Memeyekɨ 22:28 - Kakaɨyari Niukieya

²⁸ »'Axapepɨka'utaineni Kakaɨyari hepaɨtsita, meta 'axapepɨkarenutahɨaweni teɨteri wahetsiemieme manuyeka.

Memeyekɨ 22:28 ပူးပေါင်းရင်းမြစ်များ

Nɨ'ariekate 23:5

Papuru mɨpaɨ kaniutayɨni: —Ne'iwama, 'atsinepɨkatimaikai mawari wewiwamete tiwa'aitɨwame hɨkɨtɨme nepɨka'eriekai. 'Ayumieme mɨpaɨ pɨre'uxa: “'Axapepɨkarenutahɨaweni teɨteri wahetsiemieme manuyeka”.

Ti'ɨkitame 10:20

Ti'aitame 'axapepɨkatikumamateni meta 'axapepɨkatiku'eriyani, meta mɨxiku 'awie 'axapepɨkarahɨaweni, wikixi muyuawitsie miemete mekaniyɨwaweni niuki memenɨtɨkirienikɨ. Mekaniu'anani mekaniyɨwaweni memɨte'itaxatɨanikɨ.

Kura 1:8

Peru hikɨ miemeteta yaxeikɨa mekani'aneneni, kememɨteheinɨtsa mekanitsewiximaka yuwaiyari, mekanixani'erieka kemɨ'ane ti'aitame mɨhɨkɨ, mekaniwatsewiximaka mamariwawemete 'axame'utiyuatɨ wahepaɨtsita.

2 Pekuru 2:10

Mɨkɨ matsi pɨwakema, mɨkɨ 'amemu'uwa yuwaiyaritsie metewiyatɨ, mete'ukahiwe'erietɨ memɨtsewiximarienikɨ, me'ixani'erietɨ kemɨ'ane ti'aitame mɨhɨkɨ. Mɨkɨri mepɨkayukweriwayurie, matsi yuhetsiemieme xeikɨa mepɨyutatua, mepɨkamama tsepa memɨwatsewixima mamariwawemete 'axame'utiyuatɨ.

Memeyekɨ 21:17

»Kemɨ'ane yupaapa yatɨni yumaama yuniukikɨ 'axa'aneme 'ipitɨani, mɨkɨ ke'umierieni.

1 Pekuru 2:17

Waɨkawamekɨ 'aixɨa xeketeniwaxeiyani yuxexuime: xekeniwanaki'erieka 'iwamarixi, Kakaɨyari xekenayemakaxeni, kwiepa ti'aitame mariwemekɨ 'aixɨa xeketenexeiyani.

Nɨ'ariekate 23:3

Hikɨ Papuru mɨpaɨ katinitahɨawe: —Kakaɨyari 'ekɨta pɨmatsiwani, yakɨ xeikɨa pepɨti'aitame. 'Ekɨ 'apekanakani 'aitsika kemɨkahaine peti'aitatɨ nemukuweiyaxɨanikɨ.

Nɨawari 138:1

Yawé, ne ne'iyarikɨ nepɨmetsinɨawani, meta nepɨkwikani nɨawari 'ahetsiemieme kakaɨyarixi wahɨxie.

Nɨawari 32:6

'Ayumieme 'ahetsiemieme 'aixɨa memɨteyurie mepɨmatsihahɨawe, kepauka memu'uximatɨarie, tsepa haa 'amuparixɨ mɨkɨ wahetsɨa pɨkaheuti'ani.

1 Tsamuheri 26:9

Hikɨ Rawiri 'Awitsahi mɨpaɨ katiniutahɨawe: —Pepɨka'ikumemiwani, Yawé pɨka'ihayewa matsi pi'uximatɨani kemɨ'ane menayexei mɨmieni.

1 Tsamuheri 24:10

'Ekɨtsɨ pekatinetimani meta pekaniuniere hikɨ kemɨtiuyuri Yawé 'uwa terɨta. Ne neteɨterima mepɨnetsi'iniekai temɨmatsimienikɨ, peru ne nepɨkanewaɨri nemɨmatsimienikɨ, mɨpaɨ pɨta nepainekai: “Ne nepɨkanewaɨriya ti'aitame 'axanemɨyurienikɨ, mɨkɨ Yawé menayexei kanihɨkɨtɨni”.

