Memeyekɨ 22:23 - Kakaɨyari Niukieya

²³ xɨka 'ekɨ mɨpaɨ petiyurieneni meta 'ateɨterima, mɨkɨ parewiya xɨka menetsi'utawawirieni, yurikɨ ne nekanaineni nekaniwaranu'enimɨkɨ xɨka meha'aiwatɨkani:

Memeyekɨ 22:23 ပူးပေါင်းရင်းမြစ်များ

Rukaxi 18:7

¿Kakaɨyari matsi heitserie katiwapitɨani mɨkɨ mɨwaranayexei tukarikɨ tɨkarikɨ memihiwie? ¿'Areutere kawaparewimɨtɨ?

Nɨawari 18:6

Ne'uximatɨarietɨ Yawé nekaniutahɨawe, nekakaɨyari nekaniutahiwieni, mɨkɨ yutukita paitɨ kaneniu'enieni, nehiwari nakatana paitɨ katiniunake.

Kuwi 34:28

Hetsɨana paitɨ memiye'atɨakɨ tixaɨtɨ memɨkatehexeiya meta memɨteheuyehiwa wahiwari, hikɨ Kakaɨyari kani'enieni.

Hutarieka 'inɨari 15:9

Hawaikɨ yu'iyaritsie 'axa'aneme xepɨkapitɨaka, maye'aximekɨ 'atahuta wiyari, 'ana xemɨtewareuyehɨwiriwa memɨte'apitɨka wiyariyari, mɨpaɨ petiku'eriwatɨ 'a'iwa hepɨrayu tixaɨtɨ mɨkarexeiya pepɨkananaimaka. Nɨkatsɨ mɨkɨ, xe'utaxaneta Yawé hetsɨa, xeme xekatenayukatuakuni 'axaxemɨte'uyurikɨ.

Tsatiyaku 5:4

Xekeniwaru'eni memutihiwa xehepaɨtsita, xewaxata mete'uta'uximayataku xemɨkatewarupitɨa. Te'uximayatamete wahiwari Ti'aitame Naimekɨmɨtɨrɨkaɨye kaniu'enieni.

Kuwi 35:9

»Yunaitɨ teɨteri meputihiwa 'axamɨti'ane waɨkawa manutatekekɨ wahetsie, parewiya mepa'iwawa memɨxɨnarienikɨ mɨtɨrɨkaɨye muwananaimakɨ.

Nɨawari 145:19

Pɨraye'atɨwa kememɨtehehɨawe meteheuyehɨatɨ memeyemakaxe, wahiwari 'aiwariyari 'enietɨ yapɨtikamie meta puwawikweitsitɨa.

Nɨawari 140:12

Ne mɨpaɨ nepɨtimate Yawé teɨteri 'aixɨa memɨte'u'uwa meta tixaɨtɨ memɨkatehexeiya puwaparewie, meta wahetsie punua heitserie kememɨtehexeiya.

Hutarieka 'inɨari 24:15

Tukarikɨ yaxepɨtewakupitɨwani kepauka memɨte'uximayaka, tau ka'akayuniwekaku 'akuxi, tixaɨtɨ memɨkatehexeiyakɨ, mɨkɨ tumini meuyehɨwakɨ. Mexɨka mɨpaɨ xekate'uyurieni, mɨkɨ Yawé mekanitahɨawikuni xehetsiemieme hikɨ xeme 'axaxepɨ'itɨarieni.

Memeyekɨ 22:27

Mɨkɨ yu'ɨkari xeime xeikɨa mexeiyakɨ tawarita pɨkaheixeiya xeime hetsiena mahuni. Xɨka netsi'utawawirieni parewiya, ne nepiparewieni kemaineni, ne Kakaɨyari nemɨtinekanenimaya nemɨhɨkɨkɨ.

Hutarieka 'inɨari 10:18

Mɨkɨri nutuite meta wiuraxi wahetsie nunuwame kanihɨkɨtɨni, ku'uwamete kaniwanaki'eriekata kemarite meta 'ikwaitɨarika tiwayetuiriwatɨ.

Nɨawari 10:14

'Ekɨ pepɨniere ketemɨte'uximatɨarie meta ketemɨtenanaimarie, 'ekɨ pepɨkaratɨmaiya 'aixɨa pepɨtiyurieni mɨkɨ hepaɨtsita. Mɨyamemɨte'anuyehu matsi 'ahetsie mekaneuwaɨreni, 'ekɨ pepɨhɨkɨ nutuite waparewiwame.

Nɨawari 68:5

Nutuite wa'ukiyari, wiuraxi wahetsie nunuwame Kakaɨyari kanihɨkɨtɨni yutuki mupatsieta 'ayekaitɨ.

Hiwerika 5:3

Tepɨkatehekapaapari, nutuite teputahayewaxɨ, tamaamama wiuraxi mepuyuhayewaxɨ.