Memeyekɨ 20:16 - Kakaɨyari Niukieya

¹⁶ »Xeime 'a'iwatsie pepɨkatiuhɨpani 'itarikakɨ.

Memeyekɨ 20:16 ပူးပေါင်းရင်းမြစ်များ

Temaiwawemete 19:5

Kemɨ'ane 'uniereme muyuxata tiku'itawatɨ mɨkɨ katinika'enitsitɨariemɨkɨ, yaxeikɨata kemɨ'ane mɨti'itawa pɨkareuyehɨwiyarieni.

Mateu 19:18

Tewi mɨpaɨ katinitahɨawe: —¿Kemɨ'ane 'aitsikate? Ketsutsi mɨpaɨ katinita'eiya: —“Pepɨkati'amemiwani, xeime 'ɨyaya kɨnaya pepɨkakumaɨwani, pepɨkatinawayani, peti'itawatɨ pepɨkatihekɨatani,

Nɨawari 15:3

yuniukikɨ hipame mɨkawarekaxɨrɨwa, yu'aurie kiekame 'axamɨkatikuxaxatɨwa, yuhepaɨtewi 'axamɨkayurie,

Memeyekɨ 23:1

»'Itarikakɨ xepɨkatekuxatani. »'Axamɨtiuka'iyari pepɨkaparewieka, meta niukikɨ pepɨka'iparewieka 'itsɨkame hetsɨa.

Temaiwawemete 10:18

Kemɨ'ane 'uxiwe'erika mɨ'awieta mɨkɨ katini'itawani, kemɨ'ane mɨkayuwaɨriya muwapariewienikɨ teɨteri hipame wahetsiemieme kananiuweni.

Tsatiyaku 4:11

Ne'iwama, hipame xepɨkawaniukimaka. Kemɨ'ane yu'iwa hetsie mɨtiuhɨpa, mɨpaɨ tiyurienetɨ piniukima 'inɨari niukiyari, meta 'inɨari niukiyari pɨ'uxiwe'erieka, merikɨ xɨka 'inɨari niukiyaritsie petiuhɨpani, kemɨ'ane 'inɨari niukiyaritsie yamɨkatikamie hepaɨ pepɨyɨane, 'itsɨkame hepaɨ xeikɨa pepɨyɨane.

1 Timuteu 1:10

memɨwakumaɨwa kemɨ'ane mɨkawa'ɨya mɨkawakɨna meta 'ukitsi hipame 'ukitsi memɨwakumaɨwa wahepaɨtsita, mɨkɨ memɨwanawatɨwe teɨteri wahepaɨtsita, mɨkɨ memɨteyu'itaiya meta memɨyɨhɨritɨa mete'itawatɨ mɨkɨ wahepaɨtsita. Hipatɨ yunaitɨ memeye'unie 'ɨkitsika 'aixɨa mɨ'ane, mɨkɨ wahepaɨtsita pɨkuxaxatsiwa 'inɨari,

'Epetsutari 4:31

Xeketeneuhayewa xehayutsiɨriyatɨ xeteyuka'uxiwe'erietɨ xeyuhaxɨawiyatɨ xe'utihiwatɨ 'axaxe'utiyuatɨ. Mɨkɨ naitɨ ketixani'eriwani xehetsɨa, meta naitɨ 'axamɨti'ane.

Nɨ'ariekate 6:13

Mana mepɨwaruti'uitɨa hipame memɨtehekɨatanikɨ mete'itawatɨ yame'utiyuatɨ: «'Ikɨ tewi pɨkatihayewa 'axa'utaitɨ 'ikɨ 'ena Kakaɨyari hetsiemieme mɨpatsie hepaɨtsita, ta'inɨari niukiyari hepaɨtsita.

2 Timuteu 3:3

mepɨkayunaki'erieka, mepɨkayuhaxɨapitɨaka, mepɨyuniukimani, mepɨkateyu'aitɨaka, mepayu'eririyani, mepihekani tita 'aixɨa mɨti'ane,

Temaiwawemete 11:13

Teɨteri niuki peraixi tinaime mepɨte'axatawawe hipatɨ memɨtemaikakɨ, teɨteri 'aixɨa memɨte'u'iyari naime mepɨkatekuxata.

Mawari 19:11

»Pepɨkatinawayani. »Xepɨkateyu'itaiyani. »'Ahepaɨ tewi pepɨkati'irɨwiyani.

Mawari 19:16

»'Ateɨterima watsata 'axaniuki pepɨkawewieka, meta 'ahepaɨ tewi pe'itatɨ pepɨkahekɨatani. Ne Yawé nekanihɨkɨtɨni.

Rukaxi 3:14

Meta kuyaxi mɨpaɨ mekatenita'iwawiya: —Tameta, ¿keteteyurieka? Mɨkɨ mɨpaɨ katiniwarutahɨawe: —Xepɨkatenawayani, 'itarikakɨ xepɨkawatawiwiyani. Xekenenaki'aka yu'iwarikakɨ.

Mawari 19:18

»'Ahepaɨ tewi pepɨkatikɨhɨwiriwani kemumatsi'uyurikɨ, meta haxɨa pepɨka'utani hetsiena mieme. 'Ahepaɨ tewi kenenaki'erieka 'ekɨ kepemɨti'anaki'erie hepaɨ. Ne Yawé nekanihɨkɨtɨni.

Hutarieka 'inɨari 5:20

'Itarikakɨ pepɨkatikuxatani 'ahepaɨ tewi hepaɨtsita.

Temaiwawemete 25:18

Kemɨ'ane 'itsɨkame hɨxie mɨtikuxata ti'itawatɨ yuhepaɨ tewi hepaɨtsita, mɨkɨ 'ixipara meta titsuname meta 'ɨrɨ manuyemɨtsɨ hepaɨ kani'aneni.