Memeyekɨ 23:19 - Kakaɨyari Niukieya

¹⁹ »Pepi'atɨani Yawé 'akakaɨyari tukita 'aixɨa mɨti'anene matɨari timieme mɨtitixuawere. »Tsipu nunutsi maamaya retsieyatsie xepɨka'i'etsani.

Memeyekɨ 23:19 ပူးပေါင်းရင်းမြစ်များ

Memeyekɨ 34:26

»'Ikwaxi matɨari mieme 'aixɨa mɨ'anene Yawé kiita pepɨyetuani 'akakaɨyari hetsɨa. »Tsipu nunutsi maamaya retsieyatsie xepɨka'i'etsani».

Hutarieka 'inɨari 14:21

»Tixaɨtɨ timɨkime xetekaxeiyame xepɨkatekwa'ani. Mɨkɨ pɨyɨweni 'ateewa kiekame xemɨminikɨ 'akiekaritsie memɨtitei, mɨkɨ pɨyɨwe mitikwani, yatɨni yeikame pemutuirieni. Peru xeme teɨteri xemɨpatsie xekanihɨkɨtɨni Yawé Kakaɨyari hetsiemieme. »Tsipu nunutsi xepɨka'etsani maamaya retsieyakɨ.

Hutarieka 'inɨari 26:10

'Ayumieme hikɨ nepɨti'atɨiri tita matɨari 'ikwaxi mɨtiutixuawerixɨ kwie Yawé Kakaɨyari mɨnetsiyetuiritsie”. »'Ana kwitɨwata, yutsikɨiwiti Yawé yukakaɨyari hɨxie xepɨti'uitɨwani, meta hɨxiena xepanakatutsitani.

Nehemiyaxi 10:35

Yaxeikɨata yatekaniutiyuani Yawé tukieyata temɨteyetuayanikɨ xeiwiyari 'anuyeyeikakaku tawaxata mɨtikaxuawere matɨari timieme meta ta'iteɨritetsie timieme 'ikwaxi,

Memeyekɨ 22:29

»Pepɨkatihayewani peti'atɨwatɨ 'iku mawariyari meta winu mawariyari. »Xeniwema matɨari miemete nehetsɨa mekanimiemetetɨni.

Hutarieka 'inɨari 26:2

xekatenika'inɨikuni matɨari mɨtikaxuawere 'ikwaxi xekwie Yawé xekakaɨyari mɨxeyetuirienitsie timieme, hikɨ mɨkɨ tsikɨiwititetsie xekatenikapikuni. Hikɨ xekanihuni Yawé xekakaɨyari hakewa meyuhayewa,

Matsiɨkɨtɨ kemɨratɨa 14:4

Mɨkɨ mekanihɨkɨtɨni memɨkayutsewixima, 'ukarawetsixi memɨkawarukumayɨa. Muxa 'utɨma memuku'uwa tsepa hakewa meutɨa. Mɨkɨ teɨteri memutinanaiya mexɨakame 'ikwaxi hepaɨ, Kakaɨyari meta Muxa nuiwarieya memakɨnekɨ.

1 Kurinitutari 15:20

Peru mɨpaɨ pɨka'ane. Kɨritsitu kananukuketɨarieniri mɨkite watsata, mɨkɨ memeukutsixɨa wamatɨari hɨkɨtɨtɨ.

Keremiyaxi 10:3

Teɨteri wayeiyari tixaɨtɨ pɨkatihɨkɨ. Kɨye mepawiteke 'ɨtsita, kɨyekɨ mɨti'uximayatawe pititsatsewe.

Temaiwawemete 12:10

Tewi heitseriemekɨ yamɨtikamie yapɨtimate yunaime tewaxi wahetsiemieme kememɨte'uka'eniwa, matsi 'axatiyuruwame nitixaɨtɨ pɨkatinenimaya.

Temaiwawemete 3:9

Yawé kenayexeiyani tita pemɨrexeiyakɨ, meta matɨarimieme 'ikwaxi keneyetuirieka tita pemɨtiukaxexeiya.

Memeyekɨ 22:28

»'Axapepɨka'utaineni Kakaɨyari hepaɨtsita, meta 'axapepɨkarenutahɨaweni teɨteri wahetsiemieme manuyeka.

'Inɨatsie 15:21

Yunaitɨ 'anuiwarima mekateniyetuayakuni yemekɨ Yawé hetsiemieme matɨari memɨte'imanitsie timieme.

Nehemiyaxi 10:36

metatsiere muwa temɨwayetuayanikɨ taniwema matɨari miemete meta tatewama mexɨakate, wakaitsixi meta muxatsi, mawari wewiwamete wahetsɨa Kakaɨyari tukieyata memɨte'uximaya, kemɨreuku'uxa 'inɨari niukiyaritsie.

'Etsekieri 44:30

Meta mekatenanupikuni 'ikwaxi mexɨakametsie timieme, meta naime 'imikierite xeme xemɨteyetuaya. Xekaniwayetuiriekuni mawari wewiwamete paa memexeiyanikɨ, yutɨxi 'aixɨa mɨ'ane. Mɨpaɨ 'aixɨa xepɨ'itɨarieka xemakutetɨkatsie.

'Etsekieri 48:13

Metatsiere rewitsixi kwie mepɨ'axe, tamamata heimana huta miriyari heimana 'auxɨwi tsienituyari (12.500) meturuyari 'ayetewime meta 'auxɨwi miriyari (5.000) meturuyari 'atayeume, mawari wewiwamete wakwie 'aurie. Naitɨ kwie manayuhayewaxɨ mɨpatsie tamamata heimana huta miriyari heimana 'auxɨwi tsienituyari (12.500) meturuyari pɨtewini meta tamamata miriyari (10.000) meturuyari 'atayeutɨ.

'Etsekieri 48:14

Mɨkɨ kwie manayexeiyariekɨ mɨkɨ kwieyaritsie, mituani pɨkayɨweni, meta mipata, metatsiere xeime muxatɨani, mɨpatsiekɨ Yawé hetsiemieme.