɨ 24:15

Kepauka Muitsexi manutitɨa haiwitɨri hɨritsie kananukateni.

Memeyekɨ 24:2

peru 'ekɨ xeikɨa Muitsexi pepɨyɨwe 'ahurawa pemayani nehetsɨa. Yunaitɨ hipatɨ mepɨkayɨwawe 'ahurawa memakɨne meta memanatikɨne 'ahamatɨa».

Mateu 5:19

Kemɨ'ane mitixani'erieni 'ikɨ 'aitsika tsepa 'imatɨme, yatiwa'ɨkitɨatɨ teɨteri, mɨkɨta 'imatɨme pɨtaterɨwarieni, kememɨtemariwa mɨkɨ memeixeiya kemɨ'ane taheima makawe tiwa'aitɨwametɨme. Perutsɨ kemɨ'ane yamɨtikamie yamɨti'ɨkita, mexɨakame pɨta pɨtaterɨwarieni.

Nehemiyaxi 9:13

»Tsinahi hɨriyaritsie pepunua, muyuawitsie paitɨ pepuwarutahɨawixɨ. Ketitamɨtiheitserie pepɨtiwarutaxatɨa meta 'inɨari niukiyari yuri maine, 'aitsika 'aixɨa mɨ'anene.

'Etsitɨraxi 7:10

'Etsitɨraxi yemekɨ Yawé 'aitsikaya kaniuyuti'ɨkitɨakaitɨni, meta mɨpaɨ katiniuyeikakaitɨni meta 'ixaheritsixi niwa'ɨkitɨakaitɨni mɨkɨ 'inɨari niukiyarite.

Memeyekɨ 34:1

Merikɨtsɨ Yawé Muitsexi mɨpaɨ katiniutahɨawe: «Hutame tetexi wewerime keneutixixi matɨari kemɨ'anenekai pemititaraxɨ. Mana nepɨraka'utɨani meripaitɨ kemɨre'ukai.

Hutarieka 'inɨari 5:31

'Ekɨ 'ena keneuyuhayewa 'akuxi nehamatɨa, naime nekamaniyetuiriemɨkɨ 'inɨari niukiyari, 'aitsikate waɨkawa 'ekɨ pemɨwati'ɨkitɨani, mɨpaɨ memɨtehe'uwanikɨ kwie nemɨwayetuirienitsie”.

1 Te'aitamete 19:11

Yawé mɨpaɨ katinitahɨawe: —Keniwayeye'a kenemie yemuritsie mana nehɨxie keneweni, 'ari kanaye'aximeni mana nemuyeyanikɨ. Hikɨ Yawé nɨ'arieya hepaɨ 'anuyekaitɨ meri kananuyeyani 'eka kwi tɨrɨkaɨyetɨ, naitɨ hɨri kaniutayuanekaitɨni, 'ai kaneukutarikekaitɨni, peru Yawé 'ekatsie pɨka'uyeikakai 'akuxi. Hikɨ 'eka 'anuyeyaku kwie kaniutayuani, peru mɨkɨtsieta Yawé pɨka'uyeikakai.

Memeyekɨ 19:3

mɨkɨ hɨritsie Muitsexi kanitiyune Kakaɨyari hamatɨa mɨretaxatakɨ. Mana Yawé, mɨpaɨ katinitahɨawe: «Mɨpaɨ ketiniwarutahɨawi Kakuwu tɨɨriyamama, yaxeikɨata 'Ixaheri nuiwarimama:

Memeyekɨ 32:1

Merikɨtsɨ Muitsexi 'ekatineutewikaitɨni kanuawetɨ Tsinahi hɨriyaritsie heyeikatɨ, hikɨ 'Aruni hɨxie 'ixaheritsixi me'u'axɨaka mɨpaɨ mekatenitahɨawe: —Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyɨnixɨ.

Nehemiyaxi 9:14

Pepɨwarutaxatɨa Xawati tukariyari mɨpatsie, Muitsexi ti'a'uximayatsiriwame mɨhɨkɨtɨkaitsie 'aitsika 'inɨari niukiyari pepɨwayetuiri.

Nɨawari 19:12

Xewitɨ 'apɨka'uyeika timaitɨ kename 'axatiyuriene. Kenetineuyehɨwirieka titakɨ 'atsinemɨkatinemate.