Memeyekɨ 20:3 - Kakaɨyari Niukieya

³ »Hipame tawarita kakaɨyarixi pepɨkawarayexeiyani ne xeikɨa.

Memeyekɨ 20:3 ပူးပေါင်းရင်းမြစ်များ

Hutarieka 'inɨari 5:7

»Tawarita hipame kakaɨyarixi pepɨkawarayexeiyani nehɨxie.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Nɨawari 81:9

Teewatanaka kakaɨyaritɨme xeime pepɨkahayexeiyani, xeime kakaɨyaritɨme yɨkɨ 'aneme hɨxie pepɨkahekatunumaweni.

Kitsariyaxi 46:9

Meripaitɨ timieme xeketenaye'eri, ne Kakaɨyari nepɨhɨkɨ, tawarita xewitɨ pumawe, ne Kakaɨyari nepɨhɨkɨ, tawarita xewitɨ nehepaɨ 'anetɨ pumawe.

Hutarieka 'inɨari 6:5

Kenenaki'erieka Yawé 'akakaɨyari yeme 'a'iyarikɨ, naime kepemɨti'amate meta naime 'atɨrɨkariyakɨ.

Keremiyaxi 25:6

Hipame kakaɨyarixi xepɨkawaranukuweweiyani xemɨtewa'uximayatsiriekakɨ meta xemɨwarayexeiyanikɨ, xepɨkanetsihaxɨatɨaka yumamatekɨ tiwewiyatɨkaimekɨ, ne 'ana 'axanepɨkaxeyurieni”».

Hutarieka 'inɨari 6:14

Mɨkɨ teɨteri hipatɨ xe'aurie memahane wakakaɨyarixi xepɨkawarayexeiyani,

Keremiyaxi 35:15

Yaxeikɨata, nepɨkatihayewa nexehenɨ'airiwatɨ memɨnete'uximayatsirie neniukametema, mɨpaɨ nemɨxetitahɨawekɨ: ‘Huye 'axamɨ'ane xekeneuhayewari, xekeneyumanetsikitɨa kexemɨteyuriekɨ meta hipameri kakaɨyarixi xepɨkawaruweiyani xemɨtewa'uximayatsiriekakɨ. Mɨpaɨ 'ana xeniu'uwakuni kwie nemɨxeyetuiritsie meta xetutsima nemuwayetuiriekaitsie’. Peru xeme xepɨkanetsi'eniwawe, kenemaine yaxepɨkatekakɨniwawe.

1 Kurinitutari 8:6

matsi tame ketemɨtemate, Kakaɨyari kaniyuxewini ta'ukiyaritɨtɨ. Naitɨ hetsiena katinayeneikani, tame hetsiena mieme tekani'ayumiemetetɨni. Ti'aitameta kaniyuxewini Ketsutsi Kɨritsitu hɨkɨtɨtɨ. Naitɨ katiniunetɨarieni mɨkɨ 'inetɨaku, tameta tekanayeneniereni mɨkɨ tatsi'unetɨaku.

Matsiɨkɨtɨ kemɨratɨa 19:10

Hikɨ hetɨana nekaniutihɨximakeni nenewieri ne'ipitɨanike. Mɨkɨ matsi mɨpaɨ pɨnetiutahɨawixɨ: «Tixaɨ yumarima. 'Ahepaɨ ne nekatini'uximayatametɨni, 'a'iwama memɨyuhekɨata Ketsutsi hetsɨa memiemetetɨtɨ wahepaɨ nepɨti'uximayatame. Kakaɨyari xeikɨa nenewieri kenepitɨaka. Kemɨ'ane mɨyuhekɨata Ketsutsi hetsɨa miemetɨtɨ, mɨkɨ 'iyari kanexeiyani katinihekɨatani».

