Memeyekɨ 20:4 - Kakaɨyari Niukieya

⁴ »Tixaɨtɨ pepɨkatiwewieka taheima mieme hepaɨ ti'anekame, kwiepa memɨtexuawe hepaɨ ti'anekame, meta hapa memɨteye'uwa hepaɨ ti'anekame meta kwie hetɨa memɨtexuawe.

Memeyekɨ 20:4 ပူးပေါင်းရင်းမြစ်များ

Mawari 26:1

»Kakaɨyarixi xepɨkawawewieka, meta tetexi patsietɨkaime meta tixaɨtɨmexi wa'ɨkiya xepɨkati'uitɨwani. Yukwiepa xepɨkawati'uitɨwani tetexikɨ metewewiyatɨkaime meta wahetɨa xepɨkatihɨxima'uweni. Ne Yawé xekakaɨyari nekanihɨkɨtɨni.

Hutarieka 'inɨari 5:8

»Nixeime kakaɨyari hepaɨ 'aneme pepɨkawewieka muyuawitsie miemetexi wahepaɨ meta kwiepa memɨte 'u'uwa wahepaɨ me'anenekame, meta kwie hetɨa haramaratsie miemetexi wahepaɨ.

Nɨawari 97:7

Meke'utewiyatsitɨarieni yunaitɨ kakaɨyarixi memɨwarayexeiya, kemɨ'ane memɨyuti'ɨre memɨkakakaɨyarixi wahekɨ. Yunaitɨ kakaɨyarixi hɨxiena xekeneukahɨxima'uti.

Mawari 19:4

»Kakaɨyarixi tixaɨtɨ memɨkatehɨkɨ wahetsɨa xepɨkahekɨkani, kakaɨyarixi tepɨakɨ memuwewiyatɨka xepɨkawawewieka. Ne Yawé xekakaɨyari nekanihɨkɨtɨni.

Nɨ'ariekate 17:29

»Hikɨ, xɨka Kakaɨyari hetsie teyekɨne, 'aixɨa pɨka'ane para mɨpaɨ temɨte'ixeiyani huru hepaɨ, pɨrata hepaɨ yatɨni tete hepaɨ 'anekame: tewi wewiyaya hepaɨ 'anekame, tita tewi mɨtiyɨkɨhɨawe hepaɨ 'anekame.

Hutarieka 'inɨari 27:15

“'Axake'u'itɨarieni kemɨ'ane kɨye kakaɨyariyari mɨtawewieni, yatɨni kɨye xixiyakame yatɨni tepɨakɨ wewiyakame, meta xɨka 'awie hawaikɨ heitakeni. Mɨkɨ tewi pɨtiwewiyaya, 'ayumieme Yawé mɨtixani'erie pɨtihɨkɨ”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Matsiɨkɨtɨ kemɨratɨa 16:2

Hikɨ mexɨakame kaneyani, kwiepa yutekɨxi kaneukayeurieni, meta yunaitɨ teɨteri yeutanaka 'inɨarieya memexeiyakai meta 'ɨkiyari memayexeiyakai mɨkɨ kwinimieme 'axa'anemekɨ mekaniuti'etsata meta 'axame'ukɨ'ɨaretɨ.

Xumatari 1:23

Kakaɨyari mɨkapɨniwe witsimɨ'ane, mekanipata tewi mɨpɨniwe hepaɨ tiyuxexeiyame memayexeiyanikɨ pɨta, wikixi wahepaɨ, yeutari wahepaɨ meta kuterixi wahepaɨ tiyuxexeiyame.

Kitsariyaxi 45:16

Yunaitɨ kemɨ'ane kakaɨyarixi memɨwawewie mepɨtewiyatsitɨarieni meta nitixaɨtɨ mepɨkatehayeitɨarieni, nitixaɨtɨ mekatehɨkɨtɨtɨ mepɨyehu.

Kitsariyaxi 42:8

»Ne Yawé nekanihɨkɨtɨni, mɨpaɨ nekatinitewaka. Hipame kenemɨtimariwe nepɨkawapitɨa, meta nenɨawari kakaɨyarixi nepɨkawapitɨa.

'Etsekieri 8:10

Ne nekaneutahani kuraru taɨtapaitɨ, nekatiniwaruxeiya meteyumɨireme wa'ɨkiyarite: kuterixi wa'ɨkiyate meta hipatɨ yeutari 'axamemɨ'anene, meta yunaitɨ mamakɨ memɨwewiyatɨka 'axamemɨ'anene 'ixaheritsixi memɨwarayexeiyakai.

Matsiɨkɨtɨ kemɨratɨa 9:20

Hipatɨ teɨteri memɨka'ukwi'iwaxɨ mewakwikaku, mɨkɨ mepɨkatehayewakai mete'ayexeiyatɨ tita yumamakɨ memɨtewewie. Mepɨkatehayewakai nenewieri mewapitɨatɨ kakaɨyarixi 'axamemɨ'anene, huru, pɨrata, wurunitse, tete, kɨye kakaɨyarixiyari tsepa memɨkaheuneniere, memɨkaheu'enana, meta memɨka'ukɨniwawe.

Kitsariyaxi 42:17

Peru kakaɨyarixi wahetsie memɨtewiya mepeuyexɨrieni meta tewiyarika mehexeiyatɨ mepakɨne, kemɨ'ane wewiyakate mɨpaɨ memɨtewakɨhɨawe: “Xeme takakaɨyarixi xekanihɨkɨtɨni”.

