Memeyekɨ 15:16 - Kakaɨyari Niukieya

¹⁶ mɨkɨtsɨ wahetsie pɨtinakeni marika. Yawé, kepemɨtitɨrɨkaɨyekɨ, mekaniuwawetɨ mepakɨne tetexi wahepaɨ kepaukake 'ateɨterima memanuyekɨne, teɨteri 'ahetsiemieme pemɨwarutinanai.

Memeyekɨ 15:16 ပူးပေါင်းရင်းမြစ်များ

Nɨawari 74:2

Keniwaraye'eri teɨteri pemɨwaranayexei meripaitɨ, nuiwari pemuwarɨxɨnaxɨ 'ahetsɨa memumiemetetɨnikɨ. Kenaye'eri 'ikɨ Tsiyuni hɨriyari, hikɨ pemanukatsie.

Hutarieka 'inɨari 2:25

Hikɨri kwitɨwa nekanitsutɨamɨkɨ yanekatiniyurimɨkɨ memɨxemakaxenikɨ yunaitɨ nuiwarite 'ena kwiepa memɨtama. Kepauka nuiwarite memɨxetamarieni, mekanitimamakuni mekaneuyuyexɨrikuni marikakɨ mekanitiyɨyɨakakuni”.

1 Tsamuheri 25:37

Merikɨte 'uxa'ariekake kepauka Nawari mukatawaipiekai 'anake katinitaxatɨani kemɨtiuyɨkai. Nawari matsi 'u'enaka yu'iyaritsie katiniutakwine hikɨ kaniuhurieni naitɨ.

Kutsuhexi 2:9

Mɨpaɨ katiniwarutahɨawe: ―Ne mɨpaɨ nepɨtimate Yawé 'ikɨ kwie pɨxeyetuiri, 'ayumieme tame tepɨxemakaxe, teyunaitɨ 'ena kiekatari marikakɨ tepɨkwiximeri 'atepɨka'u'uwanikeyu xehɨxie.

2 Pekuru 2:1

Hipatɨ texaxatamete memɨte'uyuterɨwakai peru memɨkahɨkɨtɨkai meripaitɨ mepanuku'ui teɨteri watsata, yaxeikɨata hikɨ xeme xetsata hipatɨ te'ɨkitamete mepɨte'uyuterɨwani, peru mɨkɨ mepɨkahɨkɨtɨni, niuki mekani'atɨakuni 'awie kɨmana teɨteri memɨtatɨmaiyarienikɨ yɨkɨ manuyɨnekɨ, 'atsita mepɨyuku'imawani, mɨpaɨ me'utiyuatɨ kename meka'imate yukutsiyari kemɨ'ane mɨwaruxɨnaxɨ mɨwarunanai. Yapauka meyutɨmaiyatɨ mekanayuyeitɨakuni.

1 Pekuru 2:9

Xeme pɨta xeime nuiwari xekanihɨkɨtɨni xemanayexeiyarie, Mawari wewiwamete ti'aitamete hetsɨamiemete, nuiwari xemɨpatsie, Kakaɨyari yuteɨterima mɨxe'ayeitɨa, xemɨtehekɨatanikɨ mariwemekɨ kemɨtiyuriene kemɨ'ane mɨxe'uta'ini xemɨtehayewakɨ yɨwipa xe'u'uwatɨ, mɨkɨ hekɨariyayatsie pɨta xemu'uwanikɨ mɨmariwetsie.

Titu 2:14

Mɨkɨ kaniyuyetuani tahetsiemieme, mɨtatsixɨnakɨ 'inɨari temeutitsanaxɨaku, meta mɨtatsi'itienikɨ yuhetsiemieme teɨterimama temanayexeiyarie temakɨnekɨ, tetawaɨriyatɨ 'aixɨa temɨteyuriekakɨ.

Keremiyaxi 31:11

Yawé 'Ixaheritsixi puwarutawikweitsitɨa, memɨtɨrɨkawi wahetsɨa kaniwarayewitɨni.

