Memeyekɨ 20:20 - Kakaɨyari Niukieya

²⁰ Muitsexi mɨpaɨ katiniwarutahɨawe: —Xepɨkamamaka, Kakaɨyari kaninuani xeta'inɨatake, xe'eyemakatɨ, 'axaxemɨkateyuriekakɨ.

Memeyekɨ 20:20 ပူးပေါင်းရင်းမြစ်များ

Hutarieka 'inɨari 13:3

mɨkɨ Kakaɨyari niukameya kwi pepɨka'enieka yatɨni xɨka heinɨtsi hepaɨ 'aneme mɨtikuxata xɨka yɨaneni. Yawé 'akakaɨyari kameni'inɨatanemɨkɨ xɨka 'aku yurikɨ yemekɨ 'a'iyarikɨ pe'inaki'erieka meta kepemɨti'amatekɨ.

Temaiwawemete 3:7

Kwinimieme perakumaikame pepɨkayuxatani: matsi pɨta Yawé kenayemakaxeni meta 'axamɨti'ane hepaɨtsita kene'apatani.

1 Tsamuheri 12:20

Tsamuheri mɨpaɨ katiniwaruta'eiya: —Xepɨkaheumamaka. Tsepanetɨ waɨkawamekɨ 'axaxemɨte'uyuri, Yawé xepɨka'uku'e'eiriwani, matsi pɨta naime yu'iyarikɨ xeketene'uximayatsirieka.

Kitsariyaxi 8:13

Yawé Naimekɨmɨtɨrɨkaɨye xeikɨa xeme patsiekame xekanayeitɨakakuni, mɨkɨ xeikɨa xekanayexeiyakakuni, mɨkɨ xeikɨa xekanayemakaxekakuni.

Temaiwawemete 16:6

Xeyunaki'erietɨ meta yuri xehaitɨkaitɨ xekateneuyuyehɨwiriekakuni, Yawé 'ayemakatɨ xeikɨa pɨyɨwe 'axamɨti'ane mɨnewienikɨ.

Kuwi 28:28

Hikɨ teɨteri mɨpaɨ katiniwarutahɨawe: «Ti'aitame 'ayemakatɨ mɨtimaiwenikɨ kanihɨkɨtɨni. 'Axamɨti'ane hepaɨtsita yukweriwayurietɨ: mɨkɨ mɨreutamaiwe pɨhɨkɨtɨni».

Hutarieka 'inɨari 8:2

Xekena'eriwani huta tewiyari wiyari Yawé xekakaɨyari mɨxe'uwitɨximekai huyeta tukarikɨ meta tɨkarikɨ makumawetsie, puxetiuka'enitsitɨa mana waɨkawa pɨxe'uta'inɨataxɨ yamɨretimanikɨ tita yu'iyaritsie xemɨtehexeiya, meta yamɨretimanikɨ xɨka 'aitsikaya xe'eye'atɨaka yatɨ hawaikɨ.

Tsutɨarika 22:1

Merikɨtsɨ yapaɨmexɨa tukari 'anukayaku, Kakaɨyari 'Apɨrahami kaniuta'inɨata, mɨpaɨ katinitahɨawe: —'Apɨrahami 'aku. 'Apɨrahami mɨpaɨ katinita'eiya: —'Ena nepuyeika.

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Temaiwawemete 1:7

Yawé 'ayemakatɨ mɨtiuyemaikakɨ kanitsutɨni, 'atsimemɨkatemate mɨtimaiwenikɨ mɨ'ayumieme mepɨxani'erie meta memɨtaheitseritɨarienikɨ.

Nehemiyaxi 5:15

Peru meripaitɨ memanuka'ukai 'ana mekaniwawiyakaitɨni waɨkawa teɨteri, tukarikɨ yameteniwawawiriekaitɨni 'ikwai meta winu huta tewiyari pɨrata tuminiyarikɨ raye'akame. Metatsiere tewa'uximayatsiriwamete teɨteri waɨriyarika meteniwa'aitɨakaitɨni. Ne hawaikɨ mɨpaɨ nepɨkatiuyuri Kakaɨyari nemakatɨ.

