Memeyekɨ 20:5 - Kakaɨyari Niukieya

⁵ Mɨkɨ wahɨxie pepɨkatitunumakekani, pepɨkawarayexeiyani. Ne, Yawé 'akakaɨyari nemɨtiyukakwerie nekanihɨkɨtɨni. Kepauka wapaapama 'axamemɨte'u'iyari kepauka memɨnetsixani'erie, ne waniwema nepɨwa'uximatɨa, wateukarima, watutsima meta mɨkɨ waniwema.

Memeyekɨ 20:5 ပူးပေါင်းရင်းမြစ်များ

'Inɨatsie 14:18

Yawé kename pekahayu'eriya matsi waɨkawa peti'akanaki'erie meta xeniu pereuyehɨwirieni 'axamɨti'ane meta kemɨ'ane matsi'uku'eiri, peru matsi kemɨ'ane 'axamɨtiuyuri pepɨtikwinitɨani meta niwemamatsie, teukarimamatsie, tutsimamatsie, meta mɨkɨ waniwema wahetsiepaitɨ.

Hutarieka 'inɨari 5:9

Mɨkɨ wahetɨa pepɨka'utitunumakiekani meta pepɨkawarayexeiyani. Ne, Yawé 'akakaɨyari nemɨ'ɨtetsa nekanihɨkɨtɨni. Kepauka hipatɨ 'axamemɨte'u'iyari, kepauka memɨnetsixani'erie, ne waniwema, wateukarima meta watutsima paitɨ 'uximatɨarika nekaniwakupitɨwani.

Hutarieka 'inɨari 4:24

karikɨ Yawé xekakaɨyari tai hepaɨ kani'aneni mɨtiyuxɨxɨtsitɨwa meta Kakaɨyari mɨ'ɨtetsa kanihɨkɨtɨni.

Memeyekɨ 34:14

Hipame kakaɨyarixi pepɨkawarayexeiyani, ne Yawé nekani'ɨtetsaka. Kakaɨyari mɨ'ɨtetsa katinitewaka.

Kutsuhexi 24:19

Hikɨ Kutsuhexi mɨpaɨ katiniwarutahɨawe: ―Xeme xepɨkayɨwawe Yawé xemɨte'uximayatsirieka, mɨkɨ Kakaɨyari kanihɨkɨtɨni mɨpatsie meta Kakaɨyari mɨ'ɨtetsa. Pɨkatixeheuyehɨwirieni kepauka xe'eye'unietɨ xemakɨne meta kepauka 'axaxemɨteyurieni.

Nɨawari 109:14

Yawé, kena'eriwani paapaya ke'axamɨtiuyuri, meta maamaya kemɨtiuyuri.

Kutsuhexi 23:7

Xepɨka yuxewiriyani 'ena nuiwarite memuxuawe wahamatɨa. Wakakaɨyarixi xepɨkawarayexeiyani wahetsie xepɨkatewiyani meta wahetsiemieme xepɨkateyuhɨritɨaka.

Hutarieka 'inɨari 6:15

Yawé 'akakaɨyari 'ahamatɨa kaniuyeikani, Kakaɨyari mɨ'ɨtetsa kanihɨkɨtɨni, kapa waɨkawa 'uyeha'anikɨ 'ahepaɨtsita, nɨka 'ena kwiepa metsi'akuyeitɨani.

Nahumi 1:2

Yawé Kakaɨyari mɨtiuyukakwerie kanihɨkɨtɨni meta mɨyɨkɨhɨpa. Yawé mɨyɨkɨhɨpa, Ti'aitame mayu'eriya. Yawé pɨtiwarakapitɨwa kemɨ'ane memeye'unie, mɨwaraye'unie wahepaɨtsita pɨkayuhaxɨapitɨarinɨa.

Keremiyaxi 32:18

'Anaki'eriya heitserie pumatsiɨkɨ meyuwaɨkawame wahetsie, peru meta waniwema 'ukitsi pepɨtiwakwinitɨa wa'ukiyarima 'axamete'uyurieku. Kakaɨyari pemɨmariwe pemɨtɨrɨkaɨye, Yawé Naimekɨmɨtɨrɨkaɨye pemɨtitewa.

