Memeyekɨ 17:14 - Kakaɨyari Niukieya

¹⁴ Merikɨtsɨ Yawé Muitsexi mɨpaɨ katiniutahɨawe: «Ketinaka'utɨa 'ikɨ nawi kwikwiekametsie, naime kemɨtiuyɨ, xewitɨ mɨkaratɨtɨmaiyanikɨ, meta Kutsuhexi mɨpaɨ ketimaika: Ne yunaime nepɨwareuyehɨani muyuawi hetɨa, mɨkɨ 'amarekitsixi meta waniwema».

Memeyekɨ 17:14 ပူးပေါင်းရင်းမြစ်များ

Memeyekɨ 34:27

Yawé Muitsexi mɨpaɨ katiniutahɨawe: —'Ikɨ niukiyari kenaka'utɨa mɨkɨ tɨratu nepɨwewie 'ahetsiemieme meta 'ixaheritsixi wahetsiemieme.

1 Tsamuheri 30:17

Hikɨ Rawiri 'ukahekɨareku kanitsutɨani wakwinetɨ, 'uxa'arieka taikaike katiniutahayewa. Nauka tsienituyari xeikɨa temari mekaniyuta'una yukameyutsixi wahetsie.

1 Tsamuheri 30:1

Merikɨtsɨ Rawiri kuyaximama, hairieka tukaritsie Tsikɨraki mekaniu'axɨani, mana 'amarekitsixi Nekexi kwieyaritsie mekanitahaxɨakaitɨni meta Tsikɨraki kiekariyari mekaniutataiya.

2 Tsamuheri 8:12

'Erumi, Muhawi, 'amunitsixi, piritsiteutsixi meta 'amarekitsixi. Meta Yawé katiniyetuirieni Harari-'Etsexi tiwapiini mɨtiwarenawairi, ti'aitame Xekuwi nu'aya Tsuwa kiekame.

'Inɨatsie 24:20

Warami 'Amareki 'uxeiyaka mɨpaɨ kaniutayɨni: «'Amareki mexɨakame nuiwari kanihɨkɨtɨni, peru 'imatɨrieka naitɨ kanika'unariemɨkɨ».

Kuwi 18:17

Kwiepa kanakuyeitɨariemɨkɨ mɨkaku'eriwanikɨ, pɨkakuxaxatsiwanitɨma mɨkɨ kwieyaritsie.

Memeyekɨ 24:4

Hikɨ Muitsexi pɨraka'utɨa naime Yawé kemɨreitahɨawixɨ. 'Uxa'arieka ximeripaitɨ nanukukeni, tenari timawame kaniutawewieni hɨritɨa. Meta tamamata heimana huta 'Ixaheri nuiwarimama 'inɨariyari, tetexi tamamata heimana huta patsiekame kanayeitɨani.

Memeyekɨ 13:9

'Ikɨ pɨ'inɨaritɨni xehetsiemieme xemamatsie ya xekanata pɨxehaye'eritɨwani kename, Yawé niukieya xeteta payekani mɨkɨ 'Ekipitu mɨxe'ayewitɨ, waɨkawa yutɨrɨkariyakɨ tiyurienetɨ.

Memeyekɨ 12:14

»'Ikɨ tukari 'aitsikayarikɨ xekena'eriwani yuheyemekɨ: 'Ikɨ 'ixɨarari kanihɨkɨtɨni Yawé hetsiemieme, 'uxa'atɨniwarie xeniwema mɨpaɨ meketeyurieka.

Temaiwawemete 10:7

Heitserie memu'uwakai tewara'eriwatɨ 'aixɨa tepɨ'itɨarie, mɨkɨ 'axamemɨte'u'iyarikai kwitɨwa mepatɨmaiyarɨwa.

Nɨawari 9:6

'Uximatɨarika kaheu'akamekɨ memɨtatsi'aye'unie pepɨwarupitɨa, wakiekari pepuka'unaxɨ, xewitɨ pɨkawara'eriwari.