Hutarieka 'inɨari 11:25

Nixewitɨ pɨkaxeha'iwani. Tsepa hakewa xemeukɨ Yawé xekakaɨyari yapɨtiyurieni yunaitɨ kwiepa memɨtama memɨxemakaxenikɨ yemekɨ, mɨkɨ kemɨtixehahɨawekai.

Memeyekɨ 11:7

Peru 'ixaheritsixi wahetsɨa tsɨkɨ pɨkahetaha'ani. Mexɨakate teɨteri meta watewama tɨma mepɨkatekwini. 'Anari mɨpaɨ xepɨtehetimani Yawé yɨkɨmeteyuxexeiyame pɨwarayeitɨani 'ixaheritsixi 'ekipitutari wahamatɨa.

Nɨ'ariekate 20:28

Xekeneyukweriwayurieka xeme, xekeniwakweriwayurieka mɨkɨta muxatsi wakɨmana 'Iyari Mɨtiyupata xehɨritɨariekame mɨxe'ayeitɨa, xemɨwa'ɨwiyanikɨ mɨkɨ yunaime Ti'aitame hetsɨa miemete memɨyutixexeɨriwa, mɨkɨ mɨwarunanai yuxuriyakɨ.

Kitsariyaxi 51:10

¿'Ekɨ pekatiuyuri haramara pemakawatsiɨxaxɨ, haramara 'amatiyewa? ¿Haramara tetɨata huye pemutawewi mana memɨkɨnekɨ pemɨwarutawikweitsitɨa?

2 Tsamuheri 7:23

Hakewatsɨ nuiwari 'ateɨterima 'ixaheritsixi wahepaɨ me'anetɨ mepe'uwa. 'Ikɨ nuiwari xeikɨa pekaniuxɨna 'ena kwiepa, 'ateɨterima pewarayeitɨanike meta wahetsie pemetimatiwakɨ kepemɨtimariwe. Mariwemekɨ pekatiniuyurieni kepauka 'ateɨterima wahɨxie, 'Ekipitu kwieyaritsie kepemɨtatiutawikweitsitɨa, nuiwarite kananitari kepemɨtiwarayeweiyaxɨa meta wakakaɨyarixi.

1 Tsamuheri 2:9

Hetsiena yuri memɨte'erie yamemɨtekahu kaniwa'ɨwiyani, peru 'axateyuruwamete mekaneuyexɨrikuni makuyɨwitsie. Nixewitɨ pɨkarayu'iwa kemɨtinake yutɨrɨkariyakɨ.

Hutarieka 'inɨari 32:9

Xemetsɨ Yawé kanixe'anayexeiya teɨterimama xemɨhɨkɨtɨnikɨ, Kakuwu hetsiena mieme kanihɨkɨtɨni.

Hutarieka 'inɨari 32:6

»¿'Ikɨkɨ Yawé xete'akapitɨwa, teɨteri xemɨka'u'iyari? Mɨkɨ kani'apaapatɨni, kameniunetɨani, mɨkɨ pɨmatsi'utawewi, mɨmatsi'ukaye kanihɨkɨtɨni.

Memeyekɨ 23:27

»Kepauka pemunuani xeime kwieyaritsie, yanepɨtiyurieni memɨmatsitimakanikɨ, memeuyuyexɨrienikɨ meta memɨyuta'unakɨ.

Tsutɨarika 35:5

Kepauka memekɨ, nixewitɨ pɨkawaranukuwei Kakuwu tɨɨriyamama, waɨkawa memutimamakaikɨ kiekari mamanetɨkatsie.

Memeyekɨ 15:5

Haramara 'amatiyewatsie mekaniukayunixɨani, meukatewatsiepaitɨ tetexi hepaɨ mekaniukayunixɨani.

