Memeyekɨ 23:20 - Kakaɨyari Niukieya

²⁰ »Mɨpaɨ ketinemaika 'Ixaheri, ne nepenunɨ'ani 'ahɨxie niuki tuayame, mɨmatsihe'ɨwiyanikɨ huyeta, mɨmatsi'anuwitɨni hakewa 'ahetsiemieme nemɨrekuha'aritɨa.

Memeyekɨ 23:20 ပူးပေါင်းရင်းမြစ်များ

Memeyekɨ 33:14

Yawé mɨpaɨ kaniutayɨni: —Ne 'ahamatɨa nepɨyemie meta nepɨmatsika'uxipitɨani.

Nɨawari 91:11

Mɨkɨtsɨ yuniuki tuayamete kaniwatanɨ'amɨkɨ naime 'ahuyeta memetsi'ɨwiyanikɨ.

Memeyekɨ 32:34

'Ekɨ kenemie, keniwaranuwitɨki 'ikɨ teɨteri hakewa nematsihetaxatɨa. Niuki tuayame 'ahɨxie kaniumiemɨkɨ. Tukari kanaye'amɨkɨ kepauka nemɨwa'uximatɨani 'axamemɨte'uyurikɨ, 'ana mɨpaɨ pɨtiyɨni.

Memeyekɨ 14:19

Hikɨ niuki tuayame Kakaɨyari hetsɨa mieme 'ixaheritsixi wahɨxie mumiekai, ta'aurie kanaweni wa'utɨma pɨta kaniyuhayewa. Yaxeikɨata kaniuyɨni hai 'amuwekai wa'utɨma pɨta kaniutakeni,

Kitsariyaxi 63:9

naime kememɨte'uka'eniwakaikɨ. Mɨkɨtɨtɨ puwarutawikweitsitɨa, xeime pɨkaheyenɨ'a meta nixeime niuki tuayame. Yunaki'eriyakɨ meta yunenimayatsikakɨ kaniwarutawikweitsitɨani, kaniwaranukutɨkɨ, kaniwaretɨkɨ yumamatetsie meripaitɨ hepaɨ.

Memeyekɨ 33:2

Niuki tuayame nepanunɨ'ani 'ahɨxie 'anuyekaitɨ mumienikɨ, nepɨwataweiya mɨkɨ kananeutsixi, 'amuxeutsixi, hetitsixi, peretseutsixi, heweutsixi meta kewutseutsixi.

Mateu 25:34

»Hikɨ Ti'aitame mɨpaɨ pɨtiwatahɨawe mɨkɨ tserietana memɨti'uka: “Xeme xekenakɨni, ne'ukiyari 'aixɨa mɨxe'uyuri, ne'ukiyari mɨra'aita yuhetsiemieme xekenayeitɨa mukuha'aritsie kepauka kwie munetɨarietsie paitɨtɨ.

Wani 14:3

Xɨka neheyani, xɨka xehetsiemieme 'aixɨa nereyurieni mana, tawarita nekaninuamɨkɨ, nehetsɨa nekanixe'anuwitɨmɨkɨ, hakewa nemeyeikani xemeta mana xeme'uwanikɨ.

Marakiyaxi 3:1

Yawé Naimekɨmɨtɨrɨkaɨye mɨpaɨ kaniutayɨni: «Ne neniuki tuayame nekananunɨ'amɨkɨ huye mukuha'aritɨanikɨ nehetsiemieme. Yapauka ti'aitame yutukitsie kaninuamɨkɨ kemɨ'ane xeme xemɨkuwautɨwe, tɨratu niuki tuayameya kaninuamɨkɨ, kemɨ'ane xeme waɨkawa xemeuyehɨwa».

Kutsuhexi 6:2

Yawé Kutsuhexi mɨpaɨ katiniutahɨawe: «Keriku nepɨmatsiyetuiri meta mana ti'aitame metatsiere kuyaximama pemɨwakwinikɨ.

'Inɨatsie 20:16

Metatsiere pepɨtimate Yawé ketemɨte'utawawiri tatsi'u'enieka, yuniuki tuayame kataneyenɨ'airieni 'Ekipitu mɨtatsi'ayewitɨ. »”'Enari tekaniuhuni Karetsi, hakewa 'akwie meka'atɨka.

Kutsuhexi 5:13

Merikɨtsɨ Kutsuhexi Keriku 'aurie kaniukateitɨni, kepauka manukunierixɨ xeime tewi kaniuxeiya hɨxiena 'uweme, 'ixipara heukwekame. Kutsuhexi 'ahurawa kaniuyani kanita'iwawiya: ―¿'Ekɨ petihɨkɨ tahetsɨamieme, nutsutɨ pemɨtatsi'aye'unie pepɨyɨane?

