Memeyekɨ 19:18 - Kakaɨyari Niukieya

¹⁸ Hɨri pɨkahekɨakai kɨtsikɨ, Yawé mɨkɨtsie muyeikakaikɨ taitsie yewetɨ. Pɨwaɨkawakai kɨtsi hɨritsie metineikakai, teka hepaɨ pɨtiyuxexeiyakai, meta naitɨ hɨri karima putayuanekai,

Memeyekɨ 19:18 ပူးပေါင်းရင်းမြစ်များ

'Itsɨkate 5:5

Hɨrite putiyɨyɨakaxɨ Yawé mexeiyatɨ, Kakaɨyari Tsinahi kiekame, Yawé mexeiyatɨ, 'ixaheritsixi wakakaɨyari.

Nɨawari 144:5

Yawé, muyuawi taheima muyema kenanutayepieka, muwa kenakayaka, hɨrite keneumayɨaxɨa, yaketineuyuri kɨtsi muwatinexɨanikɨ.

Matsiɨkɨtɨ kemɨratɨa 15:8

Hikɨ tukita kɨtsi kaniuyehɨne, Kakaɨyari xawatɨriyaya meta kemɨtitɨrɨkaɨye, xewitɨ pɨkayɨwekai tukita meutahanikɨ kepaukake meutipare 'atahuta kwiniyayari, 'atahutatɨ niuki tuayamete memi'atɨa.

Memeyekɨ 3:2

Mana 'uyeikakaku Yawé niuki tuayameya kaniuyuhekɨata taitsata 'ɨtsi takaku. Muitsexi mɨpaɨ katiniuniere 'ɨtsi kanitakaitɨni, peru pɨkayexɨximekai.

Keremiyaxi 4:24

Hɨrite nepuxei, puyɨyɨakatɨkatei, naitɨ yemurite pɨti'unikekai.

Tsutɨarika 19:28

Kaneutaniere Tsuruma meta Kumuxa wahepatsie meta naitsarie mayeweritsie, hikɨ mana kɨtsi kaniuxeiya mana hatineikame, huxunuta wa'atɨ pɨratineika.

Nɨawari 104:32

Mɨkɨ kwie kanixeiyani meta kanitayuitɨwani, hɨri kanikumaɨwani meta kɨtsi kaniwatinenetɨwani.

Hutarieka 'inɨari 33:2

«Yawé Tsinahi heyeyaka kaninuani: Yuteɨterima wahetsie punua, tau 'ɨrɨya hepaɨ 'anetɨ Tsehixi kwieyaritsie, puhekɨarixɨ Parani hɨriyaritsie paitɨ, meta kaninuani Meriwa-Karetsi yutserie tau 'ɨrɨya hexeiyatɨ.

Hutarieka 'inɨari 5:22

»'Ikɨ Yawé kaniniukieyatɨni karima tai hetsie mitaxa, meta haiwitɨritsie metatsiere kwi 'uyɨwikaku, kepauka xeme hɨritɨa xemɨti'ukaitsie. Mɨpaɨ xeikɨa kaniutayɨni. Hikɨ kaneka'utɨani tetexi hutame wewerimetsie, 'ana kaneniyetuirieni.

Memeyekɨ 24:17

Me'ixeiyakaku 'ixaheritsixi Yawé tɨrɨkariyaya xawatɨtɨ hɨritsie tai mɨtiyutaiya hepaɨ pɨtiyuxexeiyakai.

Hepɨrayutsixi 12:26

Mɨkɨ 'utaniukakaku 'ana kwie kaniutayuani, hikɨta kemɨtiyurieni mɨpaɨ paine ya'utaitɨ: «Xeimieme 'akuxi kwie hɨkɨame nepɨkatayuitɨani, matsi muyuawita nepɨtayuitɨani naime».

Kitsariyaxi 6:4

Waniuki yuariyaya me'u'enieka, kitenie tsutumeyari kɨyeyari kaniwatayuaxɨani meta tukita kɨtsi kaniuyeyerɨni.

Tsutɨarika 15:17

Kepauka tau makayunixɨ, kepauka mukuyɨrixɨ, kaniuhekɨare huxunu hepaɨ 'anetɨ kɨtsi watiwietɨ, meta tai mana puyewiekai, mɨkɨ tewaxi memɨxitekietɨka wahixɨata mekaniuyekɨkakaitɨni.

2 Pekuru 3:10

Peru tukari kanaye'amɨkɨ kepauka Ti'aitame munuani, tinawayame mɨ'axe hepaɨ yɨwikɨta. 'Ana muyuawi kanitayeimɨkɨ karima 'utayuanekaku, tita mɨtiutiwewiya naitɨ katinikumaweriyariemɨkɨ taikɨ, meta tita kwiepa naitɨ mɨtixɨawe, naitɨ katinititaiyariemɨkɨ.

Hepɨrayutsixi 12:18

Hakewa xeme'axɨa xeme, mana xepɨka'u'axɨa meripaitɨ miemetexi wahepaɨ hakewa tewi mɨyɨwe mimayɨanikɨ yemuri, hakewa tai mɨta'a, hakewa meyɨwi, teɨka hakewa meyeika,

2 Tetsarunikatari 1:8

Heitseriemekɨ kaniwaranutaxɨriemɨkɨ mɨkɨ memɨka'imate Kakaɨyari, mɨkɨ yamemɨkatekahu Tati'aitɨwame Ketsutsi niukieya 'aixɨa manuyɨne hetsie.

Mateu 24:7

Nuiwarite mekaniwatakwikuni hipame nuiwarite meta xexuime kwieyaritsie kiekatari hipame kwieyaritsie kiekatari. Naitsarie haka kanitawemɨkɨ metatsiere kwie kanitayuamɨkɨ.

Tsakariyaxi 14:5

Hikɨ xeme xekaniyuta'unakuni mayeweritsie, karikɨ mɨkɨ 'Atsari mɨrakutewa paitɨ kaniye'atɨyeimɨkɨ. Xekaniyuta'unakuni kexemɨteyuta'unaxɨ kwie mutayuatsie 'Utsiyaxi ti'aitakaku, Kura kwieyaritsie. Hikɨ 'ana Yawé kaninuamɨkɨ takakaɨyari, hetsɨana miemete memɨpatsie yunaime warawitɨtɨ.

Nɨawari 114:7

Neuxei kwie, Yawé hɨxie keneuyɨyɨakani, Kakuwu Kakaɨyarieya hɨxie.

Nɨawari 77:18

Petayua 'ayuariya haikɨri 'amɨpatsie, 'amerɨkariya kwie puhekɨariyaxɨ, kwie putayua yuariyakɨ.

Memeyekɨ 20:18

Hikɨ 'ixaheritsixi kepauka memi'eniekai tɨranari meta kepauka merɨkariya memɨxeiyakai meta kɨtsi hɨritsie matineikakaikɨ kwinimieme mekatenimamakaitɨni 'ateewa mekaniti'ukaitɨni.

Memeyekɨ 19:13

Tsepa mɨtewi yatsepa tewatsiekame mɨyɨane, kanimɨmɨkɨ. Kemɨ'ane mimayɨani, kanimieriemɨkɨ tetexikɨ yatɨni 'ɨrɨtekɨ. Kepaukake kuxineta metayuani karima 'anake mepɨyɨwaweni.

2 Tetsarunikatari 1:7

kemɨtixepinirieni xemeta xe'uxipitɨatɨ xeme xemɨ'uximatɨarie, yatati'uxipitɨatɨ tameta, kepauka matsiɨkɨtɨ mayani Ti'aitame Ketsutsi taheima 'akamietɨ, yuniuki tuayamete memɨtɨrɨkawi wahamatɨa 'akamietɨ, taipaɨ merɨkaɨyetɨ.

Matsiɨkɨtɨ kemɨratɨa 9:2

Hikɨ katineuyepieni mɨwatixawatsie, hikɨ meukatewatsie kwauni kanewatineni teka 'amɨpa kwauniyari hepaɨ 'anetɨ, tau kahekɨakaku pukuyɨrixɨ, ka'anuyehekɨatɨ patɨa kwauni mɨwatineikakaikɨ mɨwatixawatsie.

Tsutɨarika 11:5

Hikɨ Yawé kaniukateni kiekari mɨxeiyakɨ meta tuxiyu teɨteri memiwewietɨwekaikɨ,

Memeyekɨ 19:17

Hikɨ Muitsexi 'ixaheritsixi kaniwarayewitɨni Kakaɨyari memanunakekɨ, mɨkɨ Tsinahi yemuriyaritɨa mekaniti'uni.

Memeyekɨ 34:2

Ximeripaitɨ pepɨ'akuha'aritɨani pemɨyemiekɨ hɨritsiepai Tsinahi, manutitewatsiepai mana nehɨxie kenenua.

Hutarieka 'inɨari 5:4

Yawé tai hetsie pɨxe'utahɨawixɨ xe'anutaxeiyatɨ mɨkɨ hɨritsie.

Kitsariyaxi 64:1

Mɨpaɨ tepɨteha'eriwakaku muyuawi xɨka pewakayepienike muwa pemakanenikɨ, Hɨrite 'ahɨxie putiyɨyɨakawe,

Hutarieka 'inɨari 4:36

Muyuawitsiepai yuniuki kaxeniu'enitsitɨiya, mɨpaɨ mɨmatita'ɨkitɨanikɨ. Meta kwiepa kameniuxeitsitɨani yutai kemɨtimariwe, mɨkɨtsie mɨmatsi'utahɨawixɨ.

Nehemiyaxi 9:13

»Tsinahi hɨriyaritsie pepunua, muyuawitsie paitɨ pepuwarutahɨawixɨ. Ketitamɨtiheitserie pepɨtiwarutaxatɨa meta 'inɨari niukiyari yuri maine, 'aitsika 'aixɨa mɨ'anene.

Nɨawari 18:9

Muyuawi hanutayepieka niwakayani, hai yɨyɨwimetsie 'akiekatɨ.

Nɨawari 68:9

Kakaɨyari 'aku, 'ekɨ waɨkawa wiyeri pepeyenɨ'a, 'aixɨa pepiyuri kwie tahetsiemieme.

Nɨawari 77:19

Haramaratsie 'ahuye pepanuwewi, haa waɨkawa 'apametsie pepɨtɨa, peru 'aketate pɨka'uhekɨarixɨ.

Nɨawari 114:4

Hɨrite 'amɨtɨtɨ muxatsi 'ukitsi wahepaɨ mepɨte'utsunaxɨa metatsiere yemurite 'etsimɨpepe.

'Awakuki 3:6

Kepauka muwakeka, kwie kaniutimamaweni, kepauka mɨtaneniere, nuiwarite mekaniutiyɨyɨakani. Meripaitɨ mieme hɨrite kanikapenikeni meta yemurite meripaitɨ miemete kanati'unikeni, matsi Kakaɨyari huyeteya yuheyemekɨ 'atsipɨkayɨwe.