Memeyekɨ 14:22 - Kakaɨyari Niukieya

²² 'ixaheritsixi mana mekaniukɨne kwie wakimetsie me'uhutɨ. Haramara kaniti'ukaitɨni 'ixumeri hepaɨ watserieta meta wa'utata.

Memeyekɨ 14:22 ပူးပေါင်းရင်းမြစ်များ

Hepɨrayutsixi 11:29

Yuri memɨte'eriekaikɨ Haramara Mɨxetatsie mekananukɨne makuwaki hepaɨ 'anekaku, peru 'ekipitutari mɨpaɨta meyɨnike mekanehauxɨani haramaratsie.

Nɨawari 66:6

Haramara 'akuwakime kanayeitɨani, teɨteri me'uhutɨ mana mekaniukɨne. Tepɨyutemamawieka hetsiena.

Nɨawari 78:13

Haramara hixɨapa puhuyetaxɨ mana memukɨnekɨ, haa pɨti'ukai 'ixumeri hepaɨ peutiheitseriekai.

Memeyekɨ 15:19

Kepauka Parahuni kawayutsiximama meta kaxetamama teɨteri me'utetɨ haramaratsie memanukɨnekekai, Yawé yakatiniuyurieni haa waheima muyeurienikɨ. 'Ixaheritsixi mekayu'iyaritɨatɨ mepanukɨ kwie wakimetsie.

Memeyekɨ 14:29

Peru 'ixaheritsixi teɨteriyari mekananukɨne kwie wakimetsie haramaratsietɨtɨ, mɨkɨ wahetsiemieme haa 'ixumeriyari kanihɨkɨtɨkaitɨni watserieta meta wa'utata.

1 Kurinitutari 10:1

Yaxeikɨa ne'iwama, kaneuyeweka mɨpaɨ xemɨtemaikakɨ, tatewarima yunaitɨ mɨkɨ haiwitɨritɨa kepauka memu'uwakai, yunaitɨ mana haramaratsie kepauka memanukɨ,

Kitsariyaxi 63:13

¿Hakewari haramaratsie muwaranawitɨ, makumawetsie yeikame kawayutsie manaka hepaɨ, witsi'anekɨa muwarawitɨ memɨkahekaxɨri?

Nehemiyaxi 9:11

Wahɨxie haramara pepanutayepi, mepanukɨ 'ayewakikaku. Peru memɨwaruweiyakai haramara 'ameukatewatsie pepɨwareukaxɨri, tetexi wahepaɨ tetɨata paitɨ.

Memeyekɨ 15:8

Xei 'iiyayarikɨ pepɨtiuyuri, haa manutayepierekɨ, hamewari kayuwatɨ pɨtiu'ui 'ixumeri hepaɨ pɨtiyuxexeiyakai, haa pɨkakuyuatɨkatei tetɨata paitɨ.

'Inɨatsie 33:8

Manata memɨyekɨ Pi-'Akiruti mekananukɨne haramaratsie makumawetsie mekaniu'axɨani. Mana me'u'uwatɨ makumawetsie haika tukari 'Etami mɨrakutewatsie Maraha mekanitiyaxe.

Tsakariyaxi 2:5

Hikɨ kiekari warita —Yawé mɨpaɨ paine— tai kuraruyari nepɨhɨkɨtɨni, meta kiekari taɨta nepitahɨniya waɨkawa 'aixɨa mɨti'anekɨ”.

Kutsuhexi 3:17

Hikɨ mawari wewiwamete tɨratu kakuniyari Yawé hetsiemieme memukweiximekai Kurutani hixɨapa mekaniwa'uni, mexi me'anukɨkakai 'ixaheritsixi 'ayewakikakɨ.

Kutsuhexi 4:22

xeme mɨpaɨ xepɨtewatahɨawe: “Kepauka 'ixaheritsixi memanakɨ Kurutanitsie wakikɨa mepakɨ”.

1 Tsamuheri 25:16

Mɨkɨ tukarikɨ tɨkarikɨ mepɨtatsi'ɨwiyakai, mexi muxatsi tewahɨtɨwekai mana wa'aurie.

2 Te'aitamete 2:8

'Eriyaxi yu'ɨkari kananakuhurieni, hikɨ 'itakwikwieka, haa kaniuwani kɨmana. 'Ana haa kananutayepiere 'anutaɨye heutanetɨ, hikɨ mana mekaniukɨne yuhutatɨ wakikɨa.

Nɨawari 74:15

'Ekɨ pepɨtiuyuri haixa pemanetɨaxɨa meta hatɨa, haa manuyehapane waɨkawa pepikawatsiɨxaxɨ.

Nɨawari 136:14

Hixɨapa muwaruwitɨtɨya 'ixaheritsixi, mɨkɨ hatsuaku pɨkatatsihayewa tatsinaki'erietɨ.

Kitsariyaxi 43:16

Yawé mɨpaɨ kanaineni, kemɨ'ane haramaratsie huye mutawewi, 'anuyeyɨkɨme mayeitɨa haramara 'uyuanekaku,

Kitsariyaxi 63:12

yamɨtiuyuri yumamá mariwemekɨ Muitsexi tserieta mumienikɨ, kemɨ'ane haa manutayepi mana muyanikɨ, yuheyemekɨ matiwatɨ mayanikɨ?

Kutsuhexi 3:16

hikɨ haa 'uhanetɨ katiniuhayewa, 'ai hepaɨ 'anetɨ kanayani 'ateewa yuhekɨatɨ, 'Arani kiekariyaritsie kaniuti'ani meta Tsaretani kuraruyari 'amatitewa hepaɨtsita, yaxeikɨata katiniuhayewa 'uhanetɨ Harawa meukayune Haramara Mɨmɨkitsie, mɨpaɨ mekateniukɨne teɨteri 'ixaheritsixi mekaniuyuhayewa Keriku hɨxie.

2 Te'aitamete 2:14

haa kaniuwani mɨkɨ 'ɨkarikɨ meta mɨpaɨ kaniutayɨni: «¿Hakewari Yawé, 'Eriyaxi Kakaɨyarieya?» Yapauka haa muwatsie, haa kananutayepiere hautanetɨ, hikɨ 'Eritseu kananuyani 'anutaɨye paitɨ.

Nɨawari 106:9

Haramara Mɨxeta kaniutatieni, hikɨ mɨkɨ kanakawani, mana haramara 'amatiyewatsie kaniwaruwitɨtɨyani makumawetsie memɨkɨne hepaɨ.

Nɨawari 136:13

Kemɨ'ane Haramara Mɨxeta manutayepi, mɨkɨ hatsuaku pɨkatatsihayewa tatsinaki'erietɨ.

Kitsariyaxi 11:15

Yawé 'Ekipitu haramarayari kanikawatsiɨxamɨkɨ, yumamá haa 'Eupɨrate hetsie kaneutatseramɨkɨ, meta 'eka xɨkame kanikuwiwimɨkɨ, 'atahutame 'akiyari kaniuyetuamɨkɨ mana memɨkɨnekɨ yukakaitsie me'u'utɨ.

Kitsariyaxi 11:16

Teɨterimama memuyuhayewaxɨ wahetsiemieme, 'Atsiriya memuyuhayewaxɨ wahetsiemieme, huye kanitixuawerimɨkɨ, kemɨtiɨyɨ hepaɨ 'ixaheritsixi wahetsiemieme 'Ekipitu kepauka memayekɨtsie.

Kitsariyaxi 51:10

¿'Ekɨ pekatiuyuri haramara pemakawatsiɨxaxɨ, haramara 'amatiyewa? ¿Haramara tetɨata huye pemutawewi mana memɨkɨnekɨ pemɨwarutawikweitsitɨa?