'Inɨatsie 14:33

Huta tewiyari wiyari xeniwema 'ena makumawetsie mekaniu'uwakuni. 'Ikɨ mekatenanutɨkuni kexemɨkateheu'enana, yunaitɨ xe'akuxɨyuke.

Nɨawari 79:8

Meripaitɨ ke'axatemɨte'uyuri kenatɨmaiya, yapauka ketaneutinenimayata, neuxei tame tekaniyumuinani.

Memeyekɨ 23:24

»Mɨkɨ wakakaɨyarixima wahɨxie pepɨkahetihɨximakiekani. Nenewieri pepɨkawarepitɨaka kememɨtehehu, pepɨkaware'ɨkirieka. Matsi pɨta xekeniwareti'uniri wakakaɨyarixi meta watetexi mɨpatsietɨka xekenetitara.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Xumatari 8:7

Kemɨ'ane teɨteri wahepaɨ mɨtiyumate, mɨkɨ Kakaɨyari kani'uxieka. Yapɨkatikamie Kakaɨyari 'inɨarieyatsie, meta mɨpaɨ pɨkayɨwe.

Xumatari 1:30

'Awie niuki mekaniwewieka, mekaniniukixieka, Kakaɨyari mekani'uxieka, mekatenitawe'erieka naime, mekananuyehaitɨrɨweni, mekateniyukatawe'erieka, mekatenikuwautɨweni 'axakemɨtiuyurienikɨ, yupaapama mepɨkawa'enie.

Keremiyaxi 2:9

'Ayumieme, hikɨ 'akuxi hekwamekɨ nepɨxetaxaneta, metatsiere xeniwema waniwema wahetsie nepɨrahɨani, —Yawé mɨpaɨ kanaineni—.

Kitsariyaxi 44:19

Memɨtemaika meta memɨtemaiwaweni pɨwareuyehɨwa, mepɨkayu'iyaritɨa meta mɨpaɨ mɨtayɨni mepɨkayɨwawe: «Kɨye hixɨapa 'akamekɨ nepatinai, papa nekaniuta'ɨariya tɨɨtsie, wai ne'utawarɨkaka nepitakwai. ¿Kamɨtsɨ netiyɨwe tixaɨtɨ tixani'eriwame nemayeitɨani kɨyexi mana mɨtihekɨ? ¿Kɨye yatewime hɨxie netititunumakeni?»

Kitsariyaxi 44:15

Tewi tikwaxiyamekɨ kaneiyehɨaka, yapaɨmemekɨta kaniutikɨxeweni, 'atinaime papa kaniuta'ɨariyani. Metatsiere kɨmana kakaɨyaritɨme kaniutawewiwani hɨxiena kaniukatunumakekani, kakaɨyaritɨme tawewieme hɨxiena kanakatutsitani.

Nɨawari 81:15

Kemɨ'ane Yawé memɨxani'erie hɨxiena mepuyuyetuawawekai, meta yuheyemekɨ mekatenikwinitɨarienikekaitɨni.

Kuwi 5:4

Waniwema teewa me'u'uwatɨ mekawikweitsitɨarietɨ mekaniyuhayewakuni, mɨrayutixanetsiwatsie mekaninanaimarieka, xewitɨtɨma wahetsie pɨkatanuani.

2 Te'aitamete 23:26

Tsepa Kutsiyaxi mɨya mɨtiuyuriekai, Yawé yaxeikɨa pɨkatiuhayewaxɨ ha'atɨ Kura kwieyari hepaɨtsita, kwinimieme 'axamɨtiuyurikɨ Manatsexi mɨkɨkɨ kaniyehaxɨatɨakaitɨni.

2 Te'aitamete 17:35

Kepauka Yawé tɨratu muwewi 'ixaheritsixi wahamatɨa, mɨpaɨ katiniwarutahɨawe: «Hipame kakaɨyarixi xepɨkawarayexeiyani meta wahetɨa xepɨkatitunuma'uweni, xepɨkawarayexeiyani nimawari xepɨkawawewirieka.

1 Te'aitamete 21:29

«¿'Akawi petixeiya kehapaɨ mɨtiuhayewaxɨ 'axatiyurienetɨ? Tixaɨtɨ mɨkarayuyeitɨakɨ nehɨxie, 'ayumieme mɨpaɨ nepɨkatiyurieni nepɨka'i'uximatɨani, 'atsitake kepauka nu'aya ti'aitame mayanitsie 'ana mɨpaɨ nepɨtiyurieni».

