Memeyekɨ 16:3 - Kakaɨyari Niukieya

³ Mɨpaɨ 'ixaheritsixi mekaniutiyuanekaitɨni: —Matsi 'aixɨa pɨ'anekai xɨka Yawé tatsihekwinike 'Ekipitu paitɨ. Mana 'aixɨa tepɨtehetikwa'akai wai 'itsarikɨ meta pakɨ yemekɨ tepetihuxarɨwekai. Xeme xepɨtatsiheyewitɨ, 'ena makumawetsie teyunaime xemɨtatsikwinikɨ haakakɨ.

Memeyekɨ 16:3 ပူးပေါင်းရင်းမြစ်များ

Memeyekɨ 17:3

Peru 'ixaheritsixi waɨkawa mepeuharikukai, Muitsexi hepaɨtsita mepɨniukixiekai. Mɨpaɨ mekatenikɨhɨawekaitɨni: —¿Ketitayari petarayewitɨ 'Ekipitu kwieyaritsie? Kauka xeikɨa petatsiheyewitɨ teyeharikwitɨwetɨ temɨkwinikɨ, taniwema meta tatewama.

Hiwerika 4:9

'Aixɨa mekani'itɨarieka kemɨ'ane memukwi'iwaxɨ 'ixiparakɨ, keyuri haakakɨ memukwi. Haaka wara'iwakaku mekanitakukuweni, karikɨ mɨtiumawekɨ 'ikwaxite 'ɨtsita timieme.

Hutarieka 'inɨari 28:67

Waɨkawa xenenieretɨ heinɨtsikɨ, marika xehetsie punuani, ximeri mɨpaɨ xepaitɨkani: “'Arikutari mɨniɨkɨyɨreke”, tɨkarikɨta mɨpaɨ xepaitɨkani: “'Ariri mɨniukuhekɨareke”.

Keremiyaxi 2:6

Hatsuaku mɨpaɨ mepɨka'utiyua: “¿Hakewari Yawé 'Ekipitu mɨtatsihayewitɨ, makumawetsie mɨtatsi'uwitɨximekai, 'uwakikaku kweriwa'anekɨa, tixaɨtɨ mɨkaraxuawetsie meta 'umariwekaku, hakewa xewitɨ muka'anuyeikatsie meta xewitɨ muwa mɨkakietsie?”

'Inɨatsie 14:2

Meyu'uximatɨatɨ Muitsexi hetsiemieme meta 'Aruni, yunaitɨ mɨpaɨ mekaniutiyuanekaitɨni: «Matsi temɨnekwikaitɨni 'Ekipitu paitɨ. 'Ena 'aixɨa pɨyɨni makumawetsie xɨka te'ukwini.

1 Kurinitutari 4:8

Xemeri xɨari xeputihuxai, naime xetehexeiyatɨ xepakɨ. Xekanaye'axɨani te'aitamete xemakɨnekɨ, tame xetatsitawe'erietɨ. Xɨka yurikɨ te'aitamete xe'akɨneke tɨma, tametari xehamatɨa tete'aitatɨ temakɨnekɨ.

Kutsuhexi 7:7

Kutsuhexi Kakaɨyari mɨpaɨ katiniutahɨawe: ―Yawé Kakaɨyari, ¿Titayari 'ikɨ teɨteri petiwaranawitɨ Kurutanitsie, meta petiwayetua 'amuxeutsixi wahetsɨa memɨkwinikɨ? Matsi kuta haa manuyeka 'anutaɨye temɨneyuhayewakaitɨni.

2 Kurinitutari 11:1

Xɨka xete'unewienike tewi 'atsimɨkatimate hepaɨ nemɨtikuxata. 'Ayumieme xekeneteneunewiri.

Nɨ'ariekate 26:29

Papuru mɨpaɨ katinitahɨawe: —Kakaɨyari nenewieri nepupitɨa, tsepa 'etsimɨtipaɨme yatɨni mɨtiwaɨkawa, 'ekɨri meta yunaitɨ xemɨnetsi'enie hikɨ, xɨkatɨma nehepaɨ xe'anenetɨ xehakɨneke, 'ikɨ tepɨa xeikɨa xekahexeiyatɨ kɨmana nemɨhɨa.

Kuwi 3:20

»¿Ketitayari Kakaɨyari memɨte'uka'eniwa tiwapitɨa hekɨariya memɨxeiyanikɨ? ¿Ketitayari tukari tiwapitɨa memɨte'uka'eniwa?

Kuwi 3:10

Matsi nemaama hukayatsie pɨkareuna nemutinuiwaxɨtsie meta mɨka'uta'imakɨ 'ikɨ naime 'uximatɨarika nemɨtixeiyakɨ.

Kuwi 3:1

Hikɨ mɨyatiɨyɨku, Kuwi pɨkayɨwekairi kaiwatɨ mumaka hikɨ 'axaputayɨ kepauka mutinuiwaxɨ hetsiemieme.

2 Tsamuheri 18:33

'Ikɨ tiu'enieka, ti'aitame waɨkawa kaniuyukahiwerieni, kitenie heima kii makawetsie, kananutiyani mɨpaɨ tiutsuatɨ: «Xɨa'ɨi 'Awitsaruni, neniwe. Neniwe, 'Awitsaruni, neniwe. Ne pɨta nemɨniumɨkaitɨni 'ahetsiemieme. Xɨa'ɨi 'Awitsaruni, neniwe, neniwe».

