Memeyekɨ 20:24 - Kakaɨyari Niukieya

²⁴ Mɨrayutimawatɨre tenariyari xekeneneutawewiri kwiepa, mana mawari taiyariyari xemɨnetsi'utiwewiriwanikɨ meta mana kename 'aixɨa meteyuxeiyani hepaɨtsita, muxatsi meta tuurutsixi xewamawatɨ. Ne nepunuani hakewa xemɨnetsihahɨaweni, hikɨ 'aixɨa nepɨxeyurieni.

Memeyekɨ 20:24 ပူးပေါင်းရင်းမြစ်များ

Hutarieka 'inɨari 12:5

xenuiwaritsie Yawé kanenayexeiyamɨkɨ hakewa memeyexeiyanikɨ kemɨtitewakɨ, mana xeme xehume xekaneyɨwawekakuni xeikɨa xemeyexeiyanikɨ.

2 Kemɨtiuyɨ 6:6

Matsi, Kerutsareme nepanayexei mana nemukanikɨ, meta Rawiri nepanayexei neteɨterima 'ixaheritsixi mɨtiwata'aitɨanikɨ”.

1 Te'aitamete 9:3

mɨpaɨ katinitahɨawe Yawé: «'Anenewieri nepu'eni meta waɨkawamekɨ kepemɨnetiutawawiri. Patsiekame nepayeitɨani mɨkɨ tuki pemitawewi muwa nemayekanikɨ yuheyemekɨ. Nepixeiyani meta ne'iyarikɨ nepinaki'erieka yuheyemekɨ.

2 Kemɨtiuyɨ 7:16

Hikɨtɨtɨ meta yuheyemekɨ nekanenayexeiya meta patsiekame nekanayeitɨamɨkɨ 'ikɨ tuki mɨkɨta nemayekanikɨ. Nepita'ɨwiya nekatihayewatɨ, neminaki'eriekɨ ne'iyarikɨ.

Hutarieka 'inɨari 12:11

Hakewa Yawé menayexei xemeyexeiyanikɨ tinaime xekatenanupikuni kenemɨtixe'uta'aitɨa: Mawari taiyariyari, mawarite, tamamatatsie mieme xeime, ketita mɨtiyetuiwa mawariyari, tita memɨteyetuaya meta Yawé minaki'erie mawari kemɨtiyuhɨritɨani hetsiemieme.

Hutarieka 'inɨari 16:11

'Ana xekaniyutitemawikuni Yawé xekakaɨyari hɨxie hakewa mɨkɨ meyuhayewa, xeniwema yunaitɨ 'ukitsi meta 'ukari wahamatɨa, meta xete'uximayatsiriwamete 'ukitsi meta 'ukari, rewitsixi 'akie kiekatari, 'ateewa kiekatari, nutuite meta wiuraxi mana xekie kiekatari.

2 Kemɨtiuyɨ 12:13

Ti'aitame Xuwuhani tɨrɨkaɨyetɨ kanayani, hikɨ pitsutɨa tawari Kerutsareme ti'aitatɨ. Maamaya Nuhama pɨtitewakai 'amuni tewiyari pɨhɨkɨtɨkai. Xuwuhani huta tewiyari heimana xewi wiyari pexeiyakai kepauka mitsutɨa ti'aitatɨ, tamamata heimana 'atahuta wiyari katiniuta'aita Kerutsareme kiekariyaritsie, Yawé mɨkɨ kiekari manayexeiyakaitsie yunaime 'Ixaheri xiɨyarimama watsata para mana mɨtayerɨnikɨ.

Hutarieka 'inɨari 26:2

xekatenika'inɨikuni matɨari mɨtikaxuawere 'ikwaxi xekwie Yawé xekakaɨyari mɨxeyetuirienitsie timieme, hikɨ mɨkɨ tsikɨiwititetsie xekatenikapikuni. Hikɨ xekanihuni Yawé xekakaɨyari hakewa meyuhayewa,

'Etsitɨraxi 6:12

Kakaɨyari Kerutsareme kananayexeiya mana memeyexeiyanikɨ, ke'ika'una ti'aitame kemɨ'ane yatɨni hipatɨ teɨteri 'ikɨ 'aitsika 'axamuyurieni yatɨni xɨka Kakaɨyari tukieya kemɨ'ane mɨka'unamɨkɨni. Ne, Rariyu, 'ikɨ 'aitsika nekaniunetɨani. Mɨpaɨ xeketenemaika meta kemɨre'uxa mɨpaɨ keraye'atɨarieka.

