Memeyekɨ 23:1 - Kakaɨyari Niukieya

¹ »'Itarikakɨ xepɨkatekuxatani. »'Axamɨtiuka'iyari pepɨkaparewieka, meta niukikɨ pepɨka'iparewieka 'itsɨkame hetsɨa.

Memeyekɨ 23:1 ပူးပေါင်းရင်းမြစ်များ

Nɨawari 101:5

Kemɨ'ane 'awie yu'iwa hepaɨtsita 'axamɨtayɨni, yuheyemekɨ ne kayuwatɨ nepipitɨani, kemɨ'ane mariweme mayuyeitɨwa meta timaiweme nepɨkayɨwe nemɨtinewiriekakɨ.

Temaiwawemete 19:5

Kemɨ'ane 'uniereme muyuxata tiku'itawatɨ mɨkɨ katinika'enitsitɨariemɨkɨ, yaxeikɨata kemɨ'ane mɨti'itawa pɨkareuyehɨwiyarieni.

Memeyekɨ 20:16

»Xeime 'a'iwatsie pepɨkatiuhɨpani 'itarikakɨ.

Nɨawari 35:11

Mete'itawatɨ menetsitaxanetake mepɨ'axe, menetsita'iwawiyake tita 'atsinemɨkatimatekɨ.

Hutarieka 'inɨari 5:20

'Itarikakɨ pepɨkatikuxatani 'ahepaɨ tewi hepaɨtsita.

Mawari 19:16

»'Ateɨterima watsata 'axaniuki pepɨkawewieka, meta 'ahepaɨ tewi pe'itatɨ pepɨkahekɨatani. Ne Yawé nekanihɨkɨtɨni.

Matsiɨkɨtɨ kemɨratɨa 12:10

Hikɨ xeime nekaniu'enieni mɨpaɨ haineme karima: «Hikɨrixɨa wikweitsitɨarika kanaye'ani, kemɨtitɨrɨkaɨye meta kemɨti'aita takakaɨyari, kanaye'ani Kɨritsitu heitserie kemɨrexeiya hetsɨana mieme. Kemɨ'ane mɨwaxaneta ta'iwamarixi, mɨkɨ kananuyehɨiyani, takakaɨyari hɨxie mɨwaxanetakai tukarikɨ meta tɨkarikɨ.

Xumatari 3:8

Mɨpaɨ kati'anenikeyu matsi: 'axatemɨtekɨhɨawarɨwa hepaɨ, hipatɨ memutiyuane hepaɨ kename mɨpaɨ tehaitɨka tame: «Kɨmɨ 'axatepɨteyurieni 'aixɨa 'anetɨ mayanikɨ te'utiyuatɨ waniu». Heitseriemekɨ mekanixani'eriwani mɨkɨ mɨpaɨ memutiyuane.

Temaiwawemete 19:9

Kemɨ'ane 'uniereme muyuxata tiku'itawatɨ mɨkɨ katinika'enitsitɨariemɨkɨ, kemɨ'aneta mɨti'itawa mɨkɨ kanika'unariemɨkɨ.

1 Pekuru 3:16

xe'iyari 'aixɨa 'anekaku kaxetate'akaku. Mɨpaɨ kememɨtexeniukima, mɨkɨ hepaɨtsita mepɨyutetewiyani mɨkɨ memɨxeniukima kexemɨteyurie 'aixɨa 'anemekɨ, Kɨritsitutsie xetewiyatɨ kexemɨyɨa.

2 Timuteu 3:3

mepɨkayunaki'erieka, mepɨkayuhaxɨapitɨaka, mepɨyuniukimani, mepɨkateyu'aitɨaka, mepayu'eririyani, mepihekani tita 'aixɨa mɨti'ane,

'Epetsutari 4:25

'Ayumieme xeketeneuhayewa xete'itawatɨ, yuxexuitɨ yuri xeketeneyutahɨawi, tanaitɨ 'axeikɨa temɨtaxewinikɨ xeiwaiyaritsie temɨmiemekɨ.

Temaiwawemete 24:28

Peti'itawatɨ 'ahepaɨ tewi hepaɨtsita pepɨkatikuxatani 'itsɨkame hɨxie, pepɨkatiku'itawani 'atenikɨ.

Temaiwawemete 21:28

Kemɨ'ane 'uniereme muyuxata ti'itawatɨ mɨkɨ kanika'unariemɨkɨ, matsi kemɨ'ane yuri mɨtikuxata kemɨtiunierixɨ pupitɨarieni yamɨtayɨnikɨ kemɨtiunierixɨ.

Temaiwawemete 10:18

Kemɨ'ane 'uxiwe'erika mɨ'awieta mɨkɨ katini'itawani, kemɨ'ane mɨkayuwaɨriya muwapariewienikɨ teɨteri hipame wahetsiemieme kananiuweni.

Temaiwawemete 6:19

kemɨtiunierixɨ ti'itawatɨ mɨtikuxata, meta kemɨ'ane yu'iwama mɨwakwamana memuyukwitɨwenikɨ.

Nɨawari 15:3

yuniukikɨ hipame mɨkawarekaxɨrɨwa, yu'aurie kiekame 'axamɨkatikuxaxatɨwa, yuhepaɨtewi 'axamɨkayurie,

Mawari 19:11

»Pepɨkatinawayani. »Xepɨkateyu'itaiyani. »'Ahepaɨ tewi pepɨkati'irɨwiyani.