Kurutsetari 2:18

Xewitɨ pɨkaxetawe'erieka, tsepa 'iya mɨyuwaɨriya tixaɨtɨ karayuyeitɨatɨ, tsepa mɨyuwaɨriya mɨwarayexeiyanikɨ Kakaɨyari niuki tuayametemama, tsepa waɨkawa mɨyu'iyaritɨa yuheinɨtsi hepaɨtsita. Kemɨ'ane mɨya mɨ'ane kaniyuta'ɨreni, tita waiyarieyatsie mɨtimieme xeikɨa kana'eriwani,

Piriputari 3:19

Mɨkɨ mekanika'unariekuni xeikɨa, yuhuka mekanayexeiyani yukakaɨyari hepaɨ. Witsime'aneneme mekaniyuxatani kepauka mɨpaɨ memɨyɨa ketemɨtetewiyatsitɨarie. Kwiepa timiemekɨ xeikɨa mekatena'eriwani.

'Epetsutari 5:5

Teɨteri mepɨwakumaɨwa kemɨ'ane mɨkawa'ɨya mɨkawakɨna, mepɨka'itiyatɨka, naime mepɨtehiwe'erie yuhetsiemieme. Tita mɨtihiwe'erie, mɨkɨ payexeiya yukakaɨyaritɨme. 'Ipaɨ xeketenemaika, yunaitɨ mɨya memɨteyurie, mɨkɨ wahetsie pɨkatinake memaye'axɨanikɨ Kɨritsitu tiwa'aitɨwame mayanikɨ, meta Kakaɨyari.

Kitsariyaxi 26:4

Yawé hetsie yuri xeketene'erieka yuheyemekɨ, Yawé 'ai mɨhɨkɨkɨ yuheyemekɨ.

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Memeyekɨ 20:23

Xepɨkanetsi hiweritɨaka, kakaɨyarixi pɨratakɨ meta hurukɨ xepɨkawawewieka meta wahɨxie xepɨka'ukatunuma'uweni.

Kitsariyaxi 44:8

Xepɨka'uyɨyɨakatɨkani nixepɨkamamaka. ¿Xekateha'eriwa nemitahekɨataxɨ meripaitɨ? Xeme xemunenierixɨ xekanihɨkɨtɨni. ¿Tawarita xewitɨ Kakaɨyari tiuyeika? Hawaikɨ, tawarita xewitɨ 'Ai pumawe, ne xeime tawarita nepɨkamate”».

Kitsariyaxi 43:10

Yawé mɨpaɨ kanaineni: «Xeme nehetsɨa miemete xekanihɨkɨtɨni xemunenierixɨ, nete'uximayatsiriwamete nemɨxe'anayexei, xemɨnetsimatenikɨ meta nehetsie yuri xemɨte'eriekakɨ, meta mɨpaɨ xemɨtemaikakɨ kename Ne nehɨkɨ. Meripaitɨ ne 'akuxi neka'uyeikakaku xewitɨ kakaɨyaritɨtɨ 'apɨka'uyeikakai, meta ne'utɨma xewitɨ pɨkatineni.

Nɨawari 73:25

¿Kemɨ'ane 'aku muyuawitsie nepexeiya metsɨ 'ekɨ xeikɨa? Xɨka 'ahamatɨa ne'uyeikani, kwiepa timiemeri nepɨkareuyehɨwa.

Nɨawari 29:2

'Aixɨa xeketenahɨaweni Yawé witsikemɨ'ane mɨkɨ xeikɨa 'aixɨa mɨtikɨhɨawaruwanikɨ, Yawé hɨxie xekenekahɨxima'uti tukitana mariweme xe'ayeitɨatɨ.

Matsiɨkɨtɨ kemɨratɨa 22:9

Peru mɨkɨ mɨpaɨ pɨnetiutahɨawixɨ: «Yumarima 'aixɨa. Ne 'ahepaɨ nekatini'uximayatametɨni, 'a'iwama Kakaɨyari niukametemama wahepaɨ, meta mɨkɨ yunaitɨ yamemɨtekahu 'ikɨ xapa kemaine wahepaɨ. Kakaɨyari xeikɨa nenewieri kenepitɨaka».

