Memeyekɨ 19:11 - Kakaɨyari Niukieya

¹¹ hairieka tukaritsie mekeheha'aritsieka, 'ana mɨkɨ tukaritsie nepɨnehekɨata Tsinahi yemuriyaritsie nepɨkateni yunaitɨ teɨteri menetsixeiyakaku.

Memeyekɨ 19:11 ပူးပေါင်းရင်းမြစ်များ

Memeyekɨ 19:16

Hairieka tukaritsie ximeri tɨranari kaneyuani muyuawitsie meta merɨkariya, hikɨ mana hɨritsie panukate haiwitɨri ka'anuyehekɨakametsie. Meta kuxineta karima kanetayuani naitsarie 'ixaheritsixi memakutei putayuanekai.

Hutarieka 'inɨari 33:2

«Yawé Tsinahi heyeyaka kaninuani: Yuteɨterima wahetsie punua, tau 'ɨrɨya hepaɨ 'anetɨ Tsehixi kwieyaritsie, puhekɨarixɨ Parani hɨriyaritsie paitɨ, meta kaninuani Meriwa-Karetsi yutserie tau 'ɨrɨya hexeiyatɨ.

Memeyekɨ 34:5

Hikɨ Yawé haiwitɨritsie kananukateni Muitsexi 'aurie kaniyuhayewa. Kemɨtitewa katinitaxatɨani:

Wani 6:38

Ne taheima nepɨka'akane tita mɨnetinake yanemɨtiyurienenikɨ, matsi tita mɨtinake 'iya mɨnetsiheyenɨ'a pɨta yanemɨtiyurienenikɨ.

Wani 3:13

Xewitɨ taheima pɨka'anutiyeiwe, mɨkɨ taheima makane Yuri Tewitɨtɨ xeikɨa pemarie.

Nɨawari 144:5

Yawé, muyuawi taheima muyema kenanutayepieka, muwa kenakayaka, hɨrite keneumayɨaxɨa, yaketineuyuri kɨtsi muwatinexɨanikɨ.

Nɨawari 18:9

Muyuawi hanutayepieka niwakayani, hai yɨyɨwimetsie 'akiekatɨ.

'Inɨatsie 11:17

Ne 'ahamatɨa nemɨtitaxatakɨ nekananukatemɨkɨ, mɨkɨ wahetsieta yanekatiniyurimɨkɨ 'iyari pemexeiya memexeiyanikɨ, memɨmatsiparewiekakɨ 'ikɨ teɨteri mɨmatsihɨritɨa wahekɨ. Mɨpaɨ 'ekɨ 'axaɨtame xeikɨa pemɨkayɨanenikɨ.

Memeyekɨ 19:20

Yawé kananukateni Tsinahi hɨriyaritsie 'amanutitewitsie paitɨ, mana Muitsexi kaniutahɨawe manutiyanikɨ. Kepauka Muitsexi hɨritsie mana mutine,

Memeyekɨ 19:18

Hɨri pɨkahekɨakai kɨtsikɨ, Yawé mɨkɨtsie muyeikakaikɨ taitsie yewetɨ. Pɨwaɨkawakai kɨtsi hɨritsie metineikakai, teka hepaɨ pɨtiyuxexeiyakai, meta naitɨ hɨri karima putayuanekai,

Memeyekɨ 3:8

Hikɨ newaxɨnake nepɨyɨane 'ekipitutari wahetsɨa, newarayewitɨnike mɨkɨ kwieyaritsie nemɨwaranuwitɨnikɨ, xeime kwie 'aixɨa mɨ'anetsie 'amakuyewatsie, retsi maxuawetsie meta xiete, nekanixatani kananeutsixi wakwieyaritsie meta hetitsixi, 'amuxeutsixi, peretseutsixi, heweutsixi meta kewutseutsixi.

Tsutɨarika 11:5

Hikɨ Yawé kaniukateni kiekari mɨxeiyakɨ meta tuxiyu teɨteri memiwewietɨwekaikɨ,

Memeyekɨ 34:2

Ximeripaitɨ pepɨ'akuha'aritɨani pemɨyemiekɨ hɨritsiepai Tsinahi, manutitewatsiepai mana nehɨxie kenenua.

Kutsuhexi 3:5

Kutsuhexi mɨpaɨ katiniwaruta'aitɨani teɨteri: «Xekeneuyu'iti, 'uxa'a Yawé mariwemekɨ katiniyurimɨkɨ xehɨxie».

Nehemiyaxi 9:13

»Tsinahi hɨriyaritsie pepunua, muyuawitsie paitɨ pepuwarutahɨawixɨ. Ketitamɨtiheitserie pepɨtiwarutaxatɨa meta 'inɨari niukiyari yuri maine, 'aitsika 'aixɨa mɨ'anene.

Memeyekɨ 24:16

Yawé tɨrɨkariyaya xawatɨtɨ kanakateni Tsinahi hɨriyaritsie, 'ataxewime tukari haiwitɨri hɨri panukanakai, 'atahutarieka tukaritsie haiwitɨritsata Yawé Muitsexi kaniutahɨawe.

Memeyekɨ 24:17

Me'ixeiyakaku 'ixaheritsixi Yawé tɨrɨkariyaya xawatɨtɨ hɨritsie tai mɨtiyutaiya hepaɨ pɨtiyuxexeiyakai.

Hutarieka 'inɨari 4:10

Kepauka xeme Yawé Kakaɨyari hamatɨa xemu'uwakaitsie Huré, 'ana mɨpaɨ kanetinetahɨawe: “Keniwarukuxeɨri teɨteri nehɨxie memɨti'unikɨ meta neniuki memɨ'enienikɨ, memɨnetsimakaxenikɨ kwiepa kepaɨmexɨa memu'uwani, meta kenemɨtiwatahɨawe mɨpaɨta memɨtewata'ɨkitɨanikɨ yuniwema”.