Memeyekɨ 20:11 - Kakaɨyari Niukieya

¹¹ Kena'eriwani 'ataxewime tukari Yawé pɨtiutiwewi muyuawi, kwie, haramara, meta yunaime mana memɨteye'uwa, hikɨ 'atahutarieka kaniuka'uxipieni. 'Ayumieme Yawé mɨkɨ 'uxipiya tukari patsiekame kanayeitɨani.

Memeyekɨ 20:11 ပူးပေါင်းရင်းမြစ်များ

Memeyekɨ 31:17

'inɨari yamɨreuyuhane pɨhɨkɨtɨni mɨkɨ meta ne. »Kaniyuritɨni, 'ataxewi tukari Yawé katiniutawewieni, muyuawi taheima mieme meta kwie, 'atahutarieka tukaritsie puka'uxipi».

Nɨ'ariekate 20:7

Hikɨ mexɨakame tukari tsemanatsie tekanitakuxeɨrieni paa temɨtitarakɨ. Papuru katiniwakuxaxatɨwakaitɨni, 'uxa'arieka mɨyemiekaikɨ, 'ayumieme 'apɨreuterixɨ tikuxatatɨ tɨkari hixɨapake.

Tsutɨarika 1:28

'Aixɨa kaniwaruyurieni mɨpaɨ 'utaitɨ: «Xekeneyuxiɨtɨaka xekeneyɨmɨiriyani, kwiepa xekenehɨneni xeketene'aitani. Xepɨhɨritɨarieni ketsɨte haramaratsie miemete, wikixi yunaime muyuawitsie miemete, yunaime memɨka'ukɨniwawe yuhukama memuku'uwa kwiepa».

Nɨ'ariekate 4:24

Kepauka mewaru'enieka 'axeikɨa meyuxewitɨ Kakaɨyari nenewieri mekaniupitɨani: «Ti'aitame Naitsarie pemɨti'aita, muyuawi meta kwie pemutawewi, haramara meta naime wahetsie mɨtixuawe,

Nɨ'ariekate 14:15

—Xeme teɨteri 'aku ¿titayari mɨpaɨ xeteyurie? Tame xehepaɨ tekaniteɨteritɨni, xehepaɨ tekateniu'iyarini. Niuki 'aixɨa manuyɨne temɨxekuxaxatɨwa xemɨtehayewakɨ yakɨ xeikɨa xemɨteyurie, Kakaɨyari mayeyuritsie xemɨtewiyanikɨ. Mɨkɨ muyuawi, kwie meta haramara putiwewi, meta naime wahetsie memɨtexuawetɨka.

Hepɨrayutsixi 4:4

xapatsie niuki puxuawe mɨkɨ 'atahutarieka mieme tukari mɨxata mɨpaɨ 'anuyɨtɨ: «Kakaɨyari 'atahutarieka tukaritsie kaniuka'uxipieni 'inɨka yu'uximayatsika naime».

Matsiɨkɨtɨ kemɨratɨa 10:6

Kaniuyuhɨritɨani mayeniere hɨxie tsepanetɨ xeitsienituyari wiyari manuyekɨka, kemɨ'ane muyuawi, kwie, haramara meta tita naitɨ mana mɨtixɨawe, meta mɨpaɨ kaniutayɨni: «'Ari tukari kananayexɨni.

Memeyekɨ 8:22

Kepauka mɨpaɨ mɨtiyɨni, Kutseheni xeikɨa mepɨkatixuawere, mana neteɨterima memɨtiteikɨ, 'ana mɨpaɨ pepɨretimani ne Yawé, 'ikɨ kwieyaritsie nepuyeika.

Memeyekɨ 9:29

Mɨpaɨ kaniutayɨni Muitsexi: —Kepauka nemayeyani 'ikɨ kiekaritsie, Yawé nenewieri nepɨpitɨani, 'anari kayuwatɨ tɨranari kanitamarimɨkɨ meta tee wiyerimatɨ, mɨpaɨ pepɨretimani kename kwie Yawé tipiinieya.

Hutarieka 'inɨari 5:15

Kena'eriwani waɨriyarika ti'uximayatame pematɨa 'Ekipitu, meta kena'eriwani Yawé 'akakaɨyari mana mɨmatsiyewitɨ waɨkawa mariweme tiyurienetɨ. 'Ayumieme Yawé 'akakaɨyari pɨmatsi'aitɨa peme'eriwanikɨ xawati tukariyari.

Kitsariyaxi 42:10

Yawé hetsiemieme xeime kwikari hekwame xekeneutakwika, xeme, haramaratsie xematineika, meta yunaitɨ mana xemɨye'uwa, xekeneutikwikani kwie manu'axe xemɨtitei, xeme, 'ateewa haramara tetsita xemɨtitei.

Kitsariyaxi 48:13

Ne'utakɨ kwie 'aixɨa nepuyuri, netseriekɨ muyuawi neputaweraxɨ. Ne nepuwarutaterɨwaxɨ, hikɨ mɨkɨ yunaitɨ mepuhekɨarixɨa.

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.