Hutarieka 'inɨari 8:3

Waɨkawa pɨxe'uta'inɨataxɨ meta xeyehaakakwitɨweme pɨxe'ayeitɨa, peru 'arike manana pɨxemikwakai, mɨkɨ 'ikwai xeme xemɨka'imatekai meta xetutsima mepɨkaheitima, mɨpaɨ pɨxetiuta'ɨkitɨa kename tewi pakɨ xeikɨa ka'ayeniereni, matsita naitɨ Yawé niukieya peuyewetse.

'Inɨatsie 16:41

'Uxa'ariekata, yunaitɨ 'ixaheritsixi Muitsexi meta 'Aruni mekaniwarutiniukimatɨkɨne mɨpaɨ me'utiyuatɨ: —Xeme Yawé teɨterimama xekaniwarukwini.

'Inɨatsie 16:13

¿Kamɨtsɨ tixaɨtɨ pekarayeitɨa pemɨtatsi'ayewitɨ hakewa retsi meta xiete waɨkawa mexuawe, pemɨtatsikwiximenikɨ 'ena makumawetsie ti'aitame pemayuyeitɨanikɨ tahetsie?

'Inɨatsie 11:15

Xɨka mɨpaɨ petiyurienemɨkɨ, ne nepɨmatsiwawirie netukari pemɨnetsi nawairienikɨ. Mɨpaɨ nepɨratɨmaiya hikɨ kenemɨtiuka'eniwa.

Memeyekɨ 5:21

mɨpaɨ mekateniwarutahɨawe: «Yawé kexeheutixeiyaxɨani kexehanutaxɨrieni. Xeme ya'ane xeheutiwiwiexɨaku 'axatepu'ɨatɨka Parahuni hɨxie yaxeikɨa memɨte'i'uximayatsirie wahɨxie, xeme xekateniuyurieni 'ixipara xemɨwarukweitɨa memɨtatsikwinikɨ».

Memeyekɨ 2:23

Mɨixa wiyari 'anuyeyaku, ti'aitame 'Ekipitu kiekame kaniumɨni. 'Ixaheritsixi yaxeikɨa mekateniuka'eniwakaitɨni, waɨriyarika te'uximayatamete mehɨkɨtɨtɨ, mekaniutihiwakaitɨni parewiya meheuyehɨatɨ. Wahiwari Kakaɨyari kaniu'enieni mewaɨripiekaku.

'Inɨatsie 14:3

¿Titayari Yawé 'ikɨ kwieyaritsie tareyewitɨ? ¿'Ixiparakɨtsɨ temɨkwi'iwakɨ, ta'ɨitama taniwema memɨwaranuwitɨnikɨ? ¿'Aixɨa kati'ane xɨka tehakunuaxɨani 'Ekipitu?»

Nɨawari 78:19

Niuki mepɨxɨatɨakai Kakaɨyari hepaɨtsita, matsi 'akuxi mɨpaɨ meputiyua: «¿Kakaɨyari kamɨtsɨ tiyɨwe mexa makumawetsie mutakeni tatiminike?

Nɨawari 78:25

Yunaitɨ mɨkɨ niukituayamete wa'ikwai mekaniutikwani, Kakaɨyari 'ikwai kaniwareyenɨ'airieni kaniwarutihuxaitɨani.

Keremiyaxi 42:14

matsi 'Ekipitu tepɨyehu, kuyaxa memawetsie, hakewa kuxineta temɨkahe'enieni, hakewa temɨkahehaakakwini, mana tekanetitekuni”,

Keremiyaxi 44:17

Matsi pɨta, tepiyeweiyani ketemutiyua: 'Ɨkwa tepitairietɨweni meta kaxie winuyari tepitiyeuririwani kakaɨyari 'Uka Muyuawitsie Ti'aitame ketemɨteyuriekai meta meripaitɨ tatutsima kememɨteyuriekai meta tate'aitɨwamete meta waparewiwamete, Kura kiekariyaritsie meta Kerutsareme kayeyari'utɨma. 'Ana tukaritsie waɨkawa 'ikwai tepexeiyakai 'aixɨa 'iyari tepu'uwakai meta tepɨkate'uka'eniwakai.

Memeyekɨ 14:11

Hikɨ mɨpaɨ Muitsexi mekateniutatieni: —Kamɨtsɨ karexɨawekai 'Ekipitu kwie temekateukienikɨ, ¿titayari petareyewitɨ 'enapaitɨ makumawetsie temɨkwinikɨ? ¿Kehapaɨtɨtɨ pepɨtatsiyuriene?

'Inɨatsie 11:20

matsi xeimetseri, kepaukake xetsurita makanexɨani, kepaukake xemitixani'erieni. Yawé xemu'uximatɨakɨ, xehamatɨa muyeika, xemutitsuakɨ mɨpaɨ xe'utiyuatɨ: ‘¿Titayari 'Ekipitutsie tetehayekɨ?’ ”»

'Inɨatsie 21:5

mekaniutiniukixietɨkɨne Kakaɨyari hepaɨtsita meta Muitsexi: —¿Titayari kuta 'Ekipitu xetatehayewitɨ makumawetsie temɨkwinikɨ? 'Ena 'ikwai haa kaniumaweni. 'Ariri ta'iyaritsie katineuyemieni 'ikɨ 'ikwai kwaiyarikɨ.

Nɨawari 107:5

Meheuharikutɨ meta meheuhakakwikutɨ, mepɨkwiximekai.