Memeyekɨ 15:11 - Kakaɨyari Niukieya

¹¹ Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Memeyekɨ 15:11 ပူးပေါင်းရင်းမြစ်များ

1 Te'aitamete 8:23

mɨpaɨ 'utaitɨ: «Yawé, 'ixaheritsixi takakaɨyari, xewitɨta Kakaɨyari 'apɨka'uyeika 'ahepaɨ 'anetɨ taheima muyuawitsie meta 'ena kwiepa, 'ekɨtsɨ 'atɨratu pekanaye'atɨwani meta pekaniwanenimayaka yuheyemekɨ kemɨ'ane memɨmate'uximayatsirie meta yu'iyarikɨ memɨmatsi'uweiya.

1 Tsamuheri 2:2

»Nixewitɨ tɨma 'apɨka'uyeika Yawé hepaɨ patsietɨ, nixewitɨ pumawe tahetsie nunuwame takakaɨyari hepaɨ, xewitɨ hepaɨna 'anetɨ pumawe.

2 Tsamuheri 7:22

»Pepɨmariwe 'ekɨ, Yawé naimekɨmɨyɨwe. Tame mɨpaɨ tekatenetimani xewitɨ kaniumaweni 'ahepaɨ tɨrɨkaɨyetɨ meta tawarita yuri kakaɨyari pumawe.

Matsiɨkɨtɨ kemɨratɨa 4:8

Mɨkɨ yunaukatɨ memayeneniere yuxexuitɨ 'ataxewime 'anate mepexeiyakai, meta naitsarie yu'anatetɨa paitɨ mekanahɨxitɨkateitɨni. Tukarikɨ meta tɨkarikɨ mepɨkatehayewakai mɨpaɨ me'utiyuatɨ: «Kanipatsieka, kanipatsieka, kanipatsieka Ti'aitame Kakaɨyari Naimekɨmɨtɨrɨkaɨye, kemɨ'ane 'amuyeikakai, kemɨ'ane 'amuyeika meta kemɨ'ane 'umamie».

Kitsariyaxi 6:3

Mɨpaɨ yuxexuitɨ meteyutahɨawetɨ: «Kanipatsieka, kanipatsieka, kanipatsieka Yawé Naimekɨmɨtɨrɨkaɨye, naitsarie kwiepa pɨmatsiɨkɨ witsikemɨ'ane».

Hutarieka 'inɨari 3:24

“Yawé Kakaɨyari, 'ekɨ pekanitsutɨani ne mati'uximayatsiriwame penetixeitsitɨatɨ kepemɨtimariwe kepemɨtitɨrɨkaɨye, xewitɨ kakaɨyari pumawe muyuawitsie meta kwiepa mɨpaɨ tiyurienetɨ kepemɨtiyuriene meta mariweme kepemɨtiyuriwe.

Nɨawari 86:8

Yawé, tawarita xewitɨ pumawe kakaɨyarixi watsata 'ahepaɨ tiuka'iyaritɨ, pumawe wewiyaya pemɨtiutiwewi hepaɨ ti'anenetɨ.

Nɨawari 77:14

'Ekɨ Kakaɨyari pepɨhɨkɨ mariweme pemɨtiyuriwe, 'atɨrɨkariya pemɨhekɨata teɨteri wahetsie.

Matsiɨkɨtɨ kemɨratɨa 15:4

Kamɨtsɨ Ti'aitame, mekamenayemakaxekakuni. Kamɨtsɨ 'aixɨa petikuxaxatsiwame mekamenayeitɨakakuni. 'Ekɨ xeikɨa pekanipatsieka. Yunaitɨ nuiwarite mekani'axɨakuni, nenewieri memetsipitɨanike 'a'uximayatsika heitseriemekɨ mɨhekɨakɨ».

Kitsariyaxi 40:25

«¿Kamɨtsɨ kemɨ'ane hepaɨ kename ne'ane xepɨtiyuani? ¿Kemɨ'ane nehepaɨ pɨ'ane?», mɨpaɨ kanaineni Mɨpatsie.

Hutarieka 'inɨari 33:26

»Xewitɨ pumawe Ketsuruni Kakaɨyarieya hepaɨ 'aixɨa tiuka'iyaritɨ, xeparewienike muyuawitsie pakaneika, haitsata, waɨkawa mariwetɨ.

Nɨawari 77:19

Haramaratsie 'ahuye pepanuwewi, haa waɨkawa 'apametsie pepɨtɨa, peru 'aketate pɨka'uhekɨarixɨ.

