Memeyekɨ 15:20 - Kakaɨyari Niukieya

²⁰ Merikɨtsɨ Miriyami Kakaɨyari niukameya, 'Aruni taruya, kaitsawiwame kaniuti'ɨni, hipatɨta 'ukari mekaniweiyakaitɨni yukaitsakɨ mete'ukayuitɨwatɨ meta mete'ukaye'atɨ.

Memeyekɨ 15:20 ပူးပေါင်းရင်းမြစ်များ

Nɨawari 150:4

Xekenenɨawani xete'ukaketsinatɨ meta tepu 'etsimupepekɨ, xekenenɨawani pirikɨxakɨ meta kanaritsie mawɨkɨ.

1 Tsamuheri 18:6

Merikɨte kepauka memakunuaxɨa kuyaxi, Rawiri piritsiteu tewiyari hemiekuri, 'ixaheritsixi yunaitɨ 'ukarawetsixi mekaniwayeyeixɨani ti'aitame Tsahuri me'anunakeke, mete'uyuitɨaximetɨ, mete'ukaye'atɨ, me'utikwitɨ,

Nɨawari 68:25

Kwikamete mepanuyetei, wa'ɨtɨma teyuitɨwamete, wahamatɨa 'ukari memɨte'utikatse.

'Itsɨkate 11:34

Kepauka Ketexi yukie munua Mitsipa, niweya kanayeyani 'enunakeke, tiuyuitɨaximetɨ tiuneiximetɨ. Ketexi niweya 'uka puyuxewikai meta 'ukitɨme yuniwe pɨkahexeiyakai.

'Inɨatsie 26:59

'Amirani 'ɨyaya Kukaweri pɨtitewakai 'ukiyarieya Rewi pɨhɨkɨtɨkai, 'Ekipitu putinuiwakai. Tɨɨri mepɨwarayexei 'Amirahami hamatɨa mekanihɨkɨtɨni 'Aruni, Muitsexi meta wa'iwa 'uka Miriyami.

Mikeyaxi 6:4

Ne nekatiniuyurieni 'Ekipitu kwieyaritsie nemɨxe'ayewitɨ, nemɨxe'uxɨnaxɨ mɨkɨ kwieyaritsie waɨriyarika xete'aitɨariekaku. Ne nekaniwarutanɨ'ani Muitsexi, 'Aruni meta Miriyami, memɨxe'uwitɨximenikɨ.

Nɨawari 149:3

Meke'inɨawani mete'ukaketsinatɨ, kwikari meke'utikwikani xawerimakame meta tepu 'etsimupekɨ.

'Itsɨkate 4:4

Mɨkɨ tukaritsie katiniwa'aitɨakaitɨni 'ixaheritsixi tixaxatame 'ukatɨtɨ Rewura titewatɨ, Rapiruti kani'ɨyayatɨkaitɨni.

Rukaxi 2:36

Xewitɨta 'akaniuyeikakaitɨni 'ukaratsitɨtɨ Hana titewatɨ, mɨkɨ Kakaɨyari niukameya kanihɨkɨtɨkaitɨni, Penuheri kaninu'ayatɨkaitɨni, 'Atsexi nuiwarieyatɨtɨ. Kanitseɨyekaitɨni, nauka tewiyari heimana nauka wiyari kanihɨkaitɨni, 'utiwikieka 'atahuta wiyari piteɨtakai yɨkɨna,

Nɨawari 81:2

Nɨawari hetsiena mieme xekeneyuitɨaka. 'Ari tepu 'etsimɨpe xekeneutahutsunani, xaweri meta kanari witsimutaine.

2 Te'aitamete 22:14

Hikɨ Kirikiyaxi mawari wewiwame meta 'Akikani, 'Akuwuxi, Tsapani meta 'Atsahiyaxi, mɨkɨ mekanekɨne 'uka Kakaɨyari niukameya Hurira hetsɨa, Kerutsareme 'aurie kiekari hekwamekɨ mukumakaitsie kaniukateitɨni. Hurira Tsaruni kani'ɨyayatɨkaitɨni, ti'aitame kemariteya ti'ɨwiyame, Tikiwa nu'aya meta Karikatsi teukarieyatɨtɨ.

Memeyekɨ 2:4

Hikɨ nunutsi kurieya yateewa kaniuyuhayewa, niereke kemɨranuyeyanikekai.

Nɨ'ariekate 21:9

Mɨkɨ yunaukame yuniwema pɨwarexeiyakai 'ɨimarixi texaxatamete.

Nɨawari 68:11

Tati'aitɨwame yuniuki kaniyetuani, yumɨiretɨ hikɨ 'ukari mepikuxata:

Nɨawari 30:11

Nehiwerika matsi neiya pepayeitɨa, hiwerika kamixayari pepɨnetsi'anutihɨniri, 'ixɨararipa miemekɨ pepɨnetsi'utikemaritɨa,

2 Tsamuheri 6:14

Rawiri xeime xeikɨa 'anakatɨtɨ mawari wewiwame kamixaya 'etsimɨnena rinu 'ixurikiyarikɨ mɨwewiya, katiniutineitɨyani Yawé hɨxie waɨkawamekɨ yutemawietɨ.

1 Tsamuheri 10:5

»Mana pemɨyeyani Kiweya Kakaɨyari hetsɨa peneye'amɨkɨ, kuyaxi piritsiteutsixi mematiteitsie. Mana kiekaritsie peheutahaximetɨ Kakaɨyari niukametemama peniwaranukunakimɨkɨ tuki manuwe hɨritsie me'akaneikame. Metekuxatatɨ Kakaɨyari yatiwapitɨakaku mekaniyɨakakuni meta mete'ukayuitɨwatɨ mekaniyɨakakuni hipatɨ, kɨrautakɨ, kaitsakɨ, haripa 'amɨpapakɨ meta 'etsimɨpepekɨ.

'Itsɨkate 21:21

kayuwatɨ xeketeneteni. Kepauka 'ɨimarixi Tsiru kiekatari meme'axɨani metekuneitɨwetɨ, kaxie makumanetsie xekenewayekɨni yuxexuime xekenewarenawa 'ukari xe'ɨitama memakɨnekɨ, 'anari xekenehu Wenikamini kwieyaritsie.

'Inɨatsie 20:1

Yunaitɨ 'ixaheritsixi makumawetsie Tsini mekaniu'axɨani mexɨakame metseriyaritsie, Karetsi rakutewakaku mekanitiyaxe. Mana Miriyami mamɨtsie meta mana kaniukateukieni.

1 Kurinitutari 11:5

'Uka pɨta xɨka yutanenewieni, xɨka tikuxatani, kayukumu'ututɨ, kaniyutewiyatsitɨaka yumu'ukɨ. Yumu'utsie mumu'uxirieka hepaɨ kani'aneni.

2 Tsamuheri 6:16

Hikɨ kepauka Yawé kakunieya Rawiri kiekarieyatsie meutahaximekai, Mikari Tsahuri niweya yukiitsie wapaitɨ kananiere, hikɨ kepauka Rawiri muxei 'utitsukwakame meta tineineme Yawé hɨxie, waɨkawa kanitixani'erieni.

2 Tsamuheri 6:5

meta Rawiri meyunaitɨ teɨteri 'ixaheritsixi Yawé hɨxie mekateniukaketsinakaitɨni waɨkawamekɨ meyutemamawietɨ meta me'utikwitɨ haripa 'etsimupe meta 'amupa hayuanekaku, tepu 'etsimɨyeyeu, kaitsate meta tepɨa mutitiraurɨka.

1 Kurinitutari 14:34

kayuwatɨ meke'umaka 'ukari xeɨripa, mepɨkapitɨarie memɨtiniunikɨ. Mekete'aitɨarieka matsi, yaxeikɨa 'inɨari niukiyari kemaine hepaɨ.

'Inɨatsie 12:1

Muitsexi xeime 'uka 'ekipitutanaka kaniutiwitɨni, hikɨ Miriyami 'Aruni hamatɨa mekanitiniukimatɨkɨne mɨkɨkɨ.

Tsutɨarika 31:27

¿Ketitayari pereyetɨa 'atsipekaneretahɨaweka? Ne 'aixɨa 'anemekɨ nekamenetateutɨanikekaitɨni neyutemawietɨ ne xawererutsixi nepɨwareta'inienikekai.

2 Tsamuheri 1:20

»Kahati kiekariyaritsie xepɨkaheikuxatani meta 'Atsikaruni kayeyari 'utɨa mɨpaɨ xepɨkatehehiwani, 'ukari piritsiteutsixi memɨkaheyutemamawiekakɨ 'ixɨarari memɨkahewewiekakɨ mɨkɨ xitekiya 'inɨariyari memɨkahexeiya waniwema.

1 Kemɨtiuyɨ 6:3

'Amirani niwemama: 'Aruni, Muitsexi meta Miriyami. 'Aruni niwemama: Narawi, 'Awihu, 'Eriyatsaxi meta 'Itamaxi.

1 Kemɨtiuyɨ 15:16

Hikɨ Rawiri rewitsixi wa'ukiyarima katiniwaruta'aitɨani kwikamete memɨwaranuka'uitɨanikɨ, yu'iwamatɨme kwikari witsi'anuyɨneme memutikwikanikɨ 'aripakɨ, kanaritekɨ, meta tepɨa mɨxikɨrawi mutitirirɨka.

Ti'ɨkitame 3:4

kepauka mutatsuakanikɨ, kepaukata mutanawenikɨ, kepauka muyuhiwerieka, kepaukata temawierika mexeiyani,

Keremiyaxi 31:4

'Ɨimari 'ixaheri mieme. Hekwamekɨ nekamenanukuketɨamɨkɨ, puyuri, tawari petɨrɨkaɨyetɨ pepayani. Hekwamekɨ tepu 'etsimɨyeyeu xekaniti'ɨikuni temawierikakɨ xekatenikaneikuni.

'Inɨatsie 12:2

Mɨpaɨ mekaniutiyuanekaitɨni: «¿Kamɨtsɨ Yawé Muitsexi xeikɨa tikuhɨawe? ¿Tamɨ tameta katatikɨhɨawe?» Hikɨ Yawé kaniwaru'enieni.

Nehemiyaxi 6:14

«Nekakaɨyari, kena'eriwani kememɨnetsiyurikɨ Tsamɨwarati meta Tuwiyaxi. Yaxeikɨa kena'eriwani 'ukaratsi 'aniukame muyuxata Nuhariyaxi meta hipatɨ 'aniukamete memuyuxata memɨnetsitimariutakekai».

Nɨawari 68:26

'Aixɨa xeketenehekɨatani Kakaɨyari xeɨripa, Yawé xekenenɨawani, 'Ixaheri nuiwarimama.