Memeyekɨ 22:17 - Kakaɨyari Niukieya

¹⁷ 'Ɨimari paapaya xɨka ka'itaunieka menuwitɨnikɨ, 'uki pɨrayukatuani 'ɨimari mɨkamayɨiya kemɨraye'axe.

Memeyekɨ 22:17 ပူးပေါင်းရင်းမြစ်များ

Tsutɨarika 34:12

Xepɨyɨwawe tita xemɨnete'utawawirieni kɨmana, meta 'imikieri nemɨtixeminikɨ, peru yemekɨ xekeneneupitɨa 'uka ne nemɨtiwitɨnikɨ.

1 Tsamuheri 18:25

matsi Tsahuri mɨpaɨ katiniwarutahɨawe: —Rawiri mɨpaɨ xeketenetahɨawi: “Ne neniwekɨ tixaɨtɨ nepɨkareuyehɨwa mɨnetiyetuirienikɨ hetsiena mieme. Ne 'inɨari pɨta neneuyehɨaka piritsiteutsixi waxieyame mɨnetsi'atɨirienikɨ, xeitsienituyari kename warekwi. Mɨkɨ nepɨtiwarakapitɨani kememɨnetsi'uyuri”. Matsi Tsahuri pinakekai yuheyemekɨ Rawiri piritsiteutsixi memimienikɨ.

Hutarieka 'inɨari 22:29

'uki 'uka 'ukiyarieya pɨrakapitɨani huta tewiyari heimana tamamata pɨrata tuminiyarikɨ, meta 'uka pɨtiwitɨni mikumayɨakɨri. Mɨkɨ hatsuaku pɨkayɨweni miku'eirieni.

Tsutɨarika 23:16

'Apɨrahami 'Epuruni matɨa 'aixɨa mekateniuxata, hikɨ hetitsixi wahɨxie katinayukatuani kemɨtiheitserie: nauka tsienituyari pɨrata tuminiyarikɨ, tumini waɨkawa mɨti'axe hepaɨ katininaneni tetuayamete wahepaɨ.

Tsutɨarika 30:20

Reya mɨpaɨ kaniutayɨni: «Kakaɨyari 'aixɨa pɨnetsi'uyuri 'aixɨa ti'aneme pɨnetiumi, hikɨri nekɨna 'aixɨa pɨnetixeiyani, 'ataxewirieka nunutsi temayexeikɨ». 'Ayumieme Tsawuruni pɨtiterɨwaxɨ.

Mawari 20:6

»Yaxeikɨata tsiere nepɨwaraye'unieka kemɨ'ane mɨkite wahamatɨa memɨtekuxata meta hipame 'iyarite memɨwakɨhɨawe wahetsɨa memɨkɨnetɨwe wahepaɨtsita meta mewaranukuweiyame 'iyarite wahamatɨa memukahini hepaɨ mekaniyɨakakuni. Teɨterimama watsata nekaniwarayeweiyamɨkɨ.

Hutarieka 'inɨari 18:10

Xeme nixewitɨ pɨkawamawaneni yuniwema 'ukitsi meta 'ukari taipa, meta mɨretimamatekenikɨ pepɨkahe'ayeitɨwani, mɨtiyukewaiyanikɨ yatɨni 'awie mɨtiuyemate,

1 Tsamuheri 28:3

Merikɨte kepauka Tsamuheri mumɨ, 'ixaheritsixi yunaitɨ mepɨyuheiwerietɨkatei hetsiena mieme, Xamatsie menikateuku mana mɨkiekarieyatɨkaikɨ. Tsahuri mɨkɨ kwieyaritsie, memɨtemaikai mɨkite wahamatɨa memɨtekuxata meta memɨteyukewaiya kaniwarayeweiyaxɨakaitɨni.