Memeyekɨ 23:25 - Kakaɨyari Niukieya

²⁵ »Nenewieri kenepitɨaka Yawé 'akakaɨyari, mɨkɨ 'aixɨa piyurieni 'a'ikwai meta 'ahaa. »Ne naime kwiniya xehetsie nepɨkapitɨani.

Memeyekɨ 23:25 ပူးပေါင်းရင်းမြစ်များ

Hutarieka 'inɨari 7:15

Yawé pɨxe'ɨwiyani xepɨkatekukuyeni, kwiniya kwinimieme mɨmayatɨka xehetsie pɨkaye'axeni 'Ekipitu xemeitima, matsi mɨkɨ memɨxe'aye'unie wahetsiemieme pɨhɨkɨtɨni.

Memeyekɨ 15:26

Mɨpaɨ katiniwarutahɨawe: «Netsɨ Yawé xekakaɨyari nekanihɨkɨtɨni. Xɨka neniuki xe'enietɨ yaxetekahuni heitseriemekɨ, xɨka 'inɨari niukiyaritsie yaxetekahuni kemɨreuyewetse meta ne'aitsikatsie, ne hatsuaku kwiniya nepɨkahanɨ'ani xehetsie, 'ekipitutsie kenemɨtiuyuri. Netsɨ Yawé nekanihɨkɨtɨni, hatsuaku kwiniya xehetsie pɨkatinake».

Kutsuhexi 22:5

Meta xekeneyutɨrɨkariyani xemeye'atɨanikɨ 'aitsika 'inɨari niukiyari, Muitsexi kemɨraka'utɨa Yawé ti'uximayatsiriwame: Yawé yukakaɨyari xekenenaki'erieka, xekeneu'uwani kemɨtinake xekenaye'atɨaka 'aitsikaya, hamatɨana xekeneuhuni heitserie yu'iyarikɨ xeketene'uximayatsirieka meta naimekɨ yu'iyarikɨ 'aixɨa xeketeneyurieka».

Kitsariyaxi 33:24

Nixewitɨ mɨpaɨ pɨkatayɨni: «Nepɨtikuye», mana kiekatari 'axakememɨte'uyurikɨ mepɨteheuyehɨwiyarieni.

Nɨawari 103:3

Mɨkɨ pɨmereuyehɨwirie naime 'axakepemɨtiuyuri meta kepemɨtiuka'eniwa naime 'aixɨa kameniyurieka,

Hutarieka 'inɨari 7:13

Waɨkawa xenaki'erietɨ pɨxetimɨiriya meta 'aixɨa pɨwayurieka tɨɨri hukatsie memɨyetei, meta 'ikwaxi 'iya kwietsie timieme 'atutsima mɨwaruxatɨatsie. 'Ikɨ katinixatani, tɨriku 'aixɨa puyurieka, meta kaxie winuyari meta hatseiti, metatsiere 'atewama waniwema meta muxatsi.

Hutarieka 'inɨari 10:12

»'Ixaheritsixi teɨteriyari, hikɨta, ¿tita tixewawirie Yawé xekakaɨyari? Xekenayemakaxeni xeikɨa, meta huyetana xekeneuhuni, xekenenaki'erieka naime 'a'iyarikɨ meta kepemɨti'amatekɨ,

Hutarieka 'inɨari 6:13

»Yawé 'akakaɨyari kenayemakaxeni, mɨkɨ xeikɨa kenayexeiyani, yaketineyuhɨritɨa mɨkɨ kemɨtitewakɨ.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

1 Tsamuheri 12:20

Tsamuheri mɨpaɨ katiniwaruta'eiya: —Xepɨkaheumamaka. Tsepanetɨ waɨkawamekɨ 'axaxemɨte'uyuri, Yawé xepɨka'uku'e'eiriwani, matsi pɨta naime yu'iyarikɨ xeketene'uximayatsirieka.

Hutarieka 'inɨari 10:20

Yawé mɨ'akakaɨyari pe'ayemakaxetɨ kenayexeiyani. Mɨkɨtsie xeikɨa ketinewiyani meta kepemɨtayɨni mɨkɨ kemɨtitewakɨ yakeneutaineni.