Kuwi 19:23

»Xɨka neniuki haka'ɨkienike, xɨka xapatsie haka'utɨarienike.

'Etsitɨraxi 9:14

¿Ketiyɨwekuta tawarita 'a'aitsika temɨtitsanani 'ukarawetsixi 'ena memɨtama tewawitɨtɨwetɨ 'axamemɨteyurie? ¿'Aixɨa katiyɨnikeyu tahepaɨtsita xɨka pe'uyeha'ani, xɨka petatsi'ukwini yayupaɨmeme tɨma pekawahayewatɨ, nixeime tɨma mɨyuta'una peka'ipitɨatɨ?

1 Kemɨtiuyɨ 4:43

Mewarukwika 'Amareki teɨterimama memutawikwekai mana memukutekai, mana mekaniuyuhayewa, hikɨ 'akuxi mana mekanetiteni.

2 Tsamuheri 1:1

Merikɨtsɨ Tsahuri hemieriekuri, Rawiri Tsikɨraki mɨrakutewatsie huta tukari kaniuyurieni meta 'amarekitsixi wara'iwakari.

1 Tsamuheri 15:18

Meta mɨkɨ Yawé kametiutanɨ'a 'aitsikaya pemaye'atɨanikɨ. Mɨkɨ mɨpaɨ pɨmatiuta'aitɨa: “Kenemie mɨkɨ 'axateyuruwamete 'amarekitsixi keniwareka'una, keniwarekuya yunaime”.

Kutsuhexi 4:7

xeme mɨpaɨ xepɨtewatahɨawe: “Kepauka Kurutanitsie makweiyatɨya tɨratu kakuniyari Yawé hetsiemieme. Haa kananutayepiere hixɨapa, 'ikɨ tetexi mɨyamɨretei tame 'ixaheritsixi pɨta'inɨari mɨya mɨtiuyɨtsie mieme”».

Hutarieka 'inɨari 31:9

'Ikɨ 'aitsika Muitsexi kaneka'utɨani meta mawari wewiwamete rewitsixi kaniwayetuirieni, mɨkɨ memikukwetɨwekai tɨratu kakuniyari Yawé hetsiemieme, meta yunaime 'ukirawetsixi 'ixaheritsixi.

'Inɨatsie 33:2

Yawé Muitsexi ti'aitɨakaku katinaka'utɨwakaitɨni hakewa memeye'axekai hakewa memekɨkakai. Mɨpaɨ mekateniɨkɨne:

Memeyekɨ 17:13

Mɨpaɨ Kutsuhexi pɨtiwara'iwaxɨ 'amarekitsixi 'ixiparakɨ.

Memeyekɨ 32:33

Yawé Muitsexi mɨpaɨ katiniuta'eiya: —Ne nekanekayeitɨamɨkɨ nexapatsie, kemɨ'ane xeikɨa 'axamɨtiuyuri.

Keremiyaxi 36:2

«Xapa mukwikwiya kenekuwawa mana ketinaka'utɨa naime kenemɨmatiutaxatɨa kepauka Kutsiyaxi muyeikakaitsie mieme, nematikuxaxatɨwakai hikɨ 'akuxi yaxeikɨa nemutaine 'Ixaheri hepaɨtsita, meta Kura meta hipame nuiwarite wahetsiemieme.

1 Kemɨtiuyɨ 4:42

'Auxɨwime tsienituyari kuyaxi, Tsimehuni nuiwarimama memɨhɨkɨtɨkai, meniwanɨ'akaitɨni Peratiyaxi, Nehariyaxi, Xepahiyaxi meta 'Utsiheri, 'Itsi niwemama mekanihɨkɨtɨkaitɨni, Tsehixi hɨriyaritsie mekanekɨne.

Keremiyaxi 30:2

«Yawé mɨpaɨ kanaineni, 'Ixaheri Kakaɨyarieya: “Xapatsie ketinaka'utɨa naime tita nemɨmatiutaxatɨa”.