Memeyekɨ 15:5 - Kakaɨyari Niukieya

⁵ Haramara 'amatiyewatsie mekaniukayunixɨani, meukatewatsiepaitɨ tetexi hepaɨ mekaniukayunixɨani.

Memeyekɨ 15:5 ပူးပေါင်းရင်းမြစ်များ

Nehemiyaxi 9:11

Wahɨxie haramara pepanutayepi, mepanukɨ 'ayewakikaku. Peru memɨwaruweiyakai haramara 'ameukatewatsie pepɨwareukaxɨri, tetexi wahepaɨ tetɨata paitɨ.

Memeyekɨ 15:10

Peru 'ekɨ xeimieme pewaruhɨtsieku haramara pɨwareukakwai, mepukayunixɨa tepɨa mahete hepaɨ.

Memeyekɨ 14:28

Haramara heitserie 'anuyemareku, kaniwarukayunitɨani kaxetate meta teɨteri memutei Parahuni hetsɨa miemete, meta yunaitɨ kemɨ'ane 'ixaheritsixi memɨwaranukuweiyakai. Mɨkɨ nixewitɨ pɨka'utawikwei.

'Etsekieri 27:34

Peru hikɨ haramara pɨmatsi'utamuraxɨ, haramara 'ameukatewatsie pepɨyeka. 'Apiinite meta kemɨ'ane pemɨtiwa'aitɨakai 'ahamatɨa mepukayunixɨa.

Matsiɨkɨtɨ kemɨratɨa 18:21

Hikɨ niuki tuayame mɨtɨrɨkaɨye tete murinayari xikɨraɨyeme kananuku'ɨni, haramaratsie kaneikahɨani mɨpaɨ 'utaitɨ: «Yaxeikɨata 'ekɨ, Wawiruniya, kiekari mɨmariwe, pekatinikwinitɨariemɨkɨ, meta mɨpaɨ pekatinakumaweriyariemɨkɨ 'ena kwiepa.

Mateu 18:6

Peru, kemɨ'ane yamɨtiyurieni 'axamɨtiyurienikɨ xewitɨ 'ikɨ tɨɨri yuri memɨte'erie nehetsie, 'aixɨa kaniyɨnikeyu matsi xɨka tete matayari mahete 'akatɨtɨarienike meta xɨka haramaratsie heukahɨiyanike meukatewatsie.

Mikeyaxi 7:19

Tawari ketaneutinenimayata. Ke'axatemɨte'uyuritsie kenakexi, meta naime 'axaketemɨte'uyuri haramara 'amatiyewatsie ketineukaxɨri.

Kunatsi 2:2

Mɨpaɨ kaniutayɨni: «Waɨkawa neyuhiwerietɨ Yawé neputahiwi, hikɨ mɨkɨta pɨnetsi'uta'ei. Kepauka 'aritɨtɨri nemɨmɨkikai parewiya nekaniuta'iwauni, 'ana 'ekɨ nehiwari pepu'eni.

Memeyekɨ 15:16

mɨkɨtsɨ wahetsie pɨtinakeni marika. Yawé, kepemɨtitɨrɨkaɨyekɨ, mekaniuwawetɨ mepakɨne tetexi wahepaɨ kepaukake 'ateɨterima memanuyekɨne, teɨteri 'ahetsiemieme pemɨwarutinanai.

Nɨawari 106:11

Memɨwaraye'uniekai haa waheima kaniuyeurieni, mɨkɨ xewitɨ tɨma pɨka'utawikwei.

Temaiwawemete 8:24

Kepauka nemunetɨarietsie haramara mumariwe pumawekai, meta 'ana haixa pumawekai waɨkawa 'uhanetɨ.