2 Kemɨtiuyɨ 33:7

'Atserá 'uka kakaɨyariyari 'ɨkiyari mitawewiekai Kakaɨyari tukieyata kaneitakeni, mɨkɨ hetsiemieme Kakaɨyari mɨpaɨ Rawiri mɨtiutahɨawekai meta nu'aya Tsarumuni: «'Ikɨ tukita Kerutsareme muwetsie, kiekari nemenayexeitsie yunaime 'Ixaheri nuiwarimama watsata, muwa nepayekani neheyemekɨ.

1 Te'aitamete 12:28

Hikɨ 'uti'iwauka kemɨtiyurieni, ti'aitame yuhutame tsikerutsixi kaniwarutiwewieni hurukɨ, hikɨ mɨpaɨ katiniwarutahɨawe teɨteri: «'Ixaheritsixi, pɨkaheuyewetse xemeta'axeni 'akuxi Kerutsareme. 'Ena mekaniti'uka xekakaɨyarixima, 'Ekipitu memɨxe'ayewitɨ».

Memeyekɨ 34:17

»Tepɨa kakaɨyariyari pepɨka'awewirieka.

Memeyekɨ 32:1

Merikɨtsɨ Muitsexi 'ekatineutewikaitɨni kanuawetɨ Tsinahi hɨriyaritsie heyeikatɨ, hikɨ 'Aruni hɨxie 'ixaheritsixi me'u'axɨaka mɨpaɨ mekatenitahɨawe: —Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyɨnixɨ.

Memeyekɨ 32:23

Mɨkɨ mɨpaɨ mekaneteniutahɨawe: “Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyunixɨ”.

Memeyekɨ 32:8

Yapauka mepeuyexɨri huye mepuku'eiri, kenemɨtiwaruhɨritɨa, huru me'ukwaniyaka yukakaɨyari xeikɨa mepɨka'utawewi tsikeru hepaɨ 'anekame, matsi hɨxienata mepukatunuma'ui, mawari mepiwewiri, meta mɨpaɨ meputiyua: “'Ixaheri, 'ena 'akakaɨyari 'Ekipitu mɨmatsi'ayewitɨ”.

'Inɨatsie 12:8

Ne nekatinikuxaxatɨwani hɨxiena ne'utinieretɨ, hekɨakamekɨ nekarenukanamirietɨ. Ne Yawé kenemɨ'ane kanenikuxexeiyani. ¿Ketitayari mɨya xete'utiyuane neti'uximayatsiriwame Muitsexi hepaɨtsita?»

'Itsɨkate 17:3

Kepauka Mikahiyaxi yumaama tumini mu'ɨitɨa xeimiriyari heimana xeitsienituyari pɨrata tuminiyari, maamaya mɨpaɨ katinitahɨawe: ―Yemekɨ waɨkawa patsiekame nepayeitɨani nepɨrata Yawé hetsie, neniwe xeime kakaɨyari mɨtawewienikɨ xixiyakame pɨratakɨ wetsitɨariekame. Hikɨ 'ayumieme nepɨmatsi'ɨitɨani.

2 Te'aitamete 17:12

Nenewieri mekaniwapitɨakaitɨni kakaɨyarixi, Yawé waruta'imaiyakutɨtɨ yemekɨ.

Nɨawari 78:58

Mekaniyehaxɨatɨani tukite 'etsimupepe memutiwewikɨ, mamakɨ wewiyakate memuwarayexeiyakaikɨ.

'Etsekieri 8:3

Mɨkɨ tewi hepaɨ mɨ'anekai mamá hepaɨ 'anekame kaniutatsera, nekɨpatsie kanikawiere. Hikɨ 'eka kwinietewa kaneniuyewieni, kanenehana Kerutsareme yeta Kakaɨyari mɨnetixeitsitɨanikɨ, 'upaitɨ 'itupari meuwietsie kaneni'atɨani, mana kakaɨyari mɨwewiya manuwe Kakaɨyari mɨ'ɨtetsaiya.

'Etsekieri 20:7

Yuxexuime mɨpaɨ nepɨtiwaretahɨawixɨ, yukakaɨyarixi memɨxani'eriwa mekewarexɨrienike kwinie memɨtewanaki'erie, meta kakaɨyarixi memɨkawarayexeiyanikɨ 'Ekipitu miemete, ne Yawé xekakaɨyari nemɨhɨkɨkɨ.

Memeyekɨ 20:23

Xepɨkanetsi hiweritɨaka, kakaɨyarixi pɨratakɨ meta hurukɨ xepɨkawawewieka meta wahɨxie xepɨka'ukatunuma'uweni.

Memeyekɨ 32:4

huru hanutɨkɨka kanitikwaniya, 'ipɨnaka kakaɨyari kaniutawewieni, tsikeru hepaɨ 'aneme. Hikɨ yunaitɨ teɨteri mɨpaɨ mekaniutiyuani: «'Ixaheri, 'ikɨ 'akakaɨyari kanihɨkɨtɨni 'Ekipitu mɨmatsi'ayewitɨ».

Hutarieka 'inɨari 16:22

metatsiere yaxeikɨa tetexi kakaɨyarixi xepɨkawarayeitɨwani, karikɨ Yawé xekakaɨyari mɨkɨ katinixani'erieka.