2 Tsamuheri 21:6

'Ayumieme hikɨ 'atahutame Yawé menayexei Tsahuri nuiwarimama tepɨmatsiwawirie pemɨtatsiyetuirienikɨ, temɨwakawɨtɨanikɨ Yawé hɨxie Tsahuri manukatei Kiweya mɨrakutewatsie. Ti'aitame mɨpaɨ katiniwarutahɨawe: —Nekanixeyetuiriemɨkɨ.

2 Tsamuheri 21:1

Merikɨtsɨ Rawiri ti'aitakaku haaka kaniutaweni haika wiyari. Rawiri Yawé kaniutahɨawe miparewienikɨ, mɨpaɨ Yawé katinita'eiya: «Tsahuri meta nuiwarimama puwanakekai hipame waxuriya memɨtayeurienikɨ, mɨkɨ kawahunitari mepɨwarukwi, 'ayumieme haka kanixuaweni».

Hutarieka 'inɨari 32:21

Mepɨnetsi'uyehaxɨatɨa kemɨ'ane yuri mɨkakakaɨyarikɨ, nepuyeha'a hipame kakaɨyarixi memɨwarayexeiyakaikɨ. Neta yaxeikɨa nepɨwayurieni nepɨwayehaxɨatɨani kemɨ'ane memɨkaneteɨterima wahekɨ, nepɨwayehaxɨatɨani teɨteri 'axamemɨte'u'iyari wahekɨ.

Hutarieka 'inɨari 7:10

matsi kemɨ'ane memixani'erie puwaka'una 'apɨkareutere mɨtiwarakapitɨanikɨ.

Mawari 26:29

meta yuniwema 'ukitsi 'ukari wawaiyari xekanitikwaikuni.

Mawari 26:1

»Kakaɨyarixi xepɨkawawewieka, meta tetexi patsietɨkaime meta tixaɨtɨmexi wa'ɨkiya xepɨkati'uitɨwani. Yukwiepa xepɨkawati'uitɨwani tetexikɨ metewewiyatɨkaime meta wahetɨa xepɨkatihɨxima'uweni. Ne Yawé xekakaɨyari nekanihɨkɨtɨni.

Mawari 20:5

ne mɨkɨ nepaye'unieka meta tɨɨriyamama, meta nepeyeweiya teɨterimama watsata meta yunaime teɨteri Muruki hamatɨana memukahini hepaɨ memɨyɨ me'eyexeiyatɨ.

1 Kurinitutari 10:22

¿Nutsɨ Ti'aitame tepɨyehaxɨatɨani? ¿Kamɨtsɨ tame waɨkawa tetetɨrɨkawi, Ti'aitame tahepaɨ katitɨrɨkaɨyekaku?

Wani 15:18

»Xɨka kwiepa memɨtama mexe'uxiwe'erieka, yaxeketenemaika, memɨnetsi'uta'uxikɨ ne meri.

Wani 7:7

Kwiepa memɨtama mepɨkayɨwawe memɨxe'uxiwe'erieka, nepɨta mekaneni'uxiwe'erieka wahepaɨtsita nemɨtihekɨatakɨ, tita kememɨteyurie 'axapɨ'ane nemutainekɨ.

Mateu 4:9

Mɨpaɨ tikuhɨawetɨ: ―'Ikɨ naime nepɨmatsiyetuirieni, xɨka pe'awaɨriyani pemɨnetsi'ayexeiyanikɨ.

Tanieri 1:2

Ti'aitame muyuawitsie makawe, Nawukurunutsuxi kaniupitɨani Kuhatsimi ma'iwakɨ meta miwiyakɨ. He'iwaka, Kakaɨyari tukieyata timieme piinite katinepinita yatipaɨmeme, Nawukurunutsuxi Wawiruniyatsie katinetɨni, mana yukakaɨyarixi watukita katineutapini.