Memeyekɨ 15:6

Yawé, 'atɨrɨkariya pepuhekɨataxɨ mariwemekɨ, Yawé, memɨtatsi'aye'uniekai pepɨwarutitsanaxɨa.

Memeyekɨ 15:13

Waɨkawamekɨ pewanaki'erietɨ pepɨwaruwitɨxime 'ateɨterima pemɨwarutawikweitsitɨa, 'atɨrɨkariyakɨ pepɨwaruwitɨxime 'akiekari makupatsie.

Memeyekɨ 18:8

Muwa Muitsexi naime katinitaxatɨani yumune, Yawé kemɨtiuyuri Parahuni 'Ekipitu kiekame hɨxie meta 'ixaheritsixi wahetsiemieme naime kwaniwemekɨ kememɨte'uhukai huyeta Yawé kemɨtiwaparewiekai.

Memeyekɨ 20:2

«Netsɨ Yawé nekanihɨkɨtɨni 'akakaɨyari. Ne nepɨmatsi'ayewitɨ 'Ekipitu, hakewa waɨkawa pemɨre'uximayakai pekarepitɨarietɨ.

Memeyekɨ 23:20

»Mɨpaɨ ketinemaika 'Ixaheri, ne nepenunɨ'ani 'ahɨxie niuki tuayame, mɨmatsihe'ɨwiyanikɨ huyeta, mɨmatsi'anuwitɨni hakewa 'ahetsiemieme nemɨrekuha'aritɨa.

Hutarieka 'inɨari 2:4

Mɨpaɨ ketiniwarutahɨawi teɨteri: ‘Kwitɨwari yu'iwama wakwietsie xekaniuyekɨnikuni, 'Etsahu xiɨyarimama wakwietsie, Tsehixi memɨtitei. Tsepanetɨ mɨkɨ memɨxemakaxe, yumarima xekeneuhuni,

Kutsuhexi 4:24

'Ikɨ mɨyapɨtiuyɨ yunaitɨ nuiwarite memɨtehetimanikɨ Yawé mɨmariwe, xeme xemitsutɨanikɨ xeheyemakatɨ yuheyemekɨ xemeyexeiyanikɨ».

Nɨawari 105:38

'Ekipitutari mepuyukatemamawi kepauka memayekɨ, memɨwamakaxekaikɨ 'ixaheritsixi.

Kitsariyaxi 63:12

yamɨtiuyuri yumamá mariwemekɨ Muitsexi tserieta mumienikɨ, kemɨ'ane haa manutayepi mana muyanikɨ, yuheyemekɨ matiwatɨ mayanikɨ?

Memeyekɨ 6:7

Ne, xeme nekiekari nepɨxe'ayeitɨani, neta xekakaɨyari. Mɨpaɨ 'ana mepɨtehetimani, kename ne Yawé nexekakaɨyari, nemɨxe'ɨxɨnaxɨ 'ekipitutari kememɨtexe'uximatɨakai.

Memeyekɨ 23:22

Xɨka pehenu'enieni, xɨka yapetikayani naimekɨ kenemɨti'aita, memɨmatsi'aye'unie ne newaraye'unietɨ nepayani meta kemɨ'ane 'ahɨxie memu'uni wahɨxie nepukeni.

Nɨawari 89:14

'Aixɨa mɨti'ane meta tita mɨtiheitserie mɨkɨ 'a'uweni pɨtsutɨmeyari, meta 'aniukamete mepɨhɨkɨ naki'eriya meta yuri mɨraine.

'Etsekieri 16:8

»”Hutariekata 'a'aurie nemuyetɨatsie, nekameniuxeiya. 'Ari kanaye'akaitɨniri pematiwikieni. Hikɨ nematakɨ nekamenanakakamixatɨani pemɨmawekaikɨ. Tɨratu 'ahetsɨa nekaniuwewieni, yatekaniutiyuani, hikɨ nehetsiemieme pekanayani. Yawé naimekɨmɨyɨwe mɨpaɨ kanaineni.