Memeyekɨ 18:14 - Kakaɨyari Niukieya

¹⁴ Keturu kepauka yumune Muitsexi muxei kemɨtiyurienekai teɨteri wahamatɨa, mɨpaɨ katinitahɨawe: —Ketɨtɨ teɨteri pepɨwayuriene. ¿Ketitayari tukarikɨ meta tɨkarikɨ mana meteku'u, 'ekɨta 'axaɨta 'aperaka?

Memeyekɨ 18:14 ပူးပေါင်းရင်းမြစ်များ

Memeyekɨ 18:13

'Uxa'arieka, Muitsexi 'akanayerɨni 'ixaheritsixi wa'enienike tita memɨtehayexeiyakai hamatɨana, 'itsɨkame kanihɨkɨtɨkaitɨni wahetsiemieme, 'ixaheritsixi hɨxiena mekaniti'uni ximeripaitɨ meta mana meti'ukaku tau kanakayune.

Memeyekɨ 18:15

Muitsexi mɨpaɨ katinita'eiya: —Teɨteri nehetsɨa mepɨ'axe Kakaɨyari memɨtahɨawekɨ.

Memeyekɨ 18:26

Mɨkɨ 'itsɨkate wahepaɨ mepɨteyuriekai yamete'uximayatɨ, mɨkɨ nenika mɨti'anenekɨ 'aixɨa mepɨte'akayuruwakai, peru waɨkawa mukwaniwetɨka Muitsexi hetsɨa mepɨwarenɨ'awakai.

'Inɨatsie 15:34

Matɨari kananutahɨiyakaitɨni xeikɨa, mɨkahahekɨakaikɨ kememiyurienikekai.

'Itsɨkate 1:16

'Uwaxi nuiwarimama Keni tewiyari, Muitsexi munieya, Kura xiɨyarimama mekaniwareweiya, Makutakɨya memɨyekɨ 'atsita makumawetsie Kura kwieyaritsie, Nekexi mukuma 'Arari kwieyari 'aurie. Mana mekaniuyuhayewa mana kiekatari wahamatɨa.

2 Tsamuheri 15:2

Ximeri meripaitɨ heyeikatɨ huye tetsita kaniutakekakaitɨni, kiekari kitenie yateewa. Kepauka xewitɨ mana mutaneni ti'aitame hetsɨa hauyaka para 'aixɨa meiyurienikɨ 'uximatɨarika kemɨrexeiya hepaɨtsita, 'Awitsaruni kanita'iniwakaitɨni 'iku'iwawiyatɨ ke'aneme kiekaritsie meyeyakai. Mɨkɨ xɨka yutahekɨata kemɨ'ane 'Ixaheri nuiwaritsie mɨmieme,