Memeyekɨ 23:13 - Kakaɨyari Niukieya

¹³ »Xeketenaye'atɨa naimekɨ kenemɨtixe'uta'aitɨa. »Hatsuaku hipame kakaɨyarixi xepɨkawarahɨaweni. Kememɨtetetewa hatsuaku xepɨkawaraxaxatani.

Memeyekɨ 23:13 ပူးပေါင်းရင်းမြစ်များ

Kutsuhexi 23:7

Xepɨka yuxewiriyani 'ena nuiwarite memuxuawe wahamatɨa. Wakakaɨyarixi xepɨkawarayexeiyani wahetsie xepɨkatewiyani meta wahetsiemieme xepɨkateyuhɨritɨaka.

1 Timuteu 4:16

Kene'a'ɨwiyani meta kene'ɨwiyani 'ɨkitsika. Mɨpaɨ petiyurienetɨ kene'ahayewa, mɨkɨkɨ pepɨ'atawikweitsitɨani meta pepɨwatawikweitsitɨani mɨkɨ memɨmatsi'enie.

Tsakariyaxi 13:2

»'Iya tukaritsie kakaɨyarixi memɨwewiyatɨka kememɨtetetewa nepikumaweriya, hatsuaku tawari me'ayexeiyarietɨ mepɨka'akɨne —mɨpaɨ kanaineni Yawé Naimekɨmɨtɨrɨkaɨye—. Metatsiere nepɨwakumaweriya Kakaɨyari niukametemama memɨyuxatakai meta 'iyari mɨka'itiya mɨwanɨkai.

Hutarieka 'inɨari 4:9

»Peru xeyukweriwayurietɨ xekeneu'enana, xepɨkatehatɨtɨmaiyani kexemɨte'unenierixɨ, mexi xe'ayeneniere yu'iyarikɨ xepɨkahetɨtɨmaiyani. Mɨkɨ xekeniwarutaxatɨa yuniwema meta yuteukarima.

'Utseyaxi 2:17

Ne nepɨmeratɨmaiyatsitɨani tawarita pemɨkawakuxatanikɨ memɨkayuri kakaɨyarixi, hatsuakuri pemɨkawatahɨawe.

Hutarieka 'inɨari 12:3

»Memɨtehatimawatsie xekaneka'unakuni, watetexi memɨwarayexeiya xekanetitarakuni, 'uka 'Atserá kakaɨyariyari 'ɨkiyari xekanititaiyakuni, wakakaɨyarixi xekaniwatitarakuni meta kakaɨyarixite xekaniwakumaweriyakuni kememɨtetewakai.

Hepɨrayutsixi 12:15

Xekeneyɨ'ɨwiyani xewitɨ ka'aye'awetɨ mɨka'ayanikɨ, Kakaɨyari 'aixɨa tiuka'iyaritɨ kemɨtiminikeyu, xekeneyɨ'ɨwiyani xewitɨ kapa xemuinanenikɨ, nana kwiepa mutineika hatsiwimekɨ mutixuxuawere hepaɨ yɨanetɨ, mɨpaɨ xɨka tiyurieneni, yumɨiretɨ mekanitsewiximariekakuni.

'Epetsutari 5:15

'Ayumieme xekeneyukweriwayurieka 'aixɨa kexemɨte'u'uwa. 'Atsimemɨkatemate wahepaɨ xepɨkayɨaka, memɨtemaiwawe wahepaɨ pɨta xekeneyɨaka,

Keremiyaxi 10:11

«Mɨpaɨ pepɨtiwatahɨawe: “Mɨkɨ kakaɨyarixi muyuawi memɨka'utawewi meta kwie, mekanikumawerikuni 'ena kwiepa meta muyuawi hetɨa”».

Nɨawari 16:4

Peru kemɨ'ane kakaɨyarixi memuwarayexeiyani waɨkawa mepɨtekwineni. Ne hatsuaku newarayexeiyatɨ nepɨka'ayani wakakaɨyarixi meta mawari nepɨkawawewirieni, meta kememɨtetetewa nepɨkawakuxatani.

Kutsuhexi 23:11

Yaxeketeneuyuri kexemɨte'aitɨarie xeminaki'eriekakɨ Yawé yukakaɨyari.

Kutsuhexi 22:5

Meta xekeneyutɨrɨkariyani xemeye'atɨanikɨ 'aitsika 'inɨari niukiyari, Muitsexi kemɨraka'utɨa Yawé ti'uximayatsiriwame: Yawé yukakaɨyari xekenenaki'erieka, xekeneu'uwani kemɨtinake xekenaye'atɨaka 'aitsikaya, hamatɨana xekeneuhuni heitserie yu'iyarikɨ xeketene'uximayatsirieka meta naimekɨ yu'iyarikɨ 'aixɨa xeketeneyurieka».

'Epetsutari 5:12

'Awie kememɨteyurie mɨkɨ, putewiuyɨkɨre mɨwakuxatanikɨ.

Nɨawari 39:1

Ne mɨpaɨ nepɨtiu'eri: «Teɨteri 'axateyuruwamete wahɨxie nemuyeikakɨ nepɨne'ɨwiyani kenemɨtiuyeika, nepɨtinewieka kapa 'axane'utayɨnikɨ, matsi netenie nepuwieka».

Hutarieka 'inɨari 4:15

»Kepauka Yawé mɨxehetahɨawixɨ Huré yemuriyaritɨa, tai hepaɨ 'anekametsie, xeme tixaɨtɨ xepɨkatehexei. 'Ayumieme, xekeneyu'ɨwiyani waɨkawa

'Inɨatsie 32:38

Newu, Wahari-Mekuni metatsiere Tsiwima, mekanipataxɨani kemɨtitetewakai.

Memeyekɨ 23:24

»Mɨkɨ wakakaɨyarixima wahɨxie pepɨkahetihɨximakiekani. Nenewieri pepɨkawarepitɨaka kememɨtehehu, pepɨkaware'ɨkirieka. Matsi pɨta xekeniwareti'uniri wakakaɨyarixi meta watetexi mɨpatsietɨka xekenetitara.

Memeyekɨ 23:32

»Mɨkɨ teɨteri wahamatɨa tɨratu xepɨkawewieka, metatsiere wakakaɨyarixima wahamatɨa.

Hutarieka 'inɨari 4:23

Kamɨtsɨ yumarima 'aixɨa, xepɨkahetɨtɨmaiyani Yawé xekakaɨyari tɨratu kemɨtiuwewi xehamatɨa. Hipame kakaɨyarixi xepɨkawawewieka yɨkɨ me'aneneme Yawé xekakaɨyari kemɨtixeku'imaiyakai,

Hutarieka 'inɨari 6:1

»'Ikɨ kanihɨkɨtɨni 'inɨari niukiyari meta 'aitsika waɨkawa Yawé 'akakaɨyari mɨnetsi'uta'aitɨa ne nemɨmatsita'ɨkitɨanikɨ, mɨpaɨ xemɨtehe'uwanikɨ xema'axɨanitsie yukwie xemayeitɨanikɨ,