Memeyekɨ 19:16 - Kakaɨyari Niukieya

¹⁶ Hairieka tukaritsie ximeri tɨranari kaneyuani muyuawitsie meta merɨkariya, hikɨ mana hɨritsie panukate haiwitɨri ka'anuyehekɨakametsie. Meta kuxineta karima kanetayuani naitsarie 'ixaheritsixi memakutei putayuanekai.

Memeyekɨ 19:16 ပူးပေါင်းရင်းမြစ်များ

Matsiɨkɨtɨ kemɨratɨa 4:1

Merikɨtsɨ mɨkɨ ne'uxeiyaka, tawarita nekaneutaniere, mana muyuawi nekaniuxeiya reuyepiekame. Kemɨ'ane nemu'eni matɨari paitɨ kuxineta hepaɨ ti'eniɨriɨkɨme nehamatɨa tikuxatame, mɨkɨ mɨpaɨ kanetiniutahɨawe: «'Uwa kenatiye'a: nepɨmetsixeiyatsitɨani kemɨtiyɨni 'arike».

Hepɨrayutsixi 12:21

Yemekɨ mariwetɨ mɨtiyuxexeiyakaikɨ, 'atsita Muitsexi mɨpaɨ kaniutayɨni: «Ne marikakɨ nepuyɨyɨaka».

Matsiɨkɨtɨ kemɨratɨa 11:19

Merikɨtsɨ Kakaɨyari tukieya kaneuyepiere muyuawitsie, kakuni tɨratuya mɨ'inɨariyari kanimatsiɨkɨkaitɨni tukita yekaitɨ, kaniwayemerɨkakaitɨni kaneyeyuanekaitɨni kaneyetɨrarɨkakaitɨni kwie kaniutayuani meta tee 'anenetɨ kaniukaxɨrieni.

Matsiɨkɨtɨ kemɨratɨa 8:5

Hikɨ niuki tuayame 'enuhanaka pɨtsiwiwame, tɨɨ 'utahɨniyaka mawari taiyame hetsie, kwiepa kaneihɨani, pekutɨrarɨkakai putayuanekai, pukumerɨkakai meta kwie putayua.

Matsiɨkɨtɨ kemɨratɨa 4:5

Mɨkɨ 'uweni manuwekaitsie mana kaniwayemerɨkarekaitɨni, kaneyeyuanekaitɨni meta kaneyetɨrarɨkakaitɨni. 'Uweni hɨxie 'atahutatɨ kɨxemete kanikutatawekaitɨni, 'atahutatɨ Kakaɨyari 'iyariteya mɨhɨkɨtɨkai,

Nɨawari 77:18

Petayua 'ayuariya haikɨri 'amɨpatsie, 'amerɨkariya kwie puhekɨariyaxɨ, kwie putayua yuariyakɨ.

Kuwi 38:25

¿Kemɨ'ane haa peuyepiwa waɨkawa mɨkawiyekɨ, meta kemɨ'ane wiyeri mɨtɨrɨkaɨye pupitɨa,

Memeyekɨ 20:18

Hikɨ 'ixaheritsixi kepauka memi'eniekai tɨranari meta kepauka merɨkariya memɨxeiyakai meta kɨtsi hɨritsie matineikakaikɨ kwinimieme mekatenimamakaitɨni 'ateewa mekaniti'ukaitɨni.

Memeyekɨ 19:9

hikɨ Yawé mɨpaɨ katinitahɨawe: —Ne 'ahetsɨa nepɨnehekɨata haiwitɨritsie ka'anuyehekɨakametsie, nepɨmatsitahɨawe 'ixaheritsixi memɨnetsi'enienikɨ, yuri memɨmate'eririekakɨ yuheyemekɨ. Muitsexi Yawé yakatiniutahɨawe teɨteri kememaitɨkatei,

Memeyekɨ 9:23

Muitsexi yu'itsɨ 'anukukweka muyuawitsie kaneititsera, Yawé yakatiniuyurieni tee mɨkaxɨrienikɨ naitsarie 'Ekipitu: tɨranari kaneyenɨ'ani, tee wiyerimatɨ mɨkaxɨrienikɨ meta merɨkariya.

Matsiɨkɨtɨ kemɨratɨa 1:10

Ti'aitame tukarieyatsie 'Iyari nehetsie kaninuani, meta newarita xeime nekaniu'enieni karima 'utaniukame kuxineta hepaɨ ti'eniɨriɨkɨtɨ.

Keremiyaxi 5:22

Yawé mɨpaɨ kanaineni: «¿Kamɨtsɨ petiuhayewaxɨ penetsi'ayemakatɨ? ¿Kareuyewetse pemɨnetsi'ayemakaka? Ne xiekari 'anekanitiyeni haramara mata'atɨka 'inɨarieya mɨhɨkɨtɨnikɨ, mana muye'atɨyeikanikɨ yuheyemekɨ. Tsepa hamewari mana mɨreutiwaya, mana pɨka'anutitsuna, tsepa kwinimieme mutaine, mɨkɨ 'inɨari heima pɨka'anutiyani.

Nɨawari 97:4

Mimierikayakɨ kwiepa kanakuhekɨkɨareni, 'ixeiyatɨ kwie kaniwatayuaneni.

Nɨawari 50:3

Takakaɨyari 'ukanamieni, peru kayuwatɨ hexeiyatɨ 'upɨkahamie, tai kananuyekani hɨxiena naime tititaiyatɨ, waritana katiniutatɨrarɨkani.

2 Kemɨtiuyɨ 5:14

Muyehaiwitɨriyakaikɨ mawari wewiwamete mepɨka'uyɨwekaxɨa memiyeweiyanikɨ mete'uximayatɨ, tukita Yawé xawatɨriyaya witsi'anetɨ mɨhɨnekaikɨ.

Memeyekɨ 40:34

Merikɨtsɨ 'ana kwitɨwa haiwitɨri 'ixuriki tukiyari kananukanani, tukita Yawé xawatɨriyaya kaniuyeyerɨni.

Mateu 24:31

Meta kuxineta hɨtsieriekaku pɨwatanɨ'axɨani yuniuki tuayamete, hikɨ mɨkɨ mepɨwakuxeɨrieni memanayexeiyarie, naitsarie kiekatari muyuawi hetɨa.

Memeyekɨ 19:11

hairieka tukaritsie mekeheha'aritsieka, 'ana mɨkɨ tukaritsie nepɨnehekɨata Tsinahi yemuriyaritsie nepɨkateni yunaitɨ teɨteri menetsixeiyakaku.

Memeyekɨ 19:15

Mɨpaɨta Muitsexi katiniwarutahɨawe: «Xekeneyukuha'aritɨa hairieka tukaritsie miemekɨ, yu'ɨitama xepɨkawakumaɨwani».

Memeyekɨ 19:17

Hikɨ Muitsexi 'ixaheritsixi kaniwarayewitɨni Kakaɨyari memanunakekɨ, mɨkɨ Tsinahi yemuriyaritɨa mekaniti'uni.

Memeyekɨ 20:21

Hikɨ Muitsexi 'ahurawa kaniuyani haiwitɨri mɨka'anuyehekɨatsie Kakaɨyari hakewa mewekai, peru 'ixaheritsixi 'ateewa mekaniti'ukaitɨni.

Hutarieka 'inɨari 5:5

'Ana ne tihekɨatame nepatɨa Yawé kemɨtixekɨhɨawekai, nemɨtixekuxaxatɨwanikɨ yemekɨ Yawé kemutainekai, xeme xemimakakaikɨ tai, xepɨka'anutikɨ hɨritsiepai. Yawé mɨpaɨ kaniutayɨni:

2 Tsamuheri 22:10

»Muyuawi 'anutayepieka, kaniwakayani, haiwitɨri mɨyɨyɨwitsie 'awetɨ.

Nahumi 1:3

Yawé yapauka muyeha'ani pɨkayɨwe, peru tɨrɨkariyaya pɨmariwe. Yawé tiwakwinitɨatɨ xeime tɨma pɨkahayewa. 'Eka meta wiyeri mɨtɨrɨkawitsata kaniumieni, hai tumuanari kanihɨkɨtɨni ketateya hetɨa mieme.

Nɨawari 81:8

»Neteɨterima kenemɨtixe'ayehɨtɨwa xekeneneu'eni, xɨa'ui 'ixaheritsixi, xɨka xeikɨa xenetsi'u'enienike.