'Etsekieri 8:3

Mɨkɨ tewi hepaɨ mɨ'anekai mamá hepaɨ 'anekame kaniutatsera, nekɨpatsie kanikawiere. Hikɨ 'eka kwinietewa kaneniuyewieni, kanenehana Kerutsareme yeta Kakaɨyari mɨnetixeitsitɨanikɨ, 'upaitɨ 'itupari meuwietsie kaneni'atɨani, mana kakaɨyari mɨwewiya manuwe Kakaɨyari mɨ'ɨtetsaiya.

Temaiwawemete 8:36

Kemɨ'ane mɨkanetsitanaki'erieni, mɨkɨ yɨkɨmana kaniyutsewiximamɨkɨ, kemɨ'ane mɨnetsitixani'erieni, mɨkɨ mɨɨya pɨta kaninaki'erieka».

Nɨawari 78:58

Mekaniyehaxɨatɨani tukite 'etsimupepe memutiwewikɨ, mamakɨ wewiyakate memuwarayexeiyakaikɨ.

Kuwi 21:19

Mɨpaɨ xepɨnetetahɨawe kename Kakaɨyari tiuti'utaxɨ yamɨtiwarakapitɨanikɨ 'axamemɨteyurie waniwema wahetsiemieme. Matsi kemɨ'ane 'axamɨtiuyuri kerakapitɨani, mɨkɨ yamɨretimanikɨ.

2 Kemɨtiuyɨ 25:14

Kepauka 'Amatsiyaxi makunua 'erumitsixi wara'iwaka, Tsehixi kiekatari wakakaɨyarixi kaniwaretɨni, yukakaɨyarixi kaniwarayeitɨani, warayexeiyatɨ kanayani meta 'ɨkwa watairietɨ.

2 Te'aitamete 17:41

Mɨkɨ teɨteri Yawé mekanayexeiyakaitɨni, peru mekaniwarayexeiyakaitɨnita yukakaɨyarixi. Hikɨtɨtɨ 'akuxi yaxeikɨa mekane'aneni waniwema wanuiwari hetsiemiemete, wa'ukiyarima kememɨteyuriekai meripaitɨ wahepaɨ mekateniyurieka.

'Itsɨkate 2:19

Peru kepauka mɨkɨ mɨtiwa'aitɨa mumɨni, mɨkɨ tawarita matsi 'axameteyurietɨ mekanakɨkakaitɨni watutsima ke'axamemɨkate'uyuri, hipame kakaɨyarixi mekaniwarayexeiyakaitɨni wahɨxie mekanikatunuma'uwekaitɨni. Mɨpaɨ meyɨatɨ mepɨkayuwaɨriyakai memɨtehayewa 'axamɨti'ane memɨte'uweiyakai meta ke'axamemɨte'u'iyarikai.

Kutsuhexi 23:16

Xɨka xekaheye'atɨani Yawé yukakaɨyari tɨratuya kemɨtixeyetuiri, xɨka hipame pɨta kakaɨyarixi xewarayexeiyatɨ xehakɨne, mɨpaɨ yurikɨ xeketenemaika, Yawé haxɨaya xehetsie kaninuamɨkɨ, xekanakumaweriyariekuni kwie 'aixɨa mɨ'ane Yawé mɨxeyetuiritsie».

Hutarieka 'inɨari 32:41

kepauka ne'ixipara mɨxawatɨ nematamɨa tukari 'aye'aku nepenukukwei, nemɨtiwarakapitɨanikɨ memɨnetsi'aye'unie meta memɨnetsiheka wahepaɨtsita kemɨtiheitserie.

Wani 9:2

Teyɨ'ɨkitɨwametemama mɨpaɨ mekatenita'iwawiya: —Ti'ɨkitame, ¿kepaikɨ 'axapɨtiuyuri, 'ikɨ 'axatiuyuri, paapamama nutsu 'axamepɨte'uyuri, kaheunieretɨ mutinuiwaxɨkɨ?

Hutarieka 'inɨari 5:10

Matsi, kepauka xemɨnetsinaki'erie meta kepauka ne'aitsika xemaye'atɨa, 'ana nenaki'eriya matsiɨkɨme nepayeitɨwa xeimiriyari xeniwema nuiwariyari wahetsie.