Memeyekɨ 15:17

'Ekɨ pepɨwareutawitɨni, pepɨwaka'iteɨta, 'iya hɨritsie kemɨ'ane 'ahetsɨamɨmieme, Yawé, 'ekɨ hakewa pemeyeika, hakewa 'ekɨ, Yawé, 'atuki pemeyutawewiri.

Tsutɨarika 48:16

Niuki tuayame mɨnetsi'utawikweitsitɨa naime 'axamɨti'anetsie, 'aixɨa keniwayurieka 'ikɨ tɨɨri. 'Uxa'atɨni warie nepaxaxatsiwani, yaxeikɨata ne'ukiyarima 'Apɨrahami 'Itsahaki wahepaɨ. Xeke'utiwawere xeke'utaxiɨni 'ena kwiepa».

Tsutɨarika 15:18

Mɨkɨ tukaritsie Yawé 'Apɨrami hetsɨa tɨratu kaniuwewieni. Mɨpaɨ katinitahɨawe: —'Ikɨ kwie nepɨwayetuirieni 'anuiwarima, haa 'Ekipitu mieme manuyeka, meta 'amɨpa manuyekatsie paitɨ 'Eupɨrate mɨtitewatsie.

Tsutɨarika 24:7

Yawé Kakaɨyari muyuawi mutawewi nekie pɨnetseheyewitɨ ne'iwama wahetsɨa, mɨpaɨ netihɨritɨatɨ: «'Anuiwarima nepɨwayetuirieni 'ikɨ kwie», mɨkɨ yuniuki tuayame kananunɨ'amɨkɨ 'ahamatɨa mɨmatsi'anuwitɨnikɨ, 'ekɨ pemeyɨwekaxɨanikɨ 'uka pemawitɨni neniwe 'Itsahaki hetsiemieme.

Tsutɨarika 24:40

Hikɨ mɨpaɨ nerahɨawe: “Yawé nehamatɨa puyeika, mɨkɨ 'ahamatɨa yuniuki tuayame panunɨ'ani, 'aixɨa 'anemekɨ pemakunuanikɨ pemeikaxeiyakɨta 'uka neniwe hetsiemieme nepaapa tɨɨriyamama wahetsɨa.

Memeyekɨ 15:16

mɨkɨtsɨ wahetsie pɨtinakeni marika. Yawé, kepemɨtitɨrɨkaɨyekɨ, mekaniuwawetɨ mepakɨne tetexi wahepaɨ kepaukake 'ateɨterima memanuyekɨne, teɨteri 'ahetsiemieme pemɨwarutinanai.

Memeyekɨ 23:23

Neniuki tuayame pɨmatsi'anuwitɨni, mɨkɨ nemɨwaka'una wakwieyaritsie pɨmatsi'atɨani: 'amuxeutsixi wakwietsie, hetitsixi, peretseutsixi, kananeutsixi, heweutsixi meta kewutseutsixi.

'Inɨatsie 22:22

Hikɨ wahamatɨa 'umiekaku Kakaɨyari kaniuyeha'ani, huyetana kaniutakeni Yawé niuki tuayameya, ka'ipitɨanike mana muyeyanikɨ. Warami 'anakaitɨ kaniumiekaitɨni yupuxutsie meta hamatɨana yuhutatɨ mekaniuhukaitɨni 'iparewiwamete.

Hutarieka 'inɨari 33:2

«Yawé Tsinahi heyeyaka kaninuani: Yuteɨterima wahetsie punua, tau 'ɨrɨya hepaɨ 'anetɨ Tsehixi kwieyaritsie, puhekɨarixɨ Parani hɨriyaritsie paitɨ, meta kaninuani Meriwa-Karetsi yutserie tau 'ɨrɨya hexeiyatɨ.

Kutsuhexi 23:5

Yawé takakaɨyari kaniyɨweni xemɨwara'iwakɨ mɨkɨ kwieyaritsie, xeme xekwie kanayeimɨkɨ, mɨkɨ kemutayɨ.

Kutsuhexi 5:14

Mɨkɨ mɨpaɨ katinitahɨawe: ―Nixeime hetsɨa nepɨkamieme. Nepɨnehekɨata 'ahɨxie kuyaxi tiwa'aitɨwame nehɨkɨtɨtɨ Yawé hetsɨamieme. Hikɨ Kutsuhexi kaniukahɨximakeni kwiepa mɨpaɨta katinita'iwawiya: ―¿Tita penetiku'aitɨane neti'aitɨwame? Mati'uximayatsiriwame nepɨhɨkɨ.

Tsakariyaxi 12:8

»'Iya tukaritsie ne, Yawé, Kerutsareme kiekatari wahetsie nepɨtanuani. Mana kiekame yemekɨ mɨkatɨrɨkaɨye Rawiri hepaɨ pɨtitɨrɨkaɨyeni, meta Rawiri nuiwarimama Kakaɨyari hepaɨ mepɨ'aneni, niuki tuayame Yawé hetsɨa mieme hepaɨ teɨteri muwaruwitɨxime.