1 Tsamuheri 24:6

'ayumieme yukuyaxima mɨpaɨ katiniwarutahɨawe: —Yawé 'aixɨa kenetsiyurieka para ti'aitame 'axanemɨkayurienikɨ xeme kemɨxetinake, ne hetsiena 'axanepɨkatiyurieni, mɨkɨ Yawé menayexei kanihɨkɨtɨni.

Mawari 24:16

Yaxeikɨata, kemɨ'ane Yawé kemɨtitewakɨ mɨtaterɨwa yuhepaɨ tewi 'axatitahɨaweke kanimieriemɨkɨ. Memuyutixexeɨriwa yunaitɨ mekanitituaxixɨakuni. Tsepanetɨ 'ateewa mɨkiekame yatɨni mana munuiwame, xɨka Yawé 'utaterɨwa yuhepaɨ tewi hepaɨtsita 'axatayɨnike. Mɨkɨ kanimieriemɨkɨ.

Mawari 24:11

Matsi 'ukaratsi 'ixaheri tewiyari nu'aya, 'axatayɨnike, Yawé 'utaterɨwatɨ hepaɨtsitana 'axakaniutayɨni, hikɨ Muitsexi hetsɨa mekaneihana. (Maamaya Tserumiti katinitewakaitɨni Riwɨri niweya, Rani nuiwarieyatɨtɨ).

Mawari 24:15

Mɨpaɨ 'ixaheritsixi ketiniwaretahɨawi: “Kemɨ'ane 'axamɨtayɨni yukakaɨyari hepaɨtsita, katinika'eniexɨmɨkɨ 'axakememɨtiuyurikɨ”.

2 Tsamuheri 16:5

Hikɨ kepauka Rawiri ti'aitame Wakurini munua, mana xewitɨ tewi kanayeneni Tsahuri nuiwarieyatɨtɨ, Tsimi titewatɨ Kera nu'aya. Mɨkɨ 'axatikɨhɨawetɨ kanitsutɨani,

2 Tsamuheri 16:9

'Awitsahi Tsariwiya nu'aya ti'aitame mɨpaɨ katiniutahɨawe: —¿Kehapaɨtɨtɨ 'ikɨ tsɨkɨ mɨmɨki puyuwaɨriya 'axamɨmatikɨhɨawe neti'aitɨwame? Keneneupitɨa nemɨmiekɨ mu'uya nemanutixitenikɨ.

2 Tsamuheri 19:21

Peru 'Awitsahi Tsariwiya nu'aya mɨpaɨ kaniutayɨni: —Tsimi, kemɨ'ane Yawé manayexei hepaɨtsita 'axakaniutayɨni, 'ayumieme peuyewetse mɨkɨ mɨmierienikɨ.

1 Te'aitamete 21:10

Mɨkɨ hetsiemiemeta yuhutame 'auriena xekeniwarutiyatsa kemɨ'ane memɨka'uyukatetewiya, mɨpaɨ memɨtiyuanikɨ kename mɨkɨ Kakaɨyari hepaɨtsita 'axa'utaine meta ti'aitame hepaɨtsita. 'Anari xekaniwayehanikuni tetexikɨ xekanitituaxixɨakuni xekanimiekuni».

Memeyekɨ 13:2

«Mepatsiekame keniwarayeitɨa matɨari memutinunuiwaxɨ. Nehetsɨa mekanimiemetetɨni yunaitɨ mexɨakate 'ixaheritsixi meta xetewama matɨari 'ukitsi memɨtinunuiwa».

Memeyekɨ 13:12

xekaniyetuiriekuni yunaime mexɨakate meta tewaxi waniwema matɨari miemete 'ukitsi, mɨkɨtsɨ Yawé hetsiemieme mekanihɨkɨtɨni.

Memeyekɨ 23:16

»'Itsanari 'ixɨarariyari pekaniwewimɨkɨ kepauka mexɨakame pemɨtikatɨni pemika'e. »Xepiwewienita 'ixɨarari naime kepauka xemɨteka'itsanatsie, mɨkɨ wiyari 'anayexɨximekaku.

Memeyekɨ 23:19

»Pepi'atɨani Yawé 'akakaɨyari tukita 'aixɨa mɨti'anene matɨari timieme mɨtitixuawere. »Tsipu nunutsi maamaya retsieyatsie xepɨka'i'etsani.