Rukaxi 19:8

Peru Tsakeu mana 'uwetɨ mɨpaɨ katinitahɨawe Ti'aitame: —Neuxei, Ti'aitame: Nepiinite hixɨata 'arɨkame nepɨtiwamini tixaɨtɨ memɨkatehexeiya, 'itarikakɨ kenemɨtiwakwamanakai hipame, naukamekɨ nepɨrapika.

Rukaxi 3:14

Meta kuyaxi mɨpaɨ mekatenita'iwawiya: —Tameta, ¿keteteyurieka? Mɨkɨ mɨpaɨ katiniwarutahɨawe: —Xepɨkatenawayani, 'itarikakɨ xepɨkawatawiwiyani. Xekenenaki'aka yu'iwarikakɨ.

Mateu 19:18

Tewi mɨpaɨ katinitahɨawe: —¿Kemɨ'ane 'aitsikate? Ketsutsi mɨpaɨ katinita'eiya: —“Pepɨkati'amemiwani, xeime 'ɨyaya kɨnaya pepɨkakumaɨwani, pepɨkatinawayani, peti'itawatɨ pepɨkatihekɨatani,

Keremiyaxi 20:10

Yɨmɨireme nepɨwa'enie menetsinanaimatɨ mɨpaɨ meputiyuane: «Naitsarie marika puxuawe». Hipatɨta mɨpaɨ mekaniutiyuaneni: «Xekeneutaxaneta. Hikɨmɨtɨka tepitaxaneta». Nehamikutsixitɨtɨ yamekatena'eriwani nemekawenikɨ. Meta mɨpaɨ mekaniutiyuaneni: «Tepiwiniya. 'Anake tekane'iwakuni tekatenekapitɨakuni».

Temaiwawemete 25:23

Tayetatsie 'eka mayeneika wiyeri kani'atɨwani, yutenikɨ 'axamemutiyuane teɨteri xeikɨa mekaniwahaxɨatɨaka.

Temaiwawemete 25:18

Kemɨ'ane 'itsɨkame hɨxie mɨtikuxata ti'itawatɨ yuhepaɨ tewi hepaɨtsita, mɨkɨ 'ixipara meta titsuname meta 'ɨrɨ manuyemɨtsɨ hepaɨ kani'aneni.

Temaiwawemete 19:28

Kemɨ'ane 'uniereme yuxatatɨ mɨtiku'itawa mɨkɨ tita mɨtiheitserie kaninanaimaka, 'axatiyuruwame teta kanayeneikani tita 'axamɨti'ane xeikɨa.

Temaiwawemete 17:4

'Axatiyuruwame yuhepaɨ 'axatiyuruwame kani'enieka, mɨti'itawa yuhepaɨ mɨti'itawa kani'enieka.

Temaiwawemete 12:17

Kemɨ'ane yurikɨ munierixɨ mɨkɨ heitseriemekɨ katinikuxatani, matsi kemɨ'ane mɨka'unierixɨ mɨkɨ 'itarikakɨ pɨtikuxata xeikɨa.

Nɨawari 120:3

Xeme xemɨte'itawa, Kakaɨyari 'uxa'atɨni waɨkawa xehetsie pɨrahɨani.

Nɨawari 27:12

Pepɨkanetsiyetuayani memɨnetsi'aye'unie nehetsie memɨye'axɨanikɨ, nehepaɨtsita menetsi'itatɨ mekananuku'uni menetsinanaimakutɨ xeikɨa mekanenanutate'ani.

2 Tsamuheri 19:27

meta ti'aitame 'ahɨxie 'axakanetinikuxatani xeikɨa kenemɨka'utayɨ. Matsi 'ekɨ ti'aitame niuki tuayame Kakaɨyari hetsɨa mieme hepaɨ pekani'aneni pekaniyɨweni yapemɨtiuyurieni nehetsie kemɨmatinake.

2 Tsamuheri 16:3

Hikɨ ti'aitame mɨpaɨ katinita'iwawiya: —¿Hakewari mati'aitɨwame teukarieya? Tsiwaha mɨpaɨ katinita'eiya: —Kerutsareme peyuhayewaxɨ. Mɨkɨ mɨpaɨ hikɨ katiniku'eriwani kename 'ixaheritsixi ti'aitamekɨ me'itahɨawe teukarieya mɨti'aitakaikɨ.

Memeyekɨ 23:7

»Xeime tewi pepɨkaxanetani 'itarikakɨ. »Pepɨkawatakukuyani teɨteri 'atsimemɨkateyurie yamemɨtekahu, ne kemɨ'ane hetsie mɨrahɨiwa 'atsikatiyuruwame nepɨkahayeitɨa.

Wani 7:51

—Ta'inɨari niukiyarikɨ tepɨka'enutahɨani tewi xɨka meri teka'i'enieni kemutaine, xɨka teka'imaika kemɨtiyuriene.

Tsutɨarika 39:17

Kepauka kɨnaya munua, yaxeikɨa kaniutayɨni: «Hepɨrayu tewiyari pemɨ'atɨa nehamatɨa puhuimɨkɨkai.

Temaiwawemete 14:5

Kemɨ'ane munierixɨ mɨkɨ yurikɨ pɨtikuxata 'itsɨkame hɨxie yapɨtayɨni, matsi mɨti'itawa 'itsɨkame hɨxie yuri pɨkatikuxata yakɨ xeikɨa putaineni.