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

Memeyekɨ 32:8

Yapauka mepeuyexɨri huye mepuku'eiri, kenemɨtiwaruhɨritɨa, huru me'ukwaniyaka yukakaɨyari xeikɨa mepɨka'utawewi tsikeru hepaɨ 'anekame, matsi hɨxienata mepukatunuma'ui, mawari mepiwewiri, meta mɨpaɨ meputiyua: “'Ixaheri, 'ena 'akakaɨyari 'Ekipitu mɨmatsi'ayewitɨ”.

Memeyekɨ 34:14

Hipame kakaɨyarixi pepɨkawarayexeiyani, ne Yawé nekani'ɨtetsaka. Kakaɨyari mɨ'ɨtetsa katinitewaka.

Kitsariyaxi 42:8

»Ne Yawé nekanihɨkɨtɨni, mɨpaɨ nekatinitewaka. Hipame kenemɨtimariwe nepɨkawapitɨa, meta nenɨawari kakaɨyarixi nepɨkawapitɨa.

Keremiyaxi 7:9

Xepɨtenawaya, xepɨteyumemiwa, hipame wa'ɨitama xepuwakumaɨwa, 'itarikakɨ xepɨteyɨhɨritɨa, Wahari 'ɨkwa xepɨtairietɨwe, hipame kakaɨyarixi xepuwaruweiya hatsuaku xemɨkawaretima,

'Utseyaxi 13:4

«Peru ne Yawé 'akakaɨyari nekanihɨkɨtɨni, 'Ekipitu paitɨ pe'uyeikakaku. 'Ayumieme tawarita xeime Kakaɨyari pepɨkahetimani ne xeikɨa, nixeime 'awikweitsitɨwame pepɨkakaxeiya ne xeikɨa.

Memeyekɨ 22:19

»Yunaitɨ teɨteri tewaxi memɨwakumaɨwa mɨkɨ meketakwikwiwani.

Memeyekɨ 23:24

»Mɨkɨ wakakaɨyarixima wahɨxie pepɨkahetihɨximakiekani. Nenewieri pepɨkawarepitɨaka kememɨtehehu, pepɨkaware'ɨkirieka. Matsi pɨta xekeniwareti'uniri wakakaɨyarixi meta watetexi mɨpatsietɨka xekenetitara.

'Itsɨkate 6:10

Mɨpaɨta nekatinixe'utahɨawe: “Ne Yawé nekanihɨkɨtɨni xekakaɨyari, 'amuxeutsixi wakakaɨyarixi xepɨkawarayexeiyani, xekwietsie memu'uwa”. Peru xeme xepɨkanetsi'anu'eni».

1 Te'aitamete 11:4

Mɨpaɨ katiniɨyɨni, kepauka Tsarumuni 'ukiratsi matɨa, 'ɨitamama 'iyarieya mekaneuyehɨani, hipame kakaɨyarixi pɨta warayexeiyatɨ kanayani, Yawé yukakaɨyari hetsɨa yapɨkatikatɨa yuheyemekɨ paapaya Rawiri kemɨtikatɨa.

Nɨawari 81:10

Ne nepɨhɨkɨ Yawé 'akakaɨyari, 'Ekipitu nemɨmetsi'ayewitɨ. Kenakwaxaka, ne 'ateta nekatinitahɨniyamɨkɨ.

Tanieri 3:18

Yatɨ takakaɨyari tsepa mɨpaɨ mɨkatiuyuri, 'ekɨ mɨpaɨ ketinemaika tame hatsuaku 'akakaɨyarixi wahɨxie tepɨkakahɨxima'uni meta yaxeikɨa 'ɨkiya pemuta'ai hɨxie tepɨkakatunuma'uni.