Kutsuhexi 24:14

»'Ayumiemeta hikɨ, xeme xekeneyuyetua Yawé hetsɨa, xeketene'uximayatsirieka hetsiena xetewiyatɨ. Xekeniwaruku'eiri kakaɨyarixi xetutsima memɨwarayexeiyakai 'Eupɨrate 'anutaɨye paitɨ meta 'Ekipitu, Yawé xeikɨa xekenayexeiyani.

Hutarieka 'inɨari 10:12

»'Ixaheritsixi teɨteriyari, hikɨta, ¿tita tixewawirie Yawé xekakaɨyari? Xekenayemakaxeni xeikɨa, meta huyetana xekeneuhuni, xekenenaki'erieka naime 'a'iyarikɨ meta kepemɨti'amatekɨ,

Hutarieka 'inɨari 6:2

kepemɨreutere pe'uyeikatɨ 'ekɨ 'aniwema meta 'ateukarima pepeyexeiyani Yawé 'akakaɨyari naime 'inɨari niukiyaritsie yaxetekahutɨ meta 'aitsika waɨkawa nemɨmatsiyetuirie, mɨixa wiyari 'apemuyeikanikɨ.

Hutarieka 'inɨari 4:10

Kepauka xeme Yawé Kakaɨyari hamatɨa xemu'uwakaitsie Huré, 'ana mɨpaɨ kanetinetahɨawe: “Keniwarukuxeɨri teɨteri nehɨxie memɨti'unikɨ meta neniuki memɨ'enienikɨ, memɨnetsimakaxenikɨ kwiepa kepaɨmexɨa memu'uwani, meta kenemɨtiwatahɨawe mɨpaɨta memɨtewata'ɨkitɨanikɨ yuniwema”.

Tsutɨarika 22:12

Hikɨ niuki tuayame mɨpaɨ katinitahɨawe: —Keneuhayewa temaikɨ, pepɨkatikwinitɨaka. Nepɨretimari 'ekɨ Kakaɨyari pepayemakaxe, pepɨka'uyuta'ima 'aniwe penetsiyetuirienike muyuxewi.

Tsutɨarika 20:11

hikɨ 'Apɨrahami mɨpaɨ katinita'eiya: —Ne mɨpaɨ nepɨtiku'eriwakai, xeme Kakaɨyari xeka'ayemakaxeme nepɨ'eriekai, xenetsimienike nepɨ'eriekai ne'ɨya hetsiemieme.

Memeyekɨ 14:13

Muitsexi mɨpaɨ kaniutayɨni: —Xepɨkaheumamaka. Xeme kayuwatɨ xeketeneteni, hikɨ kwitɨwa xemunenierixɨ xepɨhɨkɨtɨni, Yawé wikweitsitɨarika kemɨrexeiya xehetsiemieme. Hikɨ mɨkɨ 'ekipitutari xemɨwaxeiya hatsuakuri tawarita xepɨkawaxeiya.

Hutarieka 'inɨari 6:24

Yawé takakaɨyari pɨtatsi'uta'aitɨa kename teke'eyemakaxeni meta temeye'atɨakaku 'aitsikaya, 'aixɨa 'anemekɨ temu'uwanikɨ, te'ayenenieretɨ. Hikɨ temɨte'u'uwa hepaɨ.

Kitsariyaxi 41:13

Netsɨ Yawé nekanihɨkɨtɨni, 'Akakaɨyari, 'amamá 'atserie mieme mutuika, Ne nekanihɨkɨtɨni mɨpaɨ nemɨmerahɨawe: “Pepɨkamaka, ne nepɨmatsiparewieni”.

Hutarieka 'inɨari 8:16

makumawetsie manana payari pɨxemikwakai, mɨkɨ 'ikwai hatsuaku xetutsima memɨkaheitima. Mɨpaɨ pɨxetiuka'enitsitɨa meta pɨxe'uta'inɨataxɨ, 'arike 'imatɨrieka 'aixɨa mɨxetiyuriekakɨ: