Memeyekɨ 15:6 - Kakaɨyari Niukieya

⁶ Yawé, 'atɨrɨkariya pepuhekɨataxɨ mariwemekɨ, Yawé, memɨtatsi'aye'uniekai pepɨwarutitsanaxɨa.

Memeyekɨ 15:6 ပူးပေါင်းရင်းမြစ်များ

Kitsariyaxi 51:9

Kenanutanieri, Yawé tɨrɨkariyaya. Kenanutanieri, tɨrɨkariya kamixayari kenanakatɨki. Kenanutanieri meripaitɨ hepaɨ, meripaitɨ memu'uwakai wahepaɨ. ¿'Ekɨ pekatiuyuri Xahawi pemutaxite, meta hapa kiekame pemanuyetse?

Matsiɨkɨtɨ kemɨratɨa 2:27

―neta heitserie kemɨnetiupitɨa ne'ukiyari― “tepɨa 'itsɨyari 'akwetɨ pɨtiwa'aitɨaka, haxu xariyari hepaɨ pɨwatitara”.

Nɨawari 60:5

'Atseriekɨ ketaneutawikweitsitɨa, ketaneta'eiya 'ateɨterima pemɨwanaki'erie memɨtawikwenikɨ.

Nɨawari 2:9

Mana pekatinita'aitamɨkɨ tepɨa 'itsɨyari pe'akwetɨ, pekaniwatitaramɨkɨ haxu xariteyari hepaɨ».

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

Kitsariyaxi 52:10

Yawé yutɨrɨkariya matsiɨkɨme kanayeitɨamɨkɨ yunaime nuiwarite wahɨxie, meta yunaitɨ kwie manu'axe kiekatari takakaɨyari wikweitsitɨarikaya mepɨxeiya.

Keremiyaxi 13:14

Yanekatiniwapitɨamɨkɨ memuyutikwinikɨ yunaitɨ, wapaapama meta waniwema 'ukitsi yaxeikɨa. Ne nepɨkawatinenimayata matsi nepɨxeka'una nekaxeheunenimayatɨ’. Yawé mɨpaɨ kanaineni”».

Nɨawari 98:1

Xekenekwikani Yawé hetsiemieme kwikari hekwame, mariweme mɨtiuyurikɨ. Yɨtɨrɨkariyakɨ, yumamá patsiekamekɨ, mɨwara'iwaxɨkɨ memeye'unie.

Nɨawari 77:10

Mɨpaɨ nepɨti'eriwa: «'Ikɨ yemekɨ pɨnetsihekukukuine: 'Amutewi yɨtɨrɨkariyakɨ pɨkatatsiparewie».

Nɨawari 74:11

¿Titayari kayuwatɨ petiuma pemɨkayɨweni hepaɨ? ¿Titayari 'atapa perawie?

Nɨawari 44:3

Wa'ixipara pɨkatiuyuri kwie mema'iwaxɨ, yukɨmana mepɨkate'uyuri memɨte'ayu'iwaxɨ: matsi 'atɨrɨkariya pɨtiuyuri, 'amamá 'atserieta mieme pɨtiuyuri, 'anierika xawatɨriyaya pɨtiuyuri, 'ekɨ pemɨwanaki'eriekaikɨ.

Nɨawari 17:7

'Ekɨ, 'atɨrɨkariyakɨ pemɨwawikweitsitɨawe, kemɨ'ane memuyu'unarɨme memɨwaraye'unie mewaruweiyakaku, 'inɨari yakenetineuxeitsitɨa waɨkawa kepemɨti'akanaki'erie.

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Kitsariyaxi 30:14

'Axakexemɨye'uyuri 'etsipepetɨ kanayeimɨkɨ, 'etsipepetɨ, xari mutatare hepaɨ: nixewitɨ tɨma 'etsiyeutɨ tiyunaki'erietɨ pɨkayuhayewa, kɨmana tɨɨ taipa manayetɨkɨ pɨkayɨweni meta putsuta haa muwatihana».

Memeyekɨ 3:20

'Ayumieme netɨrɨkariya nepɨhekɨata, nepɨtiwakwinitɨani 'ekipitutari 'inɨari kenemɨtiwewieni mariwemekɨ watsata. Naitɨ mɨkɨ ranuyeyayu Parahuni pɨxepitɨani xemɨyehukɨ.

Memeyekɨ 6:1

Yawé mɨpaɨ katinita'eiya: —Patsɨ pekaninierimɨkɨ kenemɨtiyurieni Parahuni hetsɨa. Netɨrɨkariya xeikɨa kanixepitɨamɨkɨ xemɨyehukɨ, netɨrɨkariyakɨ xeikɨa mɨkɨ kwieyaritsie xekanayeweiyariekuni.

Memeyekɨ 15:12

Kepauka 'ekɨ 'atserie pemutatseraxɨ, kwie pɨwareukakwai.

Memeyekɨ 15:16

mɨkɨtsɨ wahetsie pɨtinakeni marika. Yawé, kepemɨtitɨrɨkaɨyekɨ, mekaniuwawetɨ mepakɨne tetexi wahepaɨ kepaukake 'ateɨterima memanuyekɨne, teɨteri 'ahetsiemieme pemɨwarutinanai.

Memeyekɨ 18:8

Muwa Muitsexi naime katinitaxatɨani yumune, Yawé kemɨtiuyuri Parahuni 'Ekipitu kiekame hɨxie meta 'ixaheritsixi wahetsiemieme naime kwaniwemekɨ kememɨte'uhukai huyeta Yawé kemɨtiwaparewiekai.

1 Tsamuheri 2:10

»Yawé memeye'unie kaniwaka'unamɨkɨ, muyuawitsiepaitɨ mimierɨkari kananakanɨ'amɨkɨ wahetsie. Yawé yunaime kwiepa memɨtama pɨwa'itsɨkame, mɨkɨ ti'aitamekɨ manukakeni waɨkawa tɨrɨkaɨyeme payeitɨani meta mɨkɨ menayexei tɨrɨkariya pupitɨa».

Nɨawari 24:8

¿Kemɨ'ane mɨkɨ Ti'aitame witsimɨ'ane pɨhɨkɨ? Yawé, mɨtɨrɨkaɨye meta mɨrayu'iwa, Yawé, kwinimieme mɨreuyutamiewe.

Nɨawari 44:4

'Ekɨ xeikɨa ti'aitame nehetsiemieme pepɨhɨkɨ meta nekakaɨyari. Kakuwu mɨrayu'iwakɨ pepiparewi.

Nɨawari 89:14

'Aixɨa mɨti'ane meta tita mɨtiheitserie mɨkɨ 'a'uweni pɨtsutɨmeyari, meta 'aniukamete mepɨhɨkɨ naki'eriya meta yuri mɨraine.

Kitsariyaxi 63:12

yamɨtiuyuri yumamá mariwemekɨ Muitsexi tserieta mumienikɨ, kemɨ'ane haa manutayepi mana muyanikɨ, yuheyemekɨ matiwatɨ mayanikɨ?