Kutsuhexi 24:21

Peru teɨteri mɨpaɨ mekaniutiyuani tawarita: ―Tame hatsuaku mɨpaɨ tepɨkayɨni. Tame Yawé xeikɨa tepayexeiyani.

Hutarieka 'inɨari 13:4

Yawé 'akakaɨyari xeikɨa pepayexeiyani meta mɨkɨ xeikɨa pepayemakaka. 'Aitsikateyatsie yaketinekamieni, keneu'enieka meta ketine'uximayatsirieka meta hetsiena ketinewiyani.

1 Tsamuheri 7:3

'Ayumieme Tsamuheri yunaime 'ixaheritsixi mɨpaɨ katiniwarutahɨawe: «Xɨka xeme xeyuwaɨriyani Yawé hetsɨa xemɨ'axɨanikɨ yu'iyarikɨ, xekeniwarexɨri kakaɨyarixi xemɨkawamate meta 'Atsitaruti 'ɨkiyarite. Yawé yuxaɨtame xeikɨa xekenayexeiyani mɨkɨ kanixetawikweitsitɨamɨkɨ piritsiteutsixi kememɨtexenanaima».

Kutsuhexi 24:24

Tawarita teɨteri mɨpaɨ mekaniutiyuani: ―Yawé takakaɨyari xeikɨa tepayexeiyani, meta mɨkɨ xeikɨa tepeu'enieka.

Marakiyaxi 3:10

»Xekene'atɨa 'aixɨa 'anemekɨ tamamatatsie mieme xeime tukita muyuhayewanikɨ, mɨpaɨ 'ikwai kanixuawekamɨkɨ netukita. Mɨkɨkɨ xekeneneuta'inɨata —mɨpaɨ kanaineni Yawé Naimekɨmɨtɨrɨkaɨye—, xekaninenierikuni muyuawitsie wiyeri nekaneuyepimɨkɨ meta 'aixɨa nekanixeyurimɨkɨ waɨkawa yemekɨ 'anutiyakamekɨ.

Kitsariyaxi 33:16

Mɨkɨ meutitewatsie pɨkiekametɨni, yu'awiwietame pexeiyani 'aitsie mɨtɨrɨkaɨyetsie, paa pemikieka, haa waɨkawa pexeiyani.

1 Tsamuheri 12:24

Waɨkawamekɨ nepɨxehayehɨtɨwa Yawé xemayemakaxenikɨ, naime yu'iyarikɨ xekenayexeiyani, xehe'eriwatɨ mariwemekɨ kemɨtiuyuri xehetsiemieme.

Keremiyaxi 8:2

Tau hɨxie tiheitɨ kanayeimɨkɨ meta metseri hɨxie, meta yunaime xurawetsixi muyuawitsie miemete wahɨxie, mɨkɨ muyuawitsie miemete memɨwanaki'eriekai, memɨwarayexeiyakai memuwaruweiyakai meta memɨwarahɨawekai. Wa'umete pɨkaku'ɨiyani meta pɨkakateukieni, kwitarai hepaɨ kwiepa puyuhayewa.

Mawari 11:44

Ne Yawé xekakaɨyari nepɨhɨkɨ, xekeneyupatani xepatsietɨ xekeneyuhayewani, ne nemupatsiekɨ. 'Ayumieme xeka'itiyatɨ xepɨkayuhayewani kwiepa yutawima memɨteku'uwa wahekɨ.

Mawari 26:3

»Xɨka yaxete'u'uwani kenemɨtixe'u'aitɨa meta ne'aitsikatsie yaxetekahuni 'aixɨa 'anemekɨ,

Ti'ɨkitame 5:20

Kakaɨyari wa'iyaritsie kemɨtiwahɨniya temawierikakɨ, tewi yutukari 'etsiwa xeikɨa kaniku'eriwani.

Tanieri 1:15

Haye'aku kepauka mɨwarutipiniriekai, 'ikɨ temari 'aixɨa mekateniyuxexeiyakaitɨni 'aixɨa memɨtekwaka hepaɨ, keyuri hipatɨ 'aixɨa ti'anekame memɨte'utikwa'akai.