Memeyekɨ 15:21 - Kakaɨyari Niukieya

²¹ Miriyami mɨpaɨ katiniukwikakaitɨni: Yawé xekenenɨawani, mɨkɨ mariwemekɨ mɨrayu'iwaxɨkɨ, kawayutsixi wahetsie memutei meta kawayutsixi haramaratsie pɨwareukaxɨri.

Memeyekɨ 15:21 ပူးပေါင်းရင်းမြစ်များ

Memeyekɨ 15:1

Hikɨ Muitsexi meta 'ixaheritsixi xeime kwikari mekaniutakwika Yawé hetsiemieme, mɨpaɨ kananuyɨneni: Yawé nepɨtanɨawa, mariwemekɨ mɨrayu'iwaxɨkɨ haramaratsie pɨwareukaxɨri kawayutsixi meta teɨteri memutekai.

Matsiɨkɨtɨ kemɨratɨa 15:3

meta Muitsexi nɨawarieya mekwikatɨ Kakaɨyari ti'uximayatsiriwame, meta Muxa nɨawarieya: «Pepɨmariwe meta 'a'uximayatsika pɨtiyuhɨxiyatsitɨwa, Ti'aitame, Kakaɨyari Naimekɨmɨtɨrɨkaɨye. Heitseriemekɨ meta 'ahuye kaniyuritɨni, nuiwarite Tiwa'aitɨwame.

Matsiɨkɨtɨ kemɨratɨa 5:9

Hikɨ kwikari hekwame mekaniutakwika mɨpaɨ me'utiyuatɨ: «'Aixɨa pepɨtiuka'iyari 'ahetsie mɨtinakenikɨ pemenuhurienikɨ xapa pemexɨnaxɨanikɨ tseyuyari, 'ekɨ pemumieriekɨ, 'axuriya mutayeurikɨ Kakaɨyaritsie mieme pepɨwarutinanai teɨteri pewaxɨnake, yunaime nuiwarite wahetsɨa miemete naime niukikɨ memutiniuka, naitsarie kwiepa kiekatari yunaime teɨteriyari wahetsɨa miemete.

2 Kemɨtiuyɨ 5:13

Kuxinetakɨ teyuitɨwamete meta kwikamete Yawé mekaninɨawakaitɨni meta pamɨpariyutsi mekanipitɨakaitɨni kuxinetakɨ meteyuitɨatɨ, tepɨa mutitiraurɨkakɨ meta hipame kanaritekɨ. Kepauka memutikwikaxɨ mete'ukayuitɨwatɨ yunaitɨ mɨpaɨ mete'ukwitɨ: «Yawé 'aixɨa pɨtiuka'iyari, naki'eriyaya hawaikɨ pɨkaheu'axe», 'ana haiwitɨri Yawé tukieya panukana.

1 Tsamuheri 18:7

waɨkawa meyutemamawietɨ mɨpaɨ mekaniutiyuanekaitɨni: «Tsahuri xeikuyaxiyari kaniwarekwini, matsi Rawiri tamamata kuyaxiyari kaniwarekwini».

'Itsɨkate 5:3

»Xekeneu'enana, te'aitamete. Xekene'enanaka xemɨte'aita. Ne nepɨtakwika, Yawé nepɨtanɨawa, nepɨtikayuitɨani Yawé hetsiemieme, 'ixaheritsixi wakakaɨyari.

Matsiɨkɨtɨ kemɨratɨa 14:3

Kwikari mɨhekwa mekanikwikakaitɨni 'uweni hɨxie meti'utɨ, yunaukatɨ memayeneniere wahɨxie, meta 'ukirawetsixi wahɨxie. Xewitɨ pɨkayɨwekai meitimanikɨ mɨkɨ kwikari, mɨkɨ xeitsienituyari heimana huta tewiyari heimana nauka miriyari memɨyupaɨmekai xeikɨa mepimaikai, keyupaɨmetɨ memutixɨnarie me'utinanaiyaka kwiepa memɨtama watsata.

1 Tsamuheri 18:6

Merikɨte kepauka memakunuaxɨa kuyaxi, Rawiri piritsiteu tewiyari hemiekuri, 'ixaheritsixi yunaitɨ 'ukarawetsixi mekaniwayeyeixɨani ti'aitame Tsahuri me'anunakeke, mete'uyuitɨaximetɨ, mete'ukaye'atɨ, me'utikwitɨ,

2 Tsamuheri 1:20

»Kahati kiekariyaritsie xepɨkaheikuxatani meta 'Atsikaruni kayeyari 'utɨa mɨpaɨ xepɨkatehehiwani, 'ukari piritsiteutsixi memɨkaheyutemamawiekakɨ 'ixɨarari memɨkahewewiekakɨ mɨkɨ xitekiya 'inɨariyari memɨkahexeiya waniwema.

2 Tsamuheri 6:14

Rawiri xeime xeikɨa 'anakatɨtɨ mawari wewiwame kamixaya 'etsimɨnena rinu 'ixurikiyarikɨ mɨwewiya, katiniutineitɨyani Yawé hɨxie waɨkawamekɨ yutemawietɨ.

Nɨawari 76:6

Kakuwu Kakaɨyarieya, kepauka 'ekɨ pemɨwarutiti, kawayutsixi meta memanatei meputimama mepɨkayɨwawekai memɨyekɨnekɨ.

Memeyekɨ 15:4

Yawé haramaratsie kaniwareukaxɨrieni, Parahuni kaxetatemama meta kuyaximama. Te'uximayatamete 'ekipitutari 'aixɨa memɨtekahu paratsiyuta mekaniukayunixɨani Haramara Mɨxeta hetsie.