Memeyekɨ 23:6 - Kakaɨyari Niukieya

⁶ »Tixaɨtɨ memɨkatehexeiya xɨka metexanetani, kemɨtiheitserie pepɨkatiuku'e'eiriwani wahetsiemieme.

Memeyekɨ 23:6 ပူးပေါင်းရင်းမြစ်များ

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Keremiyaxi 5:28

kwinimieme metewaiyatɨkaitɨ meta meyuti'ɨretɨ. Ke'axamemɨteyurie hawaikɨ pɨkaheu'axe: nutui hetsiemieme 'aixɨa mepɨkate'akayuruwa, 'aixɨa 'anemekɨ 'amuyeikanikɨ, metatsiere tixaɨtɨ memɨkateheuxeiya heitserie kememɨtehexeiyakɨ yamepɨkateyurie».

Ti'ɨkitame 5:8

Xɨka xeime kwieyaritsie pewaruxeiya mewananaimakame tixaɨtɨ memɨkatehexeiya, meta teɨteri mekawapitɨatɨ heitserie memexeiyanikɨ, mɨkɨkɨ pepɨkahɨxiyaka, kemɨ'ane waɨkawa muwe'eme xewitɨ matsi waɨkawa we'emetɨtɨ kanixeiyani, meta waheima matsi xewitɨ mariwetɨ kaniwaxeiyani.

Hutarieka 'inɨari 27:19

“'Axake'u'itɨarieni kemɨ'ane timaitɨtɨtɨ heitserie kememɨtehexeiya mɨwananaimaka 'ateewa kiekatari, nutuite meta wiuraxi”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Hutarieka 'inɨari 16:19

'Axaxepɨkateyurieka heitseriemekɨ yaxekatekahutɨ meta hixɨata ti'atɨkaimekɨ xepɨkatekuxatani. 'Axapemɨtayɨnikɨ xɨka xewitɨ tumini matsi'ɨitɨaka mɨkɨ pepɨkatinaki'erieka, mɨkɨ mɨyamɨti'ane mɨtimaiwe kaheuniereme kanayeitɨaka, meta heitseriemekɨ 'amuyeika niukieya kanititunani.

Mawari 19:15

»'Ekɨ heitseriemekɨ yaketinekuxatani, xeime xeikɨa pepɨkaparewimɨkɨni tixaɨtɨ memɨkatehexeiya meta xikutsixi wahetsie, matsi kemɨtiheitseriekɨ ketineyurieneni yunaime wahetsie.

Keremiyaxi 7:6

xɨka teewatanaka xekananaimaka meta nutui metatsiere wiura, xɨka xekawakwika teɨteri 'atsimemɨkateyurie 'ikɨ kwieyaritsie, hipame xɨka kakaɨyarixi xekakawarayexeiyani, kɨmana xeme 'axaxemuyuyurieni,

Keremiyaxi 6:28

Yunaitɨ mɨkɨ te'ayuye'uniekate mepɨhɨkɨ, 'axaniukikɨ xeikɨa memuku'uwa, yunaitɨ mɨkɨ wurunitse mepɨhɨkɨ meta tepɨa, 'axa'anemekɨ memɨwewiya.

Kuwi 31:13

»Xɨka neyuta'imani 'aixɨa nemɨtiyurienikɨ nete'uximayatsiriwamete 'ukitsi meta 'ukari wahetsiemieme, kepauka memɨnetsi'anati'eiyakaitsie,

2 Kemɨtiuyɨ 19:7

'Ayumieme, Yawé xekenemakaxeni meta xekeneyukweriwayurieka kexemɨteyurie, karikɨ Yawé takakaɨyari kemɨkatiheitserie temɨteyurieka pɨka'inake meta hipame xeikɨa temɨwaparewieka meta tuminikɨ hipame wahetsie temɨnuaka».

1 Tsamuheri 8:3

Perutsɨ mɨkɨ yuhutatɨ nixewitɨ yupaapa hepaɨ tiyurienetɨ pɨka'atɨa, kemɨtiwanake xeikɨa 'axameteyurietɨ mekanakɨne, yuhetsiemieme xeikɨa tumini menaki'erietɨ, ti'itatɨ tumini 'awie mɨnaki'erie, meta hipame 'aixɨa memɨwayurienikɨ yamɨkatiyuriene.

Temaiwawemete 18:5

'Aixɨa pɨka'ane xɨka hetsiena mɨrahɨiwa 'uxɨna, meta 'aixɨa pɨka'ane xɨka heitserie mexeiya hetsie pɨta rahɨiwani.

Temaiwawemete 22:22

Tixaɨtɨ mɨkarexeiya pepɨkananaimaka, mɨkɨ tixaɨtɨ mɨkarexeiyakɨ, meta 'itsɨkate wahetsɨa pepɨkawaxanetani mɨkɨ parewiya mekaneuyehɨaka.

Temaiwawemete 31:5

kapa metarɨwetɨ mehetɨmaiya 'inɨari niukiyari kemaine, meta tixaɨtɨ memɨkatehexeiya metewarunawairieni heitserie kememɨtehexeiya.

Kitsariyaxi 5:23

tumini memanu'ɨwe hetsiena mɨraka memɨteheuyehɨwirienikɨ, meta 'atsimɨkatiuyuri heitserie kemɨrexeiyakɨ mepɨkaparewiku.