Memeyekɨ 17:6 - Kakaɨyari Niukieya

⁶ ne nepɨmatsihetakwewieka tete manuka Huré mɨrakutewatsie paitɨ. Mana pepiwani tete xeimieme xeikɨa, mɨkɨtsie haa paneni yunaitɨ 'ixaheritsixi memɨtiharenikɨ. Muitsexi mɨpaɨ pɨtiuyuri, 'ixaheritsixi wa'ukiyarima wahɨxie.

Memeyekɨ 17:6 ပူးပေါင်းရင်းမြစ်များ

1 Kurinitutari 10:4

yunaitɨ 'axeikɨa 'iyaritsie mieme mekaniharekaitɨni. 'Iyaritsie mieme tete mɨwaruweiyakai, mɨkɨ kaniwaharitɨakaitɨni. Mɨkɨ tete Kɨritsitu kanihɨkɨtɨkaitɨni.

Nehemiyaxi 9:15

»Meheuhaakakwikukaku paa muyuawitsie miemekɨ pepɨwarutihuxaitɨa, meheuharikukaku pepɨwaruharitɨa haa 'aitsie mieme. Kwie pepɨwayetuiri pemɨwayetuirienikekai pemainekai.

Hutarieka 'inɨari 8:15

Yawé pɨxe'uwitɨximekai makumawe 'e'akuyeukametsie yemekɨ 'axatiu'anekaku, kwie muuwakitsie, kuuterixi memɨteyumemiwa watsata meta terɨkaxi, tete mɨtse'itsie mieme haa pɨxe'uharitɨa,

Nɨawari 105:41

'Ai kaneuyepieni, 'ana haa kananeni makumawetsie kaniuhanekaitɨni hatɨa hepaɨ.

Wani 4:10

Hikɨ Ketsutsi mɨpaɨ katinita'eiya: —Xɨka pe'imatenike tita Kakaɨyari mɨtiyumikwa, meta xɨka pe'imaikake kepaikɨ haa mɨmetsiwawirie, 'ekɨtsɨ pɨta pepɨnetsitawawirienikeyu, nepɨmatsiharitɨanikeyu haa muhanetsie mieme.

Nɨawari 114:8

Mɨkɨ 'aitsie haa kananetɨani, meta tete mayetse'itsie haixa kananetɨaxɨani.

Nɨawari 46:4

Haa mana kaniuyehaneni Kakaɨyari kiekarieya mɨtemawieritɨa, 'Amutewi kie makupatsietsie.

Nɨawari 78:20

Kepauka tete muwatsie, haa kwinie panetɨya tɨrɨkaɨyetɨ, perutsɨ ¿'ikwai tatiumiwe tsiere?, ¿yuteɨterima wai tsɨkamɨ tiwarumiwe?»

Matsiɨkɨtɨ kemɨratɨa 22:17

'Iyari meta wikiwame mɨpaɨ mekaniutiyuaneni: «Kenaye'a». Kemɨ'ane mɨ'ena mɨpaɨ ke'utayɨni: «Kenaye'a». Kemɨ'ane meuharimɨkɨ, mɨkɨ ke'ayani, meta kemɨ'ane mɨyuwaɨriya, katuiriyarietɨ ke'anuhareni kɨmana tukari mexeiyanikɨ.

Wani 4:14

peru kemɨ'ane manuhareni ne ne'iharitɨayu tawariri hatsuaku pɨkaheuharimɨkɨni, matsi mɨkɨ haa nemiharitɨani, mɨkɨ haixa kanayeimɨkɨ hetsiena 'atineikatɨ tukari mɨkaxɨwe 'ipitɨatɨ.

Kitsariyaxi 48:21

Kepauka makumawetsie muwaruwitɨtɨya, mepɨka'uharikwi, yapɨtiuyuri 'aitsie manenikɨ haa wahetsiemieme, tete kaneutara, haixa mana kananexɨani.

Memeyekɨ 16:10

Mexi'akuxi tikuxatakai 'Aruni, yunaime 'ixaheritsixi wahamatɨa mana, mekanixeiya makumawetsie haiwitɨritsie Yawé kemɨtimariwe.

Memeyekɨ 14:16

'Ekɨta 'a'itsɨ keneutatsera haramara heima, haa kananutayepierimɨkɨ mana memukɨnekɨ 'ixaheritsixi 'ayewakikaku.

'Inɨatsie 20:8

«'A'itsɨ keneutikwe'i teɨteri keniwarukuxeɨrieka. Mɨkɨ wahɨxie 'ekɨ meta 'Aruni, 'ai mɨpaɨ xekatenitahɨawikuni haa kehanetɨani. Mɨpaɨ xeteyurieyu haa kananemɨkɨ teɨteri meta tewaxi xekaniwatiharitɨakuni».

Hutarieka 'inɨari 1:2

Huré hɨriyaritsie yeyame Karetsi-Waxineya paitɨ mɨye'ani tamamata heimana xeitukariyari petewakai Tsehixi hɨriyaritsie meutiyune huyeyari 'utɨa 'umietɨ.

Nɨawari 74:15

'Ekɨ pepɨtiuyuri haixa pemanetɨaxɨa meta hatɨa, haa manuyehapane waɨkawa pepikawatsiɨxaxɨ.

Nɨawari 78:18

Naimekɨ Kakaɨyari meputa'inɨataxɨ, 'ikwai mepitawawiri tita memɨteheukwaikukai.

Nɨawari 81:7

Pe'uximatɨarietɨ pemɨnetsi'utahɨawixɨ, nekameniɨxɨna, nene'awietatɨ hai mɨmariwetsie nekameniuta'eiya, Meriwa hayaritsie nekameniuta'inɨata.