Memeyekɨ 22:22 - Kakaɨyari Niukieya

²² »Pepɨkatiwa'aitɨaka kwinimieme wiuraxi meta nutuite,

Memeyekɨ 22:22 ပူးပေါင်းရင်းမြစ်များ

Kitsariyaxi 1:17

'Aixɨa mɨti'ane pɨta xeketenemaika. Mɨtiheitserie xekeneutiwawa, mɨtiuyukananaima xekeneutati'a. Nutui hetsiemieme xekeneutaniu meta wiura hetsie xekenenuaka».

Hutarieka 'inɨari 24:17

»Heitserie kemɨrexeiya 'ateewa kiekame meta nutui, meta wiura 'ɨkarieya yupiini xepɨkatehayeitɨwani.

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Tsatiyaku 1:27

Matsi xɨka rayexeiyani 'itiyatɨ meta hetsiena karahɨiwakaku Kakaɨyari mɨta'ukiyari kemɨtixeiya, mɨpaɨ pɨta kaniyɨanemɨkɨ: nutuite kaniwanenimayakamɨkɨ meta wiuraxi kememɨte'uximatɨarie kaniwaparewiekamɨkɨ, meta yukweriwayurietɨ tita kwiepa mɨtimieme hepaɨtsita.

Tsakariyaxi 7:10

Xepɨkawananaimaka wiuraxi meta nutuite, meta 'ateewa kiekatari metatsiere tixaɨtɨ memɨkateheuxeiya. 'Axamɨti'ane xepɨkawewieka yu'iyaritsie hipame wahetsiemieme”.

'Etsekieri 22:7

Mana kiekatari yupaapama tixaɨtɨ mepɨkatewa'erie meta yumaamama, 'ateewa kiekatari mepɨtewa'uximayatsitɨa, nutuite meta wiuraxi mepɨwananaima.

Kitsariyaxi 10:2

Tixaɨ memɨkatehexeiya wahetsie heitserie kememɨtehexeiya memukunama, meta kemɨtiheitserie memɨkawapitɨa neteɨterima memɨte'uka'eniwa. Wiuraxi wa'ikwai mepɨtewanawairie meta nutuite mepɨwanawatɨwe.

Hutarieka 'inɨari 27:19

“'Axake'u'itɨarieni kemɨ'ane timaitɨtɨtɨ heitserie kememɨtehexeiya mɨwananaimaka 'ateewa kiekatari, nutuite meta wiuraxi”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Hutarieka 'inɨari 10:18

Mɨkɨri nutuite meta wiuraxi wahetsie nunuwame kanihɨkɨtɨni, ku'uwamete kaniwanaki'eriekata kemarite meta 'ikwaitɨarika tiwayetuiriwatɨ.

Hutarieka 'inɨari 24:18

Xekena'eriwani 'Ekipitu waɨriyarika te'uximayatamete kexemɨtehɨkɨtɨkai, meta Yawé xekakaɨyari mana kemɨtixehayewitɨ. 'Ayumieme nepɨxe'aitɨa heitseriemekɨ yaxemɨteyuriekakɨ.

Kuwi 31:16

»Hatsuaku nepɨkatiuhayewaxɨ memɨteheuyehɨwa wa'iwaurika ne'enietɨ, meta wiuraxi nepɨkawaruhayewaxɨ mekwiximeme,

Temaiwawemete 23:10

Pepɨka'ikupatani kwie 'inɨariyari meripaitɨ miemete kemɨtiu'inɨatsie, tɨɨri nutuite wakwie pepɨkawanawairieka,

Temaiwawemete 23:11

matsi waɨkawa kanitɨrɨkaɨyeni wahetsie nunuwame, mɨkɨ wahetsie kanitanuamɨkɨ pemɨkawatsewiximanikɨ.

Keremiyaxi 7:6

xɨka teewatanaka xekananaimaka meta nutui metatsiere wiura, xɨka xekawakwika teɨteri 'atsimemɨkateyurie 'ikɨ kwieyaritsie, hipame xɨka kakaɨyarixi xekakawarayexeiyani, kɨmana xeme 'axaxemuyuyurieni,

Keremiyaxi 7:7

hikɨ 'ana nepɨxepitɨani xemu'uwanikɨ 'ikɨ kwieyaritsie, kwie xe'ukiyarima nemɨwayetuiritsie yuheyemekɨ.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Hutarieka 'inɨari 15:9

Hawaikɨ yu'iyaritsie 'axa'aneme xepɨkapitɨaka, maye'aximekɨ 'atahuta wiyari, 'ana xemɨtewareuyehɨwiriwa memɨte'apitɨka wiyariyari, mɨpaɨ petiku'eriwatɨ 'a'iwa hepɨrayu tixaɨtɨ mɨkarexeiya pepɨkananaimaka. Nɨkatsɨ mɨkɨ, xe'utaxaneta Yawé hetsɨa, xeme xekatenayukatuakuni 'axaxemɨte'uyurikɨ.

Kuwi 34:28

Hetsɨana paitɨ memiye'atɨakɨ tixaɨtɨ memɨkatehexeiya meta memɨteheuyehiwa wahiwari, hikɨ Kakaɨyari kani'enieni.

Nɨawari 10:14

'Ekɨ pepɨniere ketemɨte'uximatɨarie meta ketemɨtenanaimarie, 'ekɨ pepɨkaratɨmaiya 'aixɨa pepɨtiyurieni mɨkɨ hepaɨtsita. Mɨyamemɨte'anuyehu matsi 'ahetsie mekaneuwaɨreni, 'ekɨ pepɨhɨkɨ nutuite waparewiwame.

Nɨawari 34:7

Yawé niuki tuayameya tihɨweme kaneyenɨ'awani memeyexeiya mɨwa'ɨwiyanikɨ, wa'aurie kaniuyeikani waparewienike.

Temaiwawemete 22:23

Yawé tixaɨtɨ mɨkarexeiya hetsie kanitanuamɨkɨ, kemɨ'ane naime mɨtinawairieni mɨkɨta naime pɨtinawaiyarieni.