1 Te'aitamete 19:10

Mɨpaɨ katinitahɨawe 'Eriyaxi: —Ne nepɨmatsinaki'erie waɨkawa yemekɨ, Yawé Kakaɨyari Naimekɨmɨtɨrɨkaɨye pemɨhɨkɨ. 'Ixaheritsixi mekaniku'eirieni 'atɨratu, mawari taiyame 'ahetsɨa mieme mekaniuti'una, meta 'ahetsɨa miemete 'aniukamete mekaniwarukwini 'ixiparakɨ. Ne xeikɨari nekaniuyeikani nexaɨtame, hikɨta ne mekaneniwautɨweni menetsimienike.

'Etsekieri 18:19

»Peru xeme mɨpaɨ xepɨte'u'iwawa: “¿Titayari raniwe pɨta 'axakemɨtiuyuri karanukutɨkɨ?” Mɨkɨ xeniwe 'aixɨa mɨtiuka'iyarikaikɨ heitserie mexeiyakaikɨ, ne'aitsika kananu'enieni meta yakatinikayani. Mɨkɨ temaikɨ 'amuyeikanikɨ kanipitɨarieka.

'Etsekieri 20:7

Yuxexuime mɨpaɨ nepɨtiwaretahɨawixɨ, yukakaɨyarixi memɨxani'eriwa mekewarexɨrienike kwinie memɨtewanaki'erie, meta kakaɨyarixi memɨkawarayexeiyanikɨ 'Ekipitu miemete, ne Yawé xekakaɨyari nemɨhɨkɨkɨ.

'Etsekieri 39:25

»'Ayumieme Yawé naimekɨmɨyɨwe mɨpaɨ kanaineni: Hikɨta yanekatiniyurimɨkɨ memakunuaxɨanikɨ Kakuwu nuiwarimama. Nekaniwatinenimayatamɨkɨ 'ixaheritsixi teɨteriyari yunaime, 'ana yunaitɨ 'aixɨa mepɨnetexeiyani kenemɨtipatsiekɨ.

'Inɨatsie 25:11

«Pinexi, 'Eriyatsaxi nu'aya meta 'Aruni teukarieya, mɨkɨ katiniuyurieni nehaxɨa manukanuitɨa, ne newakwerietɨ kenemɨrehɨawekai mɨpaɨ katiniuyurieni. 'Ayumieme ne'ɨtetsarikakɨ 'ixaheritsixi nepɨkawaruka'unaxɨ.

2 Te'aitamete 5:18

Kepauka mana neti'aitɨwame, Ximuni tukieyata yukakaɨyari meuhɨawimie nemamatsie 'ana kaniyukɨtɨrɨkariyani, ne mɨpaɨ nepɨtimaika waɨriyarika pɨnetsipitɨaka nemakatutsirekɨ, 'ayumieme Yawé mɨpaɨ nepɨrahɨawe kenereuyehɨwirieka mɨkɨ tukita nemɨtitunumakenikɨ.

2 Te'aitamete 5:27

Hikɨ Nahamani nawi kwiniyayari mexeiyakai pehexeiyatɨ pekanayeimɨkɨ meta yunaitɨ 'anuiwarite wahetsie katininakimɨkɨ yuheyemekɨ. Hikɨ Kihetsi 'amɨranuyetɨa 'Eritseu hɨxie, peixeiyakai nawi kwiniyayari 'ɨwi mutuxa hepaɨ peu'anekai.

2 Kemɨtiuyɨ 7:19

»Peru xɨka xeme xenetsi'uku'eirieni, xɨka yaxekatekakɨne ne'aitsikatetsie meta ne'inɨari niukiyaritsie nemɨxeyetuiri, xɨka xenetsi'uku'eirieni hipame pɨta kakaɨyarixi xemɨtewata'uximayatsirienikɨ meta xemɨwarayexeiyanikɨ,

'Etsekieri 18:2

«¿Titayari kwi meteheixataku 'ikɨ niuki mɨtikuxata mɨmatiwa 'Ixaheritsie: “Wapaapama kaxie takari matsina meputikwai, waniwemata watamete pɨkɨitsietɨka?”

Tanieri 3:18

Yatɨ takakaɨyari tsepa mɨpaɨ mɨkatiuyuri, 'ekɨ mɨpaɨ ketinemaika tame hatsuaku 'akakaɨyarixi wahɨxie tepɨkakahɨxima'uni meta yaxeikɨa 'ɨkiya pemuta'ai hɨxie tepɨkakatunuma'uni.