Kitsariyaxi 40:18

¿Kemɨ'ane Kakaɨyari hepaɨ 'aneme mepayeitɨani? ¿Kehepaɨ mete'iwewieni?

Nɨawari 35:10

'ana mɨpaɨ yemekɨ nepɨtayɨni: «Xewitɨ pumawe 'ahepaɨ 'anetɨ Yawé. 'Ekɨ pepɨwawikweitsitɨa haweri memɨyɨa memɨtɨrɨkawi wahetsɨa, haweri memɨ'anene meta tixaɨtɨ memɨkateheuxeiya pepɨwawikweitsitɨa memɨtewa'uximayatsitɨa wahetsɨa».

Memeyekɨ 8:10

Parahuni mɨpaɨ katinita'eiya: —'Uxa'a kwitɨwa. Muitsexi mɨpaɨ kaniutayɨni: —Mɨpaɨ kaniyɨmɨkɨ, pekatinetimaimɨkɨ xewitɨ kakaɨyari kaniumaweni Yawé takakaɨyari hepaɨ 'anetɨ.

Nɨawari 66:5

Xekenakɨni xeketeneuxeiya Kakaɨyari kemɨtiyurieni, tahetsiemieme mariweme kemɨtiuyuri,

Keremiyaxi 49:19

»Kurutani mɨ'ɨtsiyata maye mayeneika makutsiɨraɨye 'ɨxapa yapauka mɨ'axe hepaɨ, yapauka neniwatimariutamɨkɨ 'erumitsixi, wahetsiemieme xeime nekananayexeiyamɨkɨ. Tawari Kakaɨyari pumawe nehepaɨ 'anetɨ. Xewitɨ mɨnetsita'iwa pɨkayɨwe. Nixewitɨ muxatsi wahɨweme netsi 'aye'unietɨ pɨka'ayeiwe».

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Nɨawari 145:17

Yawé heitserie pɨti'uximaya kemɨtayɨni pɨraye'atɨwa meta naime yapɨtiyuriene yunaki'eriyakɨ.

Keremiyaxi 10:16

Kakaɨyari Kakuwu manayexei nuiwarieya mayanikɨ mɨkɨ wahepaɨ pɨka'ane, matsi mɨkɨ naime mɨtiunetɨa kanihɨkɨtɨni, Yawé Naimekɨmɨtɨrɨkaɨye katinitewaka, meta nuiwarieya 'Ixaheri kanihɨkɨtɨni.

Nɨawari 119:120

Marikakɨ 'ahɨxie nepɨyɨyɨaka, yaxeikɨata 'a'aitsika ne'ayemakatɨ.

Rukaxi 12:5

Nepɨtixetaxatɨani kemɨ'ane matsi xemɨmakarɨka: xekenemakarɨka kemɨ'ane, ramieme, heitserie mexeiya tai yamɨtita'atsie mɨreukahɨani. Huu, mɨpaɨ nepɨtixekɨhɨawe, mɨkɨ xekenemakarɨka.

Nɨawari 90:11

¿Kemɨ'ane 'ahaxɨa mɨtɨrɨkaɨye petimaiwe? 'Ahaxɨa pɨmariwe ketemɨteheumama temetsimakaxetɨ.

Mawari 19:2

'ixaheritsixi memuyutixexeɨriwa mɨtiwataxatɨanikɨ 'ipaɨ mɨtiwatahɨawekɨ: «Xekenepatsieka, ne Yawé xekakaɨyari nemɨpatsiekɨ.

Kitsariyaxi 30:11

Huye xekeneuku'eiri, mɨkɨ huye xekeneuhayewa, xeketaneuhayewa Mɨpatsie 'Ixaheri hetsiemieme kemɨtatsiyurieneni».

Nɨawari 89:18

Yawé, 'ekɨ tepɨa tahetsie nunuwame pepɨhɨkɨ, 'ekɨ, 'Ixaheri hetsie pemɨpatsie, petati'aitɨwame pepɨhɨkɨ.

Matsiɨkɨtɨ kemɨratɨa 13:4

Nenewieri kuu 'amɨtimariwe mekanipitɨakaitɨni, yeutanaka tɨrɨkariya mɨpitɨakɨ. Yeutanakata nenewieri mekanipitɨakaitɨni mɨpaɨ me'utiyuatɨ: «¿Kepaikɨ mɨkɨ yeutanaka hepaɨ pɨ'ane, kepaikɨ pɨyɨwe hamatɨana mɨyumieneni?»

Memeyekɨ 3:20

'Ayumieme netɨrɨkariya nepɨhekɨata, nepɨtiwakwinitɨani 'ekipitutari 'inɨari kenemɨtiwewieni mariwemekɨ watsata. Naitɨ mɨkɨ ranuyeyayu Parahuni pɨxepitɨani xemɨyehukɨ.

Memeyekɨ 9:14

Hikɨri 'imatɨrieka waɨkawa mariwemekɨ nepɨmatsi'anunɨ'airieni kwiniya 'ahetsiemieme, yaxeikɨata te'a'uximayatsiriwamete wahetsie, para mɨpaɨ pemɨretimanikɨ kename xewitɨ 'umawe 'ena kwiepa nehepaɨ tiyurienetɨ.

Memeyekɨ 18:11

Hikɨri nepɨtimate Yawé matsi pɨmariwe keyuri hipatɨ kakaɨyarixi, 'ixaheritsixi mepɨnanaimariekai 'ekipitutari mariwemete mepayuyeitɨakai».

Memeyekɨ 20:3

»Hipame tawarita kakaɨyarixi pepɨkawarayexeiyani ne xeikɨa.

2 Kemɨtiuyɨ 2:5

»Tuki nekanitawewimɨkɨ mariwekame, matsi takakaɨyari kanimariweni keyuri kakaɨyarixi.

2 Kemɨtiuyɨ 6:14

mɨpaɨ katiniuyunenewieni: «Yawé, 'ixaheritsixi takakaɨyari, xewitɨta Kakaɨyari 'apɨka'uyeika 'ahepaɨ 'anetɨ muyuawitsie meta kwiepa, 'ekɨtsɨ 'atɨratu pekanaye'atɨwani meta pekaniwanenimayaka yuheyemekɨ kemɨ'ane memɨmate'uximayatsirie meta yu'iyarikɨ memɨmatsi'uweiya.

Nɨawari 22:23

Yawé xekenenɨawani kemɨ'ane xemeyemakaxe. Mariweme xekenayeitɨaka, Kakuwu niwemama. Xekenayexeiyani, 'ixaheri nuiwarimama.

Nɨawari 113:5

Xewitɨ Yawé takakaɨyari hepaɨ pɨka'ane, 'uweni hexeiyatɨ muyuawitsie

Nɨawari 136:4

Mɨkɨ xeikɨa mariweme mɨtiwewiwe, mɨkɨ hatsuaku pɨkatatsihayewa tatsinaki'erietɨ.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Memeyekɨ 8:6

'Aruni yu'itsɨ kaneutatsera haa 'ekipitu miemetetsie, temutsi mekaniutixuawere naitsarie.

Hutarieka 'inɨari 1:30

Yawé xekakaɨyari xehɨxie paitɨ 'anuyekaitɨ kaniumieni, mɨkɨ xehetsiemieme kaniyutamiemɨkɨ, 'Ekipitu kexemɨtehenenierixɨ kemɨreyuri hepaɨ

Hutarieka 'inɨari 4:34

Xewitɨ tawari kakaɨyaritɨtɨ meutahanikɨ xeime nuiwaritsie pumawe, muwarayewitɨnikɨ yuhetsiemieme wata'inɨatame, 'inɨarite tiwewietɨ, kwinimieme yemekɨ mamariwawemekɨ, kuyaxa wewietɨ, yumamá tɨrɨkaɨyemekɨ tatseratɨ, waɨkawamekɨ makaxiwame, Yawé xekakaɨyari xehetsiemieme mɨtiuyuri hepaɨ 'Ekipitu, xeme xenenierekaku.

1 Kemɨtiuyɨ 16:25

Yawé matsi kanimariweni, hetsiena pɨtinake witsimɨtikɨhɨawarɨwani, matsi waɨkawa makaxiwatɨ keyuri hipatɨ kakaɨyarixi.

Nɨawari 60:2

Kwie pekaniutayuitɨani, pekanitatsiniya, 'aixɨa keneuyuri mukatataritsie, karikɨ kaneuku'unikeni.

Nɨawari 77:11

Nepiku'eriwa pɨta Yawé kemɨtiuyuri, nepe'eriwa mariweme kemɨtiuyuri meripaitɨ.

Nɨawari 86:10

'Ekɨ pemɨmariwekɨ meta mariwemekɨ pemɨtiyurienekɨ, 'ekɨ xeikɨa pepɨkakaɨyari.

Kitsariyaxi 46:9

Meripaitɨ timieme xeketenaye'eri, ne Kakaɨyari nepɨhɨkɨ, tawarita xewitɨ pumawe, ne Kakaɨyari nepɨhɨkɨ, tawarita xewitɨ nehepaɨ 'anetɨ pumawe.