Memeyekɨ 16:6 - Kakaɨyari Niukieya

⁶ Merikɨtsɨ Muitsexi 'Aruni matɨa 'ixaheritsixi mɨpaɨ mekateniwarutahɨawe: —'Ikɨ taikaiyaritsie xepɨtehetimani kename Yawé tiuyuri 'Ekipitu mɨxe'ayewitɨ,

Memeyekɨ 16:6 ပူးပေါင်းရင်းမြစ်များ

Memeyekɨ 6:7

Ne, xeme nekiekari nepɨxe'ayeitɨani, neta xekakaɨyari. Mɨpaɨ 'ana mepɨtehetimani, kename ne Yawé nexekakaɨyari, nemɨxe'ɨxɨnaxɨ 'ekipitutari kememɨtexe'uximatɨakai.

'Inɨatsie 16:30

Xɨkata Yawé hekwamekɨ yɨkɨ tiuyurieni kwie 'anutayepieni, xɨka wareukakwani meta naime wapiinite, xɨka me'ayenenieretɨ meheukateukieni, hikɨ 'ana mɨpaɨ xekatenetimaikuni kename mɨkɨ Yawé tixaɨtɨ katihɨkɨtɨme me'ayeitɨa.

'Inɨatsie 16:28

Muitsexi tawarita mɨpaɨ kaniutayɨni: —Hikɨ xekatenetimaikuni xɨka Yawé netsinɨ'aka yatɨ kenemɨtinekɨhɨawe xeikɨa nepɨtiyuriene.

Nɨawari 77:20

Muitsexi 'Aruni wahekɨ, 'ateɨterima pepɨwarewitɨ muxatsi wahepaɨ.

Memeyekɨ 32:11

Muitsexi Yawé yukakaɨyari kaninɨtɨamɨkɨkaitɨni mɨpaɨ katinitawawirieni: —Neuxei Yawé, ¿'ateɨterima wahepaɨtsita pepɨkaha'aka, pemɨwarayewitɨ 'Ekipitu 'atɨrɨkariyakɨ waɨkawa petiyurienetɨ?

Memeyekɨ 32:7

Merikɨtsɨ Yawé Muitsexi mɨpaɨ katiniutahɨawe: —Xeiya kenanukaye'a teɨteri 'Ekipitu pemɨwarayewitɨ 'axamepɨteyurie.

Memeyekɨ 32:1

Merikɨtsɨ Muitsexi 'ekatineutewikaitɨni kanuawetɨ Tsinahi hɨriyaritsie heyeikatɨ, hikɨ 'Aruni hɨxie 'ixaheritsixi me'u'axɨaka mɨpaɨ mekatenitahɨawe: —Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyɨnixɨ.

Memeyekɨ 16:8

Muitsexi mɨpaɨ katiniwarutahɨawe: —'Ikɨ taikaiyaritsie Yawé wai kanixemimɨkɨ, paa xetikwame xekanitihuxaikuni kanixe'u'enieni hepaɨtsitana 'axakexemutiyua. Tame tixaɨtɨ tepɨkatehɨkɨ. Xeme ke'axaxemutiyuane tahetsiemieme xepɨka'utiyuane, Yawé hetsiemieme pɨta xekaniutiyuaneni.

Memeyekɨ 16:3

Mɨpaɨ 'ixaheritsixi mekaniutiyuanekaitɨni: —Matsi 'aixɨa pɨ'anekai xɨka Yawé tatsihekwinike 'Ekipitu paitɨ. Mana 'aixɨa tepɨtehetikwa'akai wai 'itsarikɨ meta pakɨ yemekɨ tepetihuxarɨwekai. Xeme xepɨtatsiheyewitɨ, 'ena makumawetsie teyunaime xemɨtatsikwinikɨ haakakɨ.

Memeyekɨ 12:51

Kwitɨwa mɨkɨ tukaritsie Yawé pɨwarayewitɨ 'ixaheritsixi 'Ekipitu kwieyaritsie, meyumɨireme.

Memeyekɨ 6:6

'Ayumieme kenemie mɨpaɨ ketiniwaretahɨawi 'ixaheritsixi: “Ne Yawé nepɨhɨkɨ, ne nepɨxexɨna 'ekipitutari kememɨtexe'uximatɨa, ne nepɨxexɨna kexemɨte'uximayatamete, ne nepɨxexɨna waɨkawa 'inɨari newewietɨ meta mamariwawemekɨ 'aixɨa nepɨtiyurieni.

Nɨawari 81:11

»Neuxei peru neteɨterima mepɨkanetsi'u'eni, 'ixaheritsixi yamepɨkatekakɨ kenemainekai.