Memeyekɨ 15:26 - Kakaɨyari Niukieya

²⁶ Mɨpaɨ katiniwarutahɨawe: «Netsɨ Yawé xekakaɨyari nekanihɨkɨtɨni. Xɨka neniuki xe'enietɨ yaxetekahuni heitseriemekɨ, xɨka 'inɨari niukiyaritsie yaxetekahuni kemɨreuyewetse meta ne'aitsikatsie, ne hatsuaku kwiniya nepɨkahanɨ'ani xehetsie, 'ekipitutsie kenemɨtiuyuri. Netsɨ Yawé nekanihɨkɨtɨni, hatsuaku kwiniya xehetsie pɨkatinake».

Memeyekɨ 15:26 ပူးပေါင်းရင်းမြစ်များ

Nɨawari 103:3

Mɨkɨ pɨmereuyehɨwirie naime 'axakepemɨtiuyuri meta kepemɨtiuka'eniwa naime 'aixɨa kameniyurieka,

Hutarieka 'inɨari 7:15

Yawé pɨxe'ɨwiyani xepɨkatekukuyeni, kwiniya kwinimieme mɨmayatɨka xehetsie pɨkaye'axeni 'Ekipitu xemeitima, matsi mɨkɨ memɨxe'aye'unie wahetsiemieme pɨhɨkɨtɨni.

Memeyekɨ 23:25

»Nenewieri kenepitɨaka Yawé 'akakaɨyari, mɨkɨ 'aixɨa piyurieni 'a'ikwai meta 'ahaa. »Ne naime kwiniya xehetsie nepɨkapitɨani.

Nɨawari 147:3

memɨyuhiwerie 'aixɨa meteheu'eriekame puwarayeitɨwa memawitekietɨkatsie puwaranaku'eima.

Keremiyaxi 33:6

»”Yaxeikɨata 'aixɨa meteheu'eriekame nekaniwarayeitɨamɨkɨ, nekaniwati'uayemamɨkɨ, nekaniwaranayexɨrimɨkɨ, yurikɨ 'aixɨa 'iyari memu'uwanikɨ yanekatiniyurimɨkɨ.

'Utseyaxi 6:1

Mɨpaɨ mekaniutiyuani: Hikɨmɨtɨka Yawé hetsɨa tepɨ'axɨani. Tsepa mɨkɨ mɨtatsi'utitsanaxɨ, peru 'aixɨa teteheu'eriekameta pɨtatsi'ayeitɨanita, mɨkɨ pɨtatiukwinitɨa peru pɨtatsiti'uayemani.

Mawari 26:13

Ne Yawé xekakaɨyari nekanihɨkɨtɨni, 'Ekipitu kwieyaritsie nemɨxe'ayewitɨ waɨriyarika xete'uximayatɨ xemɨtehayewakɨ. Ne xeyuku kaunariyari nekananuteke xemenuyetekakaikɨ waɨkawa xete'aitɨarietɨ, meta heitserie xehanukuneniereme nepɨxe'ayeitɨa.

Kuwi 5:18

Mɨkɨ katinakwinitɨamɨkɨ, matsita katina'uayemamɨkɨ, katinakuwaxɨamɨkɨ peruta katineunuitɨiriemɨkɨ.

Hutarieka 'inɨari 28:60

'Ekipitu naitɨ tita kwiniyayari mɨrexuawe, waɨkawa xemeitixani'eri, mɨkɨ xehetsie pɨtixuawere 'anari 'aixɨa xeteheu'erietɨ xepɨka'akɨne.

Hutarieka 'inɨari 12:28

»'Amarima 'aixɨa yaketinekamieni naime 'ikɨ 'aitsikatetsie hikɨ ne nemɨmatsiyetuirie, yuheyemekɨ 'aixɨa 'iyari pemuyeikanikɨ meta yaxeikɨa 'anuiwarima. Mɨpaɨ xɨka petiyurieneni 'aixɨa pekaniyɨanemɨkɨ Yawé 'akakaɨyari hɨxie.

1 Te'aitamete 11:33

Mɨpaɨ nepɨtiyurieni mɨkɨ mɨnetsi'uku'eirikɨ, 'Atsitaruti mayexeiyakɨ tsiruniyutsixi wakakaɨyari meta Kemuxi muhawitsixi wakakaɨyari, metatsiere Muruki 'amunitsixi wakakaɨyari. Tsarumuni nehuyeta pɨka'umie, yapɨkatiyuriwe kemɨnetinake, pɨkaraye'atɨa ne'aitsikatsie ne'inɨari niukiyaritsie, yupaapa Rawiri hepaɨ pɨkatikatɨa.

