Memeyekɨ 16:4 - Kakaɨyari Niukieya

⁴ Hikɨ Yawé mɨpaɨ Muitsexi katiniutahɨawe: «Yanepɨtiyurieni mɨkawiyekɨ paa muyuawitsie mieme. 'Ixaheritsixi yunaitɨ meke'ikuteɨxɨni xeitukaritsie mieme yuxexuitɨ, nekaniwata'inɨatamɨkɨ xɨka 'aku yametekakɨnikuni yatɨ pɨtikatixaɨ.

Memeyekɨ 16:4 ပူးပေါင်းရင်းမြစ်များ

1 Kurinitutari 10:3

Yunaitɨ 'axeikɨa 'iyaritsie mieme mekatenikwakaitɨni,

Nɨawari 105:40

Kepauka 'ikwai memuta'iwau, mɨkɨ xɨ'aurixi kaniwareyenɨ'airieni, 'ikwai muyuawitsie miemekɨ kaniwarutihuxaitɨani.

Hutarieka 'inɨari 8:2

Xekena'eriwani huta tewiyari wiyari Yawé xekakaɨyari mɨxe'uwitɨximekai huyeta tukarikɨ meta tɨkarikɨ makumawetsie, puxetiuka'enitsitɨa mana waɨkawa pɨxe'uta'inɨataxɨ yamɨretimanikɨ tita yu'iyaritsie xemɨtehexeiya, meta yamɨretimanikɨ xɨka 'aitsikaya xe'eye'atɨaka yatɨ hawaikɨ.

Memeyekɨ 15:25

Muitsexi Yawé kaniutawawirieni, mɨkɨ pixeitsitɨa kɨye yatewime, mɨkɨ Muitsexi hapa kaneikahɨani, yapauka haa 'aixɨa ha'anetɨ kanayani. Mana Yawé kaniwaruta'inɨata, kaniwarupitɨani 'inɨari niukiyari kememɨtekahuni.

Nehemiyaxi 9:15

»Meheuhaakakwikukaku paa muyuawitsie miemekɨ pepɨwarutihuxaitɨa, meheuharikukaku pepɨwaruharitɨa haa 'aitsie mieme. Kwie pepɨwayetuiri pemɨwayetuirienikekai pemainekai.

Hutarieka 'inɨari 8:16

makumawetsie manana payari pɨxemikwakai, mɨkɨ 'ikwai hatsuaku xetutsima memɨkaheitima. Mɨpaɨ pɨxetiuka'enitsitɨa meta pɨxe'uta'inɨataxɨ, 'arike 'imatɨrieka 'aixɨa mɨxetiyuriekakɨ:

Mateu 6:11

'Ikwai ketaneumikwa hikɨ temeiyehɨwa.

Temaiwawemete 30:8

Keneneparewieka nemɨkati'itawanikɨ, tixaɨtɨ nekarexeiyame pepɨkanetsihayeitɨwani meta xiku nemɨka'ayanikɨ, matsi pɨta paa xeitukariyaritsie mieme keneneyetuiriwani.

Nehemiyaxi 11:23

Mɨkɨ ti'aitame pɨtiwa'aitɨakai kehapaɨ memɨte'uximayakakekai kwikamete naime tukaritsie.

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

Rukaxi 11:3

'Ikwai tukarikɨ ketemɨteheiyehɨwa, tukarikɨ yaketatinemikwani.

Memeyekɨ 16:15

'Ixaheritsixi memɨkatemaikaikɨ ketitamɨtihɨkɨtɨkai, me'ixeiyatɨ mɨpaɨ mepɨteyuku'iwawiyakai: «¿Ketita tihɨkɨ 'ikɨ?» Muitsexi mɨpaɨ katiniwarutahɨawe: —Mɨkɨ paa kanihɨkɨtɨni Yawé mɨxemikwa xemitikwanikɨ.

Nɨawari 78:23

Meutitewatsie paitɨ haiwitɨri mɨpaɨ katiniuta'aitɨani, hikɨ muyuawitsie katineuyepiere.

Nehemiyaxi 9:20

»'A'iyari 'aixɨa mɨ'anekɨ memɨtemaiwawenikɨ pepɨwarupitɨa. Manana pepɨkawarunawairi me'ikwakaku, haa pepɨwaruharitɨa memɨkaheuharikunikɨ.