1 Te'aitamete 8:29

Kenexeiyani tukarikɨ tɨkarikɨ 'ikɨ tuki, hakewa mɨmatsihenakixɨ muwa pemayekanikɨ, pemi'eniekakɨ ne ti'a'uximayatsiriwame nenenewieri 'ena nemiyetuaya.

Mateu 18:20

Karikɨ hakewa yuhutatɨ yuhaikatɨ memeyuxeɨrie menetsitahɨaweke, mana nepuyeikani watsata».

1 Te'aitamete 8:43

'ekɨ keneu'eni muyuawitsie paitɨ, hakewa pemeyeika, yaketineupitɨa ketita mɨmatitawawirieni. Mɨpaɨ yunaitɨ teɨteri kwiepa memɨtama mepɨmatsihetimani meta 'ateɨterima 'ixaheritsixi wahepaɨ, 'ekɨ mepɨmatsimakaxeni meta mɨpaɨ mepɨtehetimani kename 'ikɨ tuki nemitawewita 'ekɨ pehahɨawarɨwa.

Hutarieka 'inɨari 14:23

Yawé xekakaɨyari hɨxie xekanikwaikuni mɨkɨ tamamatatsie mieme xeime xemɨteyetua, tɨriku, winu, hatseiti, meta xemɨwayetua tewatsiekate mexɨakate, mɨkɨ hakewa meyuhayewa mana xekateneyurikuni. Mɨpaɨ xeteyurietɨ xepimakaxeni yuheyemekɨ Yawé yukakaɨyari.

Nɨawari 74:7

'Atuki mekaniutataiya, pemuwayeka kapatsiekame mekanayeitɨani.

Nehemiyaxi 1:9

matsi xɨka nehetsɨa xe'u'axɨani, yaxetekahutɨ yaxete'u'uwatɨ kenemɨti'aita tsepa hakewa xemehapanie kwiepa, mana nekanixehayewitɨmɨkɨ hakewa kwie nemanayexeitsie ne hakewa nemekanitsie nekanixe'atɨamɨkɨ”.

2 Tsamuheri 6:12

Kepauka ti'aitame Rawiri mɨpaɨ mɨtiuxatɨarie kename Yawé kakunieya 'Uweri-'Erumi kie mukateikɨ 'aixɨa wayuriekai tɨɨriyamama meta naime tita mɨrexeiyakai, hikɨ Rawiri kaneyani 'Uweri-'Erumi kie, Kakaɨyari kakunieya kanayekweni Rawiri kiekariena paitɨ kani'atɨani waɨkawa temawierikatsata.

Marakiyaxi 1:11

Karikɨ, nuiwarite watsata nekanayexeiyarieka, tau 'amɨranatineni 'atsita kepauka manukayune. Naitsarie 'ɨkwa witsimu'ɨa kanitaiyarieka meta mawari hɨkɨatɨ kaniwewiyaka nehetsiemieme, ne nemɨmariwekɨ nuiwarite watsata —mɨpaɨ kanaineni Yawé Naimekɨmɨtɨrɨkaɨye—.

Nɨawari 78:68

matsi pɨta, Kura nuiwarimama pɨwaranayexei, meta Tsiyuni hɨriyari mɨnaki'erie.

Hutarieka 'inɨari 12:21

Xɨka 'ahetewani hakewa meyuhayewa Yawé 'akakaɨyari, pepɨyɨweni tewaxi pemɨwarutimawa tsikerutsixi yatɨni muxatsi, netsɨ kenemɨtiu'aitaxɨ, pepɨyɨwe pemɨtikwaka 'akiekaritsie tsepa ketipaɨmeme.

1 Timuteu 2:8

'Ayumieme mɨpaɨ pɨnetinake, hakewa memeyutixexeɨriwa 'ukitsi mekeyunenewieka yumamate muyuawitsie meheutitseratɨkaitɨ mepatsietɨ, tixaɨ mekaha'atɨ meta niuki mekaxɨatɨatɨ yu'iyaritsie.

Mateu 28:20

xetewa'ɨkitɨatɨ yamemɨtekahunikɨ naime xeme kenemɨtixe'u'aitɨa. Yurikɨ mɨpaɨ xeketenemaika, netsietɨ tukarikɨ xehamatɨa nekaniuyeikamɨkɨ, kepaukake kwie meutipare. Mɨpaɨ xeikɨa kani'aneni.

Nɨawari 76:2

Tsareme mɨrakutewatsie tukieya puwe, Tsiyuni pɨkiekariena.

Nɨawari 134:3

Yawé Tsiyuni paitɨ 'ukaitɨ, muyuawi meta kwie mutawewi, 'aixɨa kexeyurieka.

Nɨawari 128:5

Yawé 'aixɨa kemetsiyurieka Tsiyuni paitɨ, meta peke'uniere Kerutsaremetsie ke'aixɨa mɨtiyɨaneni kepaɨmexɨa tukari pemɨyurieni.

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

Hutarieka 'inɨari 7:13

Waɨkawa xenaki'erietɨ pɨxetimɨiriya meta 'aixɨa pɨwayurieka tɨɨri hukatsie memɨyetei, meta 'ikwaxi 'iya kwietsie timieme 'atutsima mɨwaruxatɨatsie. 'Ikɨ katinixatani, tɨriku 'aixɨa puyurieka, meta kaxie winuyari meta hatseiti, metatsiere 'atewama waniwema meta muxatsi.

Memeyekɨ 10:25

Muitsexi mɨpaɨ katinitahɨawe: —Kamɨtsɨ 'ekɨ mawari temewewienikɨ petatiyetuirieni, Yawé takakaɨyari mawari temewewirienikɨ,

Memeyekɨ 18:12

Mɨpaɨ 'utayɨka, Keturu mawari taiyariyari kaniuwewieni meta hipame mawari Kakaɨyari hetsiemieme, 'Aruni meta yunaitɨ 'ixaheritsixi wa'ukiyarima mekananukayaxe mekateniukwani Muitsexi munieya hamatɨa Kakaɨyari hɨxie.

Memeyekɨ 20:25

Xɨka mawari wewiwame xenetsi'utawewirieni tetexikɨ, xepɨka'itiparekutɨwani tixaɨtɨkɨ tepɨakɨ, mɨkɨ tetexi kapatsiekame payeitɨwa.

Memeyekɨ 24:5

'Ana hipame temari 'ixaheritsixi kaniwarenɨ'ani, Yawé hetsiemieme tsikerutsixi wamawari taiyariyari memɨwewiyukɨ meta kename 'aixɨa memɨteyuxeiyani mawariyari.

Memeyekɨ 27:1

»Mexa keneutawewi mawari wewiwame 'akatsiya kɨyeyarikɨ, 'utatsikuritɨkaime yaxeikɨa huta meturuyari heimana xeitewiyari heimana tamamata tsenitimeturuyari heutatetewame, meta xeimeturuyari heimana xeitewiyari heimana tamamata tsenitimeturuyari 'awekame.

Mawari 17:9

xɨka kaheihana 'ixuriki tukiyarita mɨranutahakitɨritsie Yawé mɨxatɨanikɨ, mɨkɨ payeweiyarieni yuteɨterima watsata.

2 Te'aitamete 5:17

Hikɨ Nahamani mɨpaɨ kaniutayɨni: —Kamɨtsɨ, 'ekɨ keneneupitɨa huta 'ikayari kwie nemanu'ikatakɨ 'ena mieme, hikɨri 'enamɨtiyehane ne ti'a'uximayatsiriwame tawari kakaɨyarixi mawari taiyariyari meta hipame mawari nepɨkawawewirieni, matsi Yawé hetsiemieme xeikɨa.

Kitsariyaxi 64:5

Pewaranunakeke pepayeyeika, memuyutemamawie heitseriemekɨ yamemɨtekahu meta 'ahuye mema'eriwa. Peru pepuyeha'arɨwe xɨka tekaheu'enanaka xɨka 'ahuye te'uku'eirieni. ¿Kehepaɨ tetetawikweni?

Memeyekɨ 24:4

Hikɨ Muitsexi pɨraka'utɨa naime Yawé kemɨreitahɨawixɨ. 'Uxa'arieka ximeripaitɨ nanukukeni, tenari timawame kaniutawewieni hɨritɨa. Meta tamamata heimana huta 'Ixaheri nuiwarimama 'inɨariyari, tetexi tamamata heimana huta patsiekame kanayeitɨani.

Nɨawari 101:2

'Aixɨa netiyurienetɨ nepumienikeyu huye 'aixɨa mɨ'ane 'utɨma: ¿Kepauka pepɨnetsiha'iwatamie? Nekie 'anepukanikeyu 'aixɨa netinekɨhɨawetɨ ne'iyaritsie.

Nɨawari 122:2

Kerutsareme, 'ari tekaniu'axɨani 'ena 'akitenie tekaniuti'uka.