Kitsariyaxi 57:18

Wahuye nepɨxeiya, peru ne 'aixɨa meteheu'eriekame nekaniwarayeitɨamɨkɨ, 'aixɨa 'anemekɨ nepuwaranuwitɨni, yemekɨ nepuwanɨtɨani. Meta memutitsuana wahetsiemieme,

Hutarieka 'inɨari 13:18

Mɨpaɨ katiniyɨmɨkɨ, kepauka naime 'ikɨ 'aitsikate xemaye'atɨani hikɨ nemɨxeyetuirie, meta kepauka heitserie yapemɨtiyurieneni Yawé 'akakaɨyari hɨxie.

2 Te'aitamete 20:5

«Keneukunuaka 'Etsekiyaxi mɨpaɨ ketinetahɨawi, neteɨterima mɨtiwa'aitɨwame, ne Yawé kenemaine, 'ukiyarieya Rawiri Kakaɨyarieya: “Nepi'eni 'anenewieri meta nepixei 'a'ukai. 'Aixɨa pereu'eriekame nepɨmatsi'ayeitɨani kepemɨtikuye, hikɨ haika tukari 'aye'ayu pepɨyɨweni Kakaɨyari tukieyata pemɨmiekɨ.

Hutarieka 'inɨari 28:27

»Yawé pɨxeheiweritɨani kwiniyakɨ waiyaritsie 'u'urawitɨ mukuyaxike 'anenetɨ meta haiya mukuyaxike 'anutiteketɨ, 'Ekipitu metixuawerixu hepaɨ, meta nerɨitsitekɨ, meta tsikwakiriyakɨ, mɨkɨkɨ xepɨka'anayexɨrɨweni.

'Etsekieri 18:5

»Kemɨ'ane 'aixɨa mɨtiyuriene heitseriemekɨ yakatinikamieni.

Keremiyaxi 8:22

¿Kamɨtsɨ Karaha tiumaweri waritsamu? ¿Kamɨtsɨ manari tiumawe tiyu'uayemawame? ¿Titayari neteɨterima 'aixɨa mekateka'eriwawe?

2 Te'aitamete 22:2

Kutsiyaxi Yawé kemɨtinake katiniuyurieni, naimetsie yakatinikamiekaitɨni, meripaitɨ 'ukiyarieya Rawiri kemɨtikatɨa, nihatsuakɨ pɨka'iku'eiri ni'etsiwatɨma.

Mawari 26:3

»Xɨka yaxete'u'uwani kenemɨtixe'u'aitɨa meta ne'aitsikatsie yaxetekahuni 'aixɨa 'anemekɨ,

1 Te'aitamete 11:38

Xɨka naimetsie yapetikamieni kenemati'aitɨa meta xɨka nehuyeta pe'umieni, yapetiyurienetɨ kemɨnetinake meta peraye'atɨwatɨ ne'aitsikatsie meta ne'inɨari niukiyaritsie, netsiparewiwame Rawiri mɨreye'atɨa hepaɨ, ne 'ana 'ahamatɨa nekaniuyeikamɨkɨ. Ne nepɨmatsipitɨani 'anuiwari yuheyemekɨ te'aitamete memɨhɨkɨtɨnikɨ Rawiri kenemɨtiupitɨa, 'Ixaheri kwieyari nepɨmatsiyetuirieni.

Hutarieka 'inɨari 28:58

»Xɨka xekayuwaɨriyani yaxemɨteyuriekakɨ 'ikɨ naime 'aitsikatetsie, kemɨre'uxa 'ikɨ xapatsie, Yawé xekakaɨyari xɨka xeka'ayemakaka, kemɨtitewa yemekɨ mɨmariwe mɨtɨrɨkaɨye,

Memeyekɨ 12:29

Hikɨ tɨkari hixɨapa Yawé kaniwarukwini yunaime tɨɨri mexɨakate mana kiekatari, yunaitɨ yaxeikɨa katiniwaruyurieni meta Parahuni nu'aya meta pɨretsutsixi waniwema mexɨakate, meta tewaxi waniwema mexɨakate.

Memeyekɨ 19:5

Xɨka hikɨ xeme naimekɨ yaxetekakɨne, netɨratu xɨka xehaye'atɨani, neteɨterima xepɨhɨkɨtɨni yunaime nuiwarite kwiepa memɨtama wahɨxie. Tsepa naitɨ kwie nehetsɨa mɨmieme,

Memeyekɨ 19:6

xeme nehetsiemieme mawari wewiwamete nehetsɨa miemete xepɨhɨkɨtɨni, meta nuiwari xemɨpatsie”. »Naime 'ikɨ 'ixaheritsixi ketiniwarutaxatɨa».

Memeyekɨ 20:2

«Netsɨ Yawé nekanihɨkɨtɨni 'akakaɨyari. Ne nepɨmatsi'ayewitɨ 'Ekipitu, hakewa waɨkawa pemɨre'uximayakai pekarepitɨarietɨ.

Hutarieka 'inɨari 12:25

Xuriya pepɨkakwa'ani, 'aixɨa 'iyari pemuyeikanikɨ meta 'anuiwarima, heitserie yapemɨtikamiekɨ Yawé hɨxie.

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

2 Te'aitamete 2:21

'Eritseu kaneyani haixa matinieretsie, muwa 'una heukawiwieka, mɨpaɨ kaniutayɨni: —Yawé mɨpaɨ kanaineni: “Ne 'ikɨ haa 'aixɨa nekaniyurimɨkɨ, para hatsuakuri kɨmana memɨkatakukuwenikɨ meta kwie katixuaweriyaweme mɨkahayeitɨakakɨri”.

Keremiyaxi 7:23

Ne xeikɨa 'ipaɨ nekatiniwarutahɨawe: ‘Xekeneneu'enieka. Ne 'ana xekakaɨyari nepɨhɨkɨtɨni, xemeta neteɨterima. Xekeneu'uwani kehepaɨ nemɨtixe'uta'aitɨa, 'aixɨa 'iyari 'axemu'uwanikɨ’.

Keremiyaxi 11:7

Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

Keremiyaxi 17:24

»”Yawé mɨpaɨ kanaineni: ‘Xɨka yurikɨ xenetsihanu'enieni, xɨka xawatikɨ 'ika xeka'anutatɨtɨkɨne 'ikɨ kiekari kitenieyaritetsie, matsi xɨka xehe'eriwani 'ikɨ tukari tixaɨtɨkɨ xekate'uximayatɨ,

Keremiyaxi 30:17

Peru ne nekamenimanetsikitɨamɨkɨ meta kepemɨtiukwinitɨarie nekani'uayemamɨkɨ —Yawé mɨpaɨ kanaineni— pemehɨiya pemɨtiuterɨwaruwakaikɨ, Tsiyuni tixaɨtɨ mɨkarexeiya, xewitɨ mɨkahe'eriwakɨ”.

'Inɨatsie 12:13

Muitsexi Yawé mɨpaɨ katiniutawawirieni: «Kakaɨyari, waɨkawa nepɨmatsiwawirie pemenayehɨanikɨ».

Hutarieka 'inɨari 5:1

Muitsexi yunaime 'ixaheritsixi kaniwarukuxeɨrieni, mɨpaɨ katiniwarutahɨawe: «'Ixaheritsixi, xekeneu'eni 'inɨari niukiyari meta 'aitsikate waɨkawa hikɨ ne nemɨxetaxatɨani. Xekenetimati mɨkɨ meta mɨpaɨ xeketeneu'uwani.

Nɨawari 81:9

Teewatanaka kakaɨyaritɨme xeime pepɨkahayexeiyani, xeime kakaɨyaritɨme yɨkɨ 'aneme hɨxie pepɨkahekatunumaweni.

Kitsariyaxi 55:3

Kayuwatɨ xekeneneu'eni, nehetsɨa xekeneu'axɨa, xekeneneu'eni, 'axekaniu'uwakuni. Xehamatɨa tɨratu nepɨwewieni yuheyemekɨ mieme, Rawiri nemɨnaki'eriekɨ.

'Utseyaxi 11:3

Ne 'Epɨrahini muyeiwenikɨ nepɨtiti'ɨkitɨa, ne mamayatsie nemɨkawiekai nepɨhɨkɨ. Peru mɨkɨ pɨkanetsihetima kename ne 'aixɨa reu'eriekame neheyeitɨwakai kepauka mɨtikuyeni.