Memeyekɨ 23:26 - Kakaɨyari Niukieya

²⁶ »'Akwieyaritsie xewitɨ 'uka pɨka'anuye'iwetsieni meta xewitɨ kaniwewetɨ pɨkahayani. Ne tukari 'atewime nepɨxepitɨani.

Memeyekɨ 23:26 ပူးပေါင်းရင်းမြစ်များ

Hutarieka 'inɨari 7:14

Waɨkawa matsi xeme 'aixɨa xepɨ'itɨarieka, keyuri hipatɨ teɨteri, mana pumaweni 'uki kanuariwetɨ meta 'uka kaniwewetɨ, meta xewitɨ tewa mana pɨka'uweni kaniwewetɨ.

Kuwi 5:26

Pe'ukiratsitɨtɨri mɨkite memakateukiwa pekani'atɨariemɨkɨ matsi 'aixɨa 'akuxi pereu'erietɨ, tɨriku 'aixɨa 'anenekaku ka'inɨiwatɨ kemɨtikuxexeɨriwa hepaɨ.

Hutarieka 'inɨari 28:4

»Tɨɨri hukatsie memɨyetei 'aixɨa mepɨ'itɨarieka, meta xe'itsanari, meta xetewama waniwema, xewakaitsixi 'etsimemɨpepe meta xemuxatsima waniwema.

Kuwi 21:10

Watúrutsixi yemekɨ 'aixɨa me'aneneme memuwatinuariwa mepɨhɨkɨ, wawakaitsixima mepɨtiniweya meta mepɨka'anuye'iwetsiwa.

Kitsariyaxi 65:20

»Hatsuakuri mana tɨɨri kwitɨwa metakukuwetɨ mepɨkatixuawere, meta 'ukirawetsixi kwitɨwa mepɨkatakukuweni. Kemɨ'ane mɨmɨni xeitsienituyari hexeiyatɨ temaikɨ hepaɨ 'anetɨ pɨyɨaneni, peru kemɨ'ane mana mɨka'utineni 'axamɨ'itɨarieka hepaɨ 'anetɨ payeitɨarieni.

Nɨawari 144:13

Yaketineuyuri ta'iku temakayayatsatsie ketineutihɨniya 'ikwai waɨkawa ketiutimɨire. Tamuxatsima miriyarite keniwarayeitɨa, 'atsita mekayu'inɨatsinɨakame keniwarayeitɨa takwieyaritsie.

Nɨawari 107:38

Kakaɨyari 'aixɨa kaniwaruyurieni, hikɨ mɨkɨ mekaniyutimɨire, meta yaxeikɨa watewama kaniwarutimɨiriya.

Tsutɨarika 35:29

Waɨkawa 'ukiratsitɨtɨ kaniɨyɨni, niwemama 'Etsahu, Kakuwu 'ukiyarimama wahamatɨa mekanikateuku.

1 Kemɨtiuyɨ 23:1

Merikɨte Rawiri waɨkawa 'ukiratsitɨtɨri yuniwe Tsarumuni kananukakeni ti'aitame mayanikɨ 'Ixaheri kwieyaritsie.

Tsutɨarika 25:8

Mɨya paɨmexɨa 'utihuka 'Apɨrahami kaniumɨni waɨkawa 'ukiratsitɨtɨri, tutsimama memakuhe wahetsɨa kaneyani.

Kuwi 42:17

Mɨixa Kuwi kaniutihuni 'a'uyeikatɨ meta waɨkawa 'ukiratsitɨtɨkeri kaniumɨni ka'uyeiwetɨ.

Nɨawari 55:23

'Ekɨ matsi Kakaɨyari, memɨkametsi'ayexeiya pepɨwaratixɨrieni teukiyapa pepɨwareukaxɨrieni, teɨteri xuriya memɨtayeuri memɨte'itawa, mɨkɨ yutukari hixɨapa tɨma mepɨka'utinexɨani. Ne matsi, 'ahetsie nepɨtiwiya.

Nɨawari 90:10

Hipatɨ haika tewiyari heimana tamamata wiyari mepɨtihipite, heiwa tepanuti'axe nauka tewiyari wiyari, xɨka tɨrɨkariya 'akuxi tehexeiyani. 'Apɨpaɨme mɨkɨ wiyari, mɨyatɨtɨ, waɨkawa 'uximayatsika pɨtiuyɨne meta 'uximatɨarika: yapauka kananuyekɨkani, tameta wahamatɨa tekaniuhuni.

Hutarieka 'inɨari 4:40

Yaketinekamieni 'inɨari niukiyaritsie meta naime 'aitsikayatsie hikɨ kenemɨmatiuta'aitɨa. Mɨpaɨ 'ekɨ meta 'anuiwarima 'aixɨa 'iyari mepu'uwani, meta mɨixa wiyari xekaniyurikuni mɨkɨ kwieyaritsie Yawé 'akakaɨyari mɨxeyetuirietsie yuheyemekɨ».

'Utseyaxi 9:14

Neuxei Yawé, ¿Ketita petiwayetuirieni? 'Uka 'anuye'ikwitɨwame meta tsitsi ka'ayemaneme.