Memeyekɨ 20:13 - Kakaɨyari Niukieya

¹³ »Pepɨkati'amemiwani.

Memeyekɨ 20:13 ပူးပေါင်းရင်းမြစ်များ

Xumatari 13:9

Mɨkɨ niuki: «Xeime 'ɨyaya pepɨkakumaɨwani», «Pepɨkati'amemiwani», «Pepɨkatinawayani», «Peti'itawatɨ pepɨkatihekɨatani», «Pepɨkati'akahiwe'erieka», xewitɨ 'aitsika xɨka xuawenita, mɨkɨ naitɨ kaniyutaxewireni 'ikɨ niukikɨ: «'Ahepaɨ tewi kenenaki'erieka kepemɨti'anaki'erie 'ekɨ».

Hutarieka 'inɨari 5:17

»Pepɨkati'amemiwani.

Memeyekɨ 21:14

»Xɨka 'imani mɨtiuyumi, mɨkɨ ke'umierieni tsepa muyu'awieta netukita mawari taiyametsie.

Tsatiyaku 2:11

Matsi kemɨ'ane mɨpaɨ maine: «Xeime 'ɨyaya pepɨkakumaɨwani», mɨpaɨta kaniutayɨni: «Pepɨkati'amemiwani». Xɨka tsepa xeime 'ɨyaya pemɨka'ukumayɨa, matsi xɨka peti'amemiwani, 'inɨari niukiyari pekaneutitsanaxɨani.

Mateu 19:18

Tewi mɨpaɨ katinitahɨawe: —¿Kemɨ'ane 'aitsikate? Ketsutsi mɨpaɨ katinita'eiya: —“Pepɨkati'amemiwani, xeime 'ɨyaya kɨnaya pepɨkakumaɨwani, pepɨkatinawayani, peti'itawatɨ pepɨkatihekɨatani,

Mawari 24:21

»Kemɨ'ane tewatsiekame mumieni xeime kaniyetuamɨkɨ mimikɨ, matsi kemɨ'ane tewi mumieni mɨkɨta kanimieriemɨkɨ.

Memeyekɨ 21:20

»Xɨka xewitɨ tiyu'uximayatame hekuwaxɨani kɨyekɨ 'ukitɨme yatɨni 'ukatɨme, xɨka mɨkɨ 'umɨni, kananutahɨiyamɨkɨ ti'aitɨwameya.

Tsatiyaku 2:13

Kemɨ'ane mɨkatiyukanenimaya, 'itsɨkame ka'inenimayatɨ pitahɨawe. Matsi kemɨ'ane mɨtiyukanenimaya, Kakaɨyari 'inenimayatɨ kanitahɨawimɨkɨ.

1 Timuteu 1:9

Mɨpaɨ timaitɨ, 'inɨari pɨkaheuyewetse xɨka tewi heitseriemekɨ yatikamieni hetsiena, mɨkɨ 'inɨari memɨtitsana wahepaɨtsita pɨta pɨkuxaxatsiwa, mɨkɨ memɨka'enana wahepaɨtsita meta mɨkɨ Kakaɨyari memɨka'ayexeiya 'axamemɨteyurie wahepaɨtsita, mɨkɨ 'axamemɨ'anene Kakaɨyari memɨxani'erie wahepaɨtsita, mɨkɨ memɨwakuya yupaapama meta memɨteyumemiwa wahepaɨtsita,

Kitsariyaxi 26:21

Xekenayeneniereni, Yawé yukiita kaniwayeyeimɨkɨ 'axamemɨteyurie tiwakwinitɨanike kwiepa memɨtama. Kwie xuriya mutayeuriya kanihekɨatamɨkɨ, xuriya mana memutayeuri pɨkawa'awietaniri.

Karatsiyatari 5:21

katinayu'iwakamɨkɨ, katiniyumemiwamɨkɨ, kanitawenemɨkɨ, kaniku'ixɨaranemɨkɨ, mɨpaɨ 'aneneme katiniyurienemɨkɨ. Mɨkɨ hepaɨtsita, kenemɨtixeku'imaiyakai, yaxeikɨa nekatinixeku'imaiyani, mɨkɨ mɨpaɨ memɨteyurie, wahetsie pɨkatinakeni Kakaɨyari tiwa'aitɨwame mɨhɨkɨtɨnikɨ.

Temaiwawemete 1:18

Peru mɨkɨ 'axamemɨte'u'iyari yɨkɨmana yutukari mepɨwiniyatɨwe, mɨpaɨ mekateniyuka'unakuni.

Temaiwawemete 1:11

Xɨka mɨpaɨ memetehahɨaweni: «Kɨmɨ tahamatɨa kenemie. Xeime tepuhupieni tsepa 'atsimɨkatiuyuri tepeimieni yakɨxeikɨa.

Nɨ'ariekate 28:4

Teɨteri mana kiekatari me'ixeiyatɨ kuu mamayatsie hawiekame, mɨpaɨ mekateniyukɨhɨawekaitɨni yunaitɨ: «Xɨari 'ikɨ tewi tiyumiekame pɨhɨkɨ, tsepanetɨ haramaratsie mutawikwei, heitserie pɨkapitɨarie 'ayenieretɨ mɨyuhayewanikɨ».

Keremiyaxi 26:15

Peru mɨpaɨ xeketenemaika xɨka xeme xenetsi'umieni, 'atsikatiuka'iyarime xuriyaya xepɨtayeurieni yuhetsie meta yunaime 'ena kiekatari wahetsie. Peru kaniyuritɨni Yawé kaneneyenɨ'ani 'ikɨ niuki nemɨxetaxatɨanikɨ hekɨakamekɨ».

2 Te'aitamete 21:16

Ke'axameteyuriekame muwarayeitɨa Kura kwieyaritsie kiekatari Yawé kemɨkatinake, metatsiere Manatsexi waɨkawa teɨteri kaniwarukwini 'atsimekateyuriekame, Kerutsareme kiekariyaritsie mɨkite waxuriya kaniutahɨniya.

Memeyekɨ 21:29

»Xɨka tuuru tiyutsikɨpani, ke'umierieni tetexikɨ tituaxiexɨame xɨka tewi 'umieni 'ukaratsi yatɨni 'uki. Kutsiyarieya xɨka 'imaikaitɨni kename tuuruya tiyutsikɨpa, mɨyatɨtɨ xɨka ka'ekuwieni, mɨkɨta kutsiyarieya ke'umierieni.

Marikuxi 10:19

'Ekɨtsɨ 'aitsikate pekanimaika: “Pepɨkati'amemiwani, xeime 'ɨyaya kɨnaya pepɨkakumaɨwani, pepɨkatinawayani, xeimetsie pepɨkarahɨpani peti'itawatɨ, pepɨkati'akwamanani, 'apaapa meta 'amaama keniwareu'enieka”.

Rukaxi 18:20

'Ekɨtsɨ 'aitsikate pepɨmate: “Xeime 'ɨyaya kɨnaya pepɨkakumaɨwani, pepɨkati'amemiwani, pepɨkatinawayani, xeimetsie pepɨkarahɨpani peti'itawatɨ, 'apaapa meta 'amaama keniwareu'enieka”.

Memeyekɨ 21:12

»Kemɨ'ane xeime mɨtiukwinitɨani mimieni, mɨkɨta pɨmierieni.

Memeyekɨ 23:7

»Xeime tewi pepɨkaxanetani 'itarikakɨ. »Pepɨkawatakukuyani teɨteri 'atsimemɨkateyurie yamemɨtekahu, ne kemɨ'ane hetsie mɨrahɨiwa 'atsikatiyuruwame nepɨkahayeitɨa.

Mawari 24:17

»Kemɨ'ane xeime tewi mɨmieni, mɨkɨta kanimieriemɨkɨ.

Nɨ'ariekate 16:28

―Penɨkahɨrixɨa peti'akwinitɨani. Tame tanaitɨ 'uwa tekanayeteni.