Memeyekɨ 15:17 - Kakaɨyari Niukieya

¹⁷ 'Ekɨ pepɨwareutawitɨni, pepɨwaka'iteɨta, 'iya hɨritsie kemɨ'ane 'ahetsɨamɨmieme, Yawé, 'ekɨ hakewa pemeyeika, hakewa 'ekɨ, Yawé, 'atuki pemeyutawewiri.

Memeyekɨ 15:17 ပူးပေါင်းရင်းမြစ်များ

Nɨawari 44:2

'Atɨrɨkariyakɨ hipame nuiwarite pepɨwarutawei, mana pɨta pepɨwa'atɨa tapaapama, 'iya teɨteri pepɨwarakumaweriyaxɨ, tapaapama pepɨwaruparewi.

Nɨawari 80:8

'Ekipitu paitɨ xeime kaxie pepeyetui, memɨka'ateɨterima pewarutaweiyaka, mana pepikaye.

Keremiyaxi 32:41

Nekaniyutemawiekamɨkɨ newaparewietɨ, meta naime ne'iyarikɨ meta naime kenemɨtinematekɨ yurikɨ 'ikɨ kwieyaritsie nekaniwakayatsamɨkɨ.

Keremiyaxi 31:23

Mɨpaɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: «Kepauka ne 'aixɨa pe'itɨariekame nemɨmatsi'ayeitɨani, Kura kwieyaritsie meta kiekariteyaritsie mɨpaɨ mekaniutiyuanekuni: »“Hɨri mɨpatsie, heitserie mexeiya kie: Yawé kexe'ɨwiyani”.

Keremiyaxi 2:21

Ne nepumatsi'uka'e hatsi 'aixɨa mɨ'anekɨ, kaxie 'aixɨa mɨ'ane nemanayexei hepaɨ. ¿Titayari petiu'apataxɨ kaxie 'axamɨ'ane nemɨka'imate peratɨa?

Memeyekɨ 15:13

Waɨkawamekɨ pewanaki'erietɨ pepɨwaruwitɨxime 'ateɨterima pemɨwarutawikweitsitɨa, 'atɨrɨkariyakɨ pepɨwaruwitɨxime 'akiekari makupatsie.

Memeyekɨ 23:20

»Mɨpaɨ ketinemaika 'Ixaheri, ne nepenunɨ'ani 'ahɨxie niuki tuayame, mɨmatsihe'ɨwiyanikɨ huyeta, mɨmatsi'anuwitɨni hakewa 'ahetsiemieme nemɨrekuha'aritɨa.

Memeyekɨ 32:34

'Ekɨ kenemie, keniwaranuwitɨki 'ikɨ teɨteri hakewa nematsihetaxatɨa. Niuki tuayame 'ahɨxie kaniumiemɨkɨ. Tukari kanaye'amɨkɨ kepauka nemɨwa'uximatɨani 'axamemɨte'uyurikɨ, 'ana mɨpaɨ pɨtiyɨni.

Hutarieka 'inɨari 33:19

Hipame teɨteri mepɨwata'inieni hɨritsie memuhukɨ, mana mawari memewewienikɨ 'aixɨa memɨteyuriekɨ. Mepɨyutemamawieka haramaratsie tita waɨkawa mɨtixuawekɨ meta mɨraye'axe xiekarita mɨti'awietsiekɨ».

2 Tsamuheri 7:10

Meta neteɨterima 'ixaheritsixi nekaniwayetuiriemɨkɨ kwie, mana yuheyemekɨ memɨtitenikɨ 'aixɨa 'iyari mekamariutsietɨ. Mana memɨwaraye'unie mepɨkawa'uximatɨakari meripaitɨ kememɨwayuriekai,

1 Te'aitamete 8:13

ne matsi tuki yemekɨ mɨmariwe nepɨmatsi'utawewiri, muwa pemayekanikɨ 'aheyemekɨ».

Nɨawari 2:6

«Ti'aitame nekananukakeni Tsiyuni nehɨri mɨpatsie hetsie».

Nɨawari 68:16

¿Titayari hɨri kwinimieme mɨtɨtɨ kwi mete'ixexeiya me'ɨtetsatɨ, mɨkɨ hɨri Kakaɨyari minake mana muyeikanikɨ, hakewa Yawé yuheyemekɨ meyeikani?

Nɨawari 76:2

Tsareme mɨrakutewatsie tukieya puwe, Tsiyuni pɨkiekariena.

Nɨawari 80:15

'Atseriekɨ nanari pemukaye kanihɨhɨtɨni. Mɨkɨ hekwamekɨ matiyɨraxɨ 'ahetsiemieme pɨhɨkɨ.

Nɨawari 114:2

Kura Kakaɨyari tukieya kanayani, 'Ixaheri kwieyari mɨra'aita patɨa.

Memeyekɨ 25:8

Meta tuki xepɨnetsitawewirieni, xehamatɨa nemuyeikanikɨ.

Kutsuhexi 22:19

Xɨka kwie xemanu'uwa kapatsieka 'ena pɨta xekeneu'axɨa Yawé kwieyatsie, meta mana tukieya manuwe. Xekeneu'axɨa 'ena tahamatɨa xemɨtitenikɨ, neuxei 'axaxepɨkateyurieka takakaɨyari hepaɨtsita meta tame tahepaɨtsita, xepitawewi mawari taiyame peru 'ari tepeixeiya mawari taiyame Yawé hetsiemieme.

'Etsekieri 37:26

Wahamatɨa tɨratu nepɨwewieni 'aixɨa 'anemekɨ memu'uwanikɨ. Mɨkɨ tɨratu yuheyemekɨ pɨmiemetɨni. Yanepɨtiyurieni memɨtimɨirekɨ, meta wahixɨapa netuki nepɨtakeni yuheyemekɨ.

'Etsekieri 37:28

Kepauka netuki wahixɨapa muweni yuheyemekɨ, 'ana nuiwarite mɨpaɨ mepɨtehetimani kename ne Yawé, 'Ixaheri teɨteriyari mepatsiekame newarayeitɨa”».