Memeyekɨ 18:4 - Kakaɨyari Niukieya

⁴ Xewitɨta 'Eriyetsexi pɨtitewakai. Muitsexi mɨpaɨ mutayɨkaikɨ: «Nepaapa Kakaɨyarieya pɨnetsi'uparewi, pɨnetsi'utawikweitsitɨa Parahuni netsimiemɨkɨkaku».

Memeyekɨ 18:4 ပူးပေါင်းရင်းမြစ်များ

Hepɨrayutsixi 13:6

'Ayumieme tekamamatɨ mɨpaɨ teputiyuane: «Ti'aitame kanihɨkɨtɨni kemɨ'ane mɨnetsiparewie, nepɨkamaka. ¿Kekuta netsi'uyuriwe tewi?»

2 Timuteu 4:17

Ti'aitame matsi ne'aurie puwekai netsitɨrɨkariyatɨ 'ikɨ xatsikaya yemekɨ mɨkuxaxatsiwanikɨ yanetikuxatakaku, yunaitɨ nuiwarite memi'enienikɨ. Neputawikweitsitɨarie maye pɨkanetsi'utakwai.

Nɨ'ariekate 12:11

Hikɨ Pekuru yutamaixɨaka mɨpaɨ kaniutayɨni: «Hikɨrixɨa yurikɨ nepɨretima Ti'aitame yuniuki tuayame meyenɨ'a mɨnetsitawikweitsitɨanikɨ, Herurexi mɨkanetsimienikɨ meta huriyutsixi yunaitɨ kememɨteta'ikwewakai».

Tanieri 6:22

Nekakaɨyari yuniuki tuayame kaneyenɨ'ani mayetsi watenie kaniuwiere. Yɨkɨ mepɨkanetsi'uyuri, Kakaɨyari yamɨtimatekɨ 'axanemɨkatiuyuri. Metatsiere 'Ekɨ ti'aitame 'ahepaɨtsita 'axanepɨkatiyuriwe.

Nɨawari 46:1

Kakaɨyari tahetsie nunuwame kanihɨkɨtɨni, hetsiena temɨta'awieta, yuheyemekɨ tatsiparewiwame kepauka temu'uximatɨarie.

Nɨawari 34:4

Yawé nekaniutiwauni, mɨkɨta pɨnetsi'uta'ei, waɨkawa nemakaku naime pɨnetiunawairi.

Nɨawari 18:48

'Ekɨ pepɨnetsiwikweitsitɨa memɨnetsi'aye'unie wahetsɨa, memɨnetsi'aye'unie waheima pepɨnetsikake, pepɨnetsiwikweitsitɨa teɨteri 'axamemɨte'u'iyari wahetsɨa.

Nɨawari 18:1

Yawé, yuheyemekɨ nepɨmatsinaki'erie, 'ekɨ pepɨnetɨrɨkariya.

1 Kemɨtiuyɨ 23:15

Muitsexi niwemama mepakɨ, Keritsuni meta 'Eriyetsexi.

Memeyekɨ 2:15

Mɨyatiɨyɨku Parahuni katinetimani, Muitsexi kanimienikekaitɨni, peru Muitsexi kaniyuta'una Mariyani kwieyaritsie paitɨ kaneyani, putsu matiniere kaniuyuhayewa.

Nɨ'ariekate 7:29

Hikɨ 'i'enieka mɨkɨ niuki Muitsexi kaniyuta'una. Kuyeikame kanayani Mariyani kwieyaritsie. Mana mekaniutinunuiwa niwemama yuhutatɨ.

Hepɨrayutsixi 11:34

mekanitɨni tai tsepa mɨtɨrɨkaɨyekai, mekaniutawikweni kutsirakɨ memɨkakwi'iwakɨ, tsepa memuweraranikai meputɨrɨkariyarie, kuyakɨ memɨyɨwawe mekanakɨne, mekaniwaranukuweiya kuyaxi xaɨtsie miemete.

Tsutɨarika 49:25

Neuxei Kutse: Pamɨpariyutsi 'apaapa Kakaɨyarieya mɨmatsiparewie. Pamɨpariyutsi Kakaɨyari Naimekɨmɨtɨrɨkaɨye, 'aixɨa mɨmatsiyurie. Ke 'aixɨa mɨmatsiyurie taheima miemekɨ wiyerikɨta, matsipitɨatɨ meta 'emeukatewatsie miemekɨ haixakɨ, niwekate tɨɨri kememɨtewarayexexeiya kememɨtewatsitsitɨa.

Memeyekɨ 2:22

Mɨkɨ nunutsi xeime kanayexeiya, Muitsexi Keritsuni katiniterɨwa, mɨpaɨ tiu'erieka: «'Ateewapai nepɨkiekame xaɨtsie nepuyeika».

Memeyekɨ 4:20

Hikɨ Muitsexi kaniuyukuha'aritɨani yu'ɨya meta yuniwema waranutiyatsaka puxutsie 'Ekipitu kaneyani, yumamatsie Kakaɨyari 'itsɨya kanakwekaitɨni.

1 Kemɨtiuyɨ 23:17

'Eriyetsexi xeime xeikɨa payexei yuniwe, Xekawiyaxi patɨa, mɨkɨ hɨrixɨa waɨkawa yuniwema puwarayexei.

Memeyekɨ 10:28

matsi karima Muitsexi mɨpaɨ pɨtiuhiwi: —Kenanuyeye'a. 'Amarima 'aixɨa tawarita 'uwa pepɨkahamieni nehetsɨa peye'anike. Kepauka tawarita nehetsɨa pemɨye'ani